完整藏文原文 · 德格版页 当前仅加载第 97 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པའི་རྣམ་གྲངས་ཀུན། །བཀྲི་བའི་དོན་དེ་དེ་ཉིད་མིན། །ཚིག་བརྡ་བརྗོད་པས་དོན་རྙེད་པ། །སྒྲོན་མེས་མུན་ཁུང་གསེར་ཚོལ་ལྟར། །གསང་བའི་སྙིང་པོའི་མཛོད་བརྟོལ་ཏེ། །དམ་པ་རྣམས་ཀྱི་གཏེར་ཆེན་འབྱིན། །ཐིག་ལེ་
D829.097.0135a01.01གཅིག་གིས་ཀུན་ལ་ཁྱབ། །ཐམས་ཅད་ལུང་ཆེན་ངེས་པར་བསྟན། །དེ་དག་དེ་ཉིད་ངང་གྲོལ་ན། །གསང་སྔགས་མཐོང་བ་སངས་རྒྱས་ཏེ། །ཀུན་ཀྱང་བདེ་ཆེན་བྱང་ཆུབ་སེམས། །རྟོག་བྲལ་དྲི་མེད་རྣམ་པར་དག །བདེ་ཆེན་ཉིད་ལ་བདེ་ཆེན་རྫོགས། །
D829.097.0135a02.01ཡེ་ཤེས་ཉི་མའི་སྙིང་པོ་ཤར། །མ་ལུས་མཐའ་དག་ཐིག་ལེའི་རྒྱ། །ཡེ་ནས་བཙལ་མེད་བཙལ་མི་དགོས། །རྒྱུ་འབྲས་དབྱེར་མེད་དེ་ཉིད་དེ། །མི་གཡོ་མི་རྟོག་ཡུལ་འདས་ལ། །རྒྱུ་དང་འབྲས་བུར་རྟོག་འཛིན་གྱིས། །ཐམས་ཅད་སྒྱུ་མ་འཁྲུལ་པས་
D829.097.0135a03.01བཅིངས། །རང་བྱུང་ཡེ་ཤེས་ཉི་མ་ཉིད། །མ་བཅོས་ཇི་བཞིན་གནས་པ་ན། །སྙིང་པོ་ཉིད་དུ་གོལ་ས་མེད། །ཐམས་ཅད་བྱང་ཆུབ་སྙིང་པོ་བས། །ཀུན་ཀྱང་མ་བཙལ་བདེ་བར་གནོས། །སྣང་སྲིད་འཁོར་བའི་ཁ་བརྒྱུད་ཀྱང་། །སྙིང་པོ་དབྱིངས་
D829.097.0135a04.01ལས་གར་མི་ཕྱིན། །མཐའ་ཐུག་མེད་པའི་གཞི་བགྲོད་ཀྱང་། །སྙིང་པོ་དེ་ལས་གཡོས་པ་མེད། །དཔག་མེད་རྒྱལ་བ་ཀུན་བསྒྲུན་ཀྱང་། །སྙིང་པོ་ཡོངས་སུ་འཕེལ་བ་མེད། །སེམས་ཅན་མཐའ་ཐུག་མེད་འབྱུང་ཡང་། །དེ་ཉིད་དེ་ལས་འགྲིབ་པ་མེད། །
D829.097.0135a05.01སྐྱེ་བཞི་རྒྱུད་ལྔར་གང་སྣང་བ། །སངས་རྒྱས་ཉིད་དེ་ཡེ་ཤེས་སྐུ། །ཐམས་ཅད་དེ་ཉིད་དེ་གཅིག་པས། །ཡེ་ནས་སངས་རྒྱས་བདེ་ཆེན་ཉིད། །སྐྱེ་འགག་མེད་པའི་སྙིང་པོ་ཡིན། །བྱ་བྱེད་མེད་པའི་དཀྱིལ་འཁོར་གསུམ། །ཡེ་ནས་བསྒྲུབས་ཟིན་ལྷུན་གྱིས་
D829.097.0135a06.01གྲུབ། །སྒྲུབ་པ་འདི་ལ་གང་གནས་པ། །རྣལ་འབྱོར་དེ་ཉིད་སྐལ་བ་བཟང་། །ཇི་ལྟར་བསྒོམས་བསྒྲུབས་ཅི་སྤྱད་ཀྱང་། །དེ་ཉིད་ཡིན་ཏེ་དོན་གྱི་མཆོག །རྒྱལ་བ་ཀུན་གྱི་སྙིང་པོ་ཉིད། །བྱིན་བརླབས་ངོ་མཚར་རྒྱ་ཆེར་འབྱུང་། །རྒྱལ་བ་རྒྱ་མཚོ་རྣམས་
D829.097.0135a07.01