完整藏文原文 · 德格版页 当前仅加载第 97 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
གང་དག་རྣལ་འབྱོར་མར་ལྡན་རྣམས། །རྡོ་རྗེ་འཛིན་མ་ལ་སོགས་པ། །ལྷ་མོ་ཚོགས་སུ་བཀོད་ནས་ཀྱང་། །གནས་འདིར་འཇུག་དགའ་ལ་སོགས་པ། །ཐབས་ཀྱི་ཕྱག་རྒྱ་མཚན་མར་སྦས། །རྡོ་རྗེ་མཉམ་པའི་གཟུངས་རྣམས་ལ། །མཉམ་པའི་མཆོད་
D829.097.0269a01.01པས་མཉེས་པར་བྱ། །བྲོ་གར་གླུ་ཚིག་ལ་སོགས་པས། །རིག་འཛིན་རྣལ་འབྱོར་མ་རྣམས་བསྒྲུབ། །གཞན་ཡང་དུས་བཞི་མཉམ་རིག་ན། །དུས་ཞེས་བྱ་བར་ག་ལ་རིགས། །དུས་བཞི་མཉམ་པར་རབ་ཤེས་ན། །དེ་ཉིད་མཉམ་པའི་རང་བཞིན་ནོ། །རྡོ་རྗེ་ལྷ་མོ་དུས་ཀྱི་
D829.097.0269a02.01ཚོགས། །འདས་དང་ད་ལྟར་བྱུང་བ་དང་། །མི་འབྱུང་མ་ངེས་ཆ་རྣམས་ལ། །དབང་སྒྱུར་མཉམ་པའི་རྒྱལ་མོ་རྣམས། །འཇིག་དང་སྐྱེ་དང་སྨིན་པ་དང་། །སྟོངས་པར་གྱུར་པ་དེ་དག་ཏུ། །རྡོ་རྗེ་རྣམ་ཐར་ཚད་མེད་དང་། །སེམས་དང་དེ་བཞིན་མཉམ་པ་ཡི། །ཤེས་རབ་འཁོར་
D829.097.0269a03.01དང་དམ་པའི་དཀྱིལ། །ཇི་ལྟར་རིམ་པར་རྡོ་རྗེ་ཡི། །གླུ་གར་ལ་སོགས་ཡོ་བྱད་ཀྱིས། །མཆོད་དང་འཇུག་ཚུལ་ཇི་ལྟ་བར། །ཆ་རྣམས་དུས་ལས་མི་འདའ་བར། །ལྷ་ཡི་ཉི་མ་རྣམས་ལའོ། །བདེ་བ་ཆེན་པོ་ལ་སོགས་པ། །ཚོམ་བུའམ་ཡང་ན་ཕྱག་རྒྱ་རྣམས། །སྤྱིར་
D829.097.0269a04.01རམ་རེ་རེར་སྦྱར་བར་བྱའོ། །འདས་པ་རྣམ་ཐར་ཚོགས་བསྐྲུན་ཏེ། །ད་ལྟར་འབྱུང་དང་མི་འབྱུང་ལ། །ཚད་མེད་སེམས་དང་རྣམ་ཐར་བསྐྲུན། །དེ་ནི་མཉམ་པའི་རྒྱལ་པོར་འགྱུར། །གཞན་ཡང་རྣལ་འབྱོར་བྱང་ཆུབ་སེམས། །རྫོགས་པ་བཅུ་དྲུག་ཟླ་རྒྱས་ཚུལ། །སྙིང་
D829.097.0269a05.01རྗེ་ཡེ་ཤེས་ཤར་བ་ན། །མཁའ་ལ་ཉི་ཤར་ཚུལ་བཞིན་དུ། །དམ་པའི་རྫོགས་པའི་རྣལ་འབྱོར་པ། །ཡང་དག་ངེས་པའི་ས་པ་ཡིན། །བཅུ་གསུམ་ལ་ལ་བགྲོད་པ་ནི། །རྡོ་རྗེ་དུས་ཀྱི་རྒྱུན་ཚོགས་སྦྱར། །སྐར་ཚོགས་དབུས་ན་ཟླ་ཉ་བ། །བཅུ་དྲུག་ཞག་གིས་རྫོགས་
D829.097.0269a06.01པ་བཞིན། །བཅུ་གསུམ་རྩལ་ཆེན་རྫོགས་པའི་ས། །བཅུ་དྲུག་ཚོགས་ཀྱིས་རྫོགས་པས་ན། །བརྗེས་པའི་ཟླ་བ་བཅུ་དྲུག་གིས། །ཉི་གསལ་འོད་ཀྱི་ཕྱག་རྒྱ་ལ། །མཛེས་པར་སྤྲས་པའི་བདེ་བ་དེ། །བཅུ་དྲུག་ཚོགས་ཀྱི་རྫོགས་པ་བསྐྲུན། །རྫོགས་པ་ཉིད་ན་མི་དམིགས་
D829.097.0269a07.01