完整藏文原文 · 德格版页 当前仅加载第 97 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
པདྨོ་རབ་དགའ་བ། །སྣང་མཛད་ངག་གི་དབང་ཕྱུག་ཚོགས། །བྱང་ཆུབ་ཆེན་པོ་ཅང་ཤེས་གཙོ། །ཐབས་ཆེན་དགུ་ཡི་རྫུ་འཕྲུལ་གྱིས། །རྡོ་རྗེ་རྟ་གདོང་སྤྲུལ་པའི་ཚོགས། །ནམ་མཁའི་ཁམས་ཀུན་ཡོངས་བཀང་ནས། །མ་ལ་ཡ་ཡི་རྩེ་ལ་
D829.097.0151b01.01ལྷགས། །འཁོར་བ་མ་སྟོངས་བར་དུ་ནི། །ཐུགས་རྗེ་དབང་གིས་སྤྱན་རས་གཟིགས། །སྟུག་པོ་བཀོད་པའི་རྒྱལ་བ་ཡང་། །དགོངས་པ་གསང་བ་གཅིག་ཏུ་འདུས། །ཁམས་གསུམ་ཡོ་སྒྲོལ་སྙིང་པོར་དགོངས། །དུས་གསུམ་གཏན་སྤྲུགས་བྱིན་
D829.097.0151b02.01བརླབས་མཛོད། །འཁོར་བ་ཆོས་ཉིད་སྤྱན་རས་གཟིགས། །སྡུག་བསྔལ་བྱང་ཆུབ་ལམ་དུ་མཛད། །ལས་ཉིད་རང་བྱུང་ཡེ་ཤེས་འགྲེལ། །རྣམ་སྨིན་སུན་ཕྱུང་རྡོ་རྗེ་ཉིད། །ཡེ་ནས་ཇི་བཞིན་མ་བཅོས་པའི། །རང་བྱུང་དཀྱིལ་འཁོར་ཆེན་པོར་དགོངས། །
D829.097.0151b03.01གསང་བདག་རྡོ་རྗེ་འཛིན་པ་ཡང་། །སྐུ་དང་གསུང་ཐུགས་རྡོ་རྗེ་ལས། །སྤྲུལ་པའི་སྲས་མཆོག་རྡོ་རྗེ་འཛིན། །གཞོན་ནུ་བྱེ་བ་ས་ཡར་མཛད། །ཐམས་ཅད་དབྱར་གྱི་སྤྲིན་ཕུང་བཞིན། །ནམ་མཁའ་དབྱིངས་ཀྱི་མཐས་ཀླས་པར། །མ་ལ་ཡ་ཡི་རྩེ་ལ་
D829.097.0151b04.01ལྷགས། །མཐུན་འཇུག་ཐབས་ཀྱི་ཆ་བྱད་དུ། །གང་འདིར་བྱིས་པའི་སྤྱོད་པ་ཡིས། །བདུད་ཀྱི་སྤྱོད་ཡུལ་ཀུན་མཛད་དེ། །འཇིག་རྟེན་ཁམས་སུ་བྱིས་པར་བསྟན། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ལས་བཞི་རྡོ་རྗེ་སྐོས་ཀྱི་
D829.097.0151b05.01ལེའུ་ཞེས་བྱ་སྟེ་ཉི་ཤུ་དྲུག་པའོ།། །།དེ་ནས་མཐུན་འཇུག་སྐྱེས་བུ་དེས། །མཐུན་པའི་སྤྱན་གྱིས་གང་གཟིགས་ན། །ལས་ཀྱི་{ཡི་དགས་,ཡི་དྭགས་}དྲག་པོ་དེ། །དངོས་པོ་བཞེས་ནི་དབང་བྱས་པ། །རྣམ་པར་སྨིན་པའི་དངོས་པོ་ནི། །བམ་རི་ཐོད་པ་མཁར་གྱི་
D829.097.0151b06.01རྩར། །ཁྲག་དང་བཤང་གཅི་ཤ་ཆེན་དང་། །རྐང་དང་ཀླད་པ་ཀླད་རྒྱས་དང་། །རྣག་དང་ཆུ་སེར་ལ་སོགས་པའི། །འདམ་གྱིས་ཕྲུ་མ་ཡོངས་སུ་བསྐོར། །འབུ་དང་ཤིན་ཏུ་འབུ་ཆེན་པོ། །སྦྲང་མ་སྦྲང་རྒོད་བུང་བ་དང་། །སྦྲུལ་དང་སྡིག་པ་སྡོམ་ལ་སོགས། །ཀང་
D829.097.0151b07.01