完整藏文原文 · 德格版页 当前仅加载第 97 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བ་ཐམས་ཅད་འབྱུང་བ་ཡི། །རྩ་བ་མེད་པའི་རྩ་བ་ནི། །ཆོས་རྣམས་ཀུན་གྱི་རྩ་བ་ཡིན། །ཁམས་གསུམ་འདི་དག་ཉིད་དུ་འདུས། །ཆོས་འདི་ཟབ་སྟེ་མཐོང་བར་དཀའ། །རྟོགས་པར་ཡང་ནི་མི་ནུས་ཏེ། །མཐར་ཕྱིན་ས་ལ་གནས་པ་ཡིན། །སྐྱེས་བུས་ཀྱང་ནི་
D829.097.0226b01.01མཐོང་མ་ཡིན། །མེད་པས་སྟོང་པའི་ཆོས་ཉིད་འདི། །ཡོད་པའི་དངོས་པོར་ཡང་མི་དམིགས། །དམིགས་དང་མི་དམིགས་ཚིག་ལམ་ཆད། །རྣམ་པར་མི་རྟོག་སྐྱེ་བ་མེད། །གསལ་བས་དུས་མཐའ་མེད་པ་རུ། །མ་ལུས་ཁྱབ་པར་ཀུན་བཙལ་ཡང་། །འདི་ཞེས་བྱ་
D829.097.0226b02.01བའི་དངོས་པོ་ཞིག །མི་རྙེད་རྙེད་པར་མི་འགྱུར་རོ། །མཁས་པས་དུས་མཐའ་མེད་པ་རུ། །ཤིན་ཏུ་བསྒྲིམས་ཏེ་ཅིར་བརྟགས་ཀྱང་། །གང་འདིར་ཅི་ཡང་མཐོང་བ་མེད། །མགྱོགས་པས་དུས་མཐའ་མེད་པ་རུ། །ཉམ་ཐག་ཆད་པས་བརྒྱུགས་ཀྱང་ནི། །ད་དུང་
D829.097.0226b03.01དེ་ཉིད་དབྱིངས་འདི་ལས། །གར་ཡང་མ་ཕྱིན་ཕྱིན་པ་མེད། །སྐྱེ་མེད་ཆོས་ཀྱི་སྡོང་པོ་ལ། །རྣམ་པ་བཞི་ཡི་ཡན་ལག་གེལ། །བྱང་ཆུབ་བླ་མེད་སྙིང་པོར་སྨིན། །དེ་ནི་ཀུན་འབྱུང་བྱང་ཆུབ་ཤིང་། །འཇུག་པ་དོན་ལ་འདོད་པའི་ཁམས། །མངོན་མེད་འཛིན་པ་
D829.097.0226b04.01གཟུགས་ཁམས་སོ། །སྣང་མེད་མ་ཆད་གཟུགས་མེད་ཉིད། །གང་དེ་ཆེད་ལས་བྱེད་ལས་འགྱུར། །ཡུལ་དུ་གང་འགྱུར་འཇུག་པ་ཉིད། །གང་ལ་འཇུག་པ་དེ་རྣམས་ཤེས། །དེ་ཡུལ་མུན་པའི་ཁམས་གྱུར་ཀྱང་། །མུན་པའི་ཁམས་ན་དེ་ཉིད་སྣང་། །སྣང་དང་སྣང་
D829.097.0226b05.01བའི་འོད་བྱུང་བ། །སྐྱེ་འབྱུང་རྩ་བའི་སྙིང་པོ་ཉིད། །ཕྱོགས་རིག་དེས་མི་རིག་པ་ཡི། །ངོ་བོ་ཉིད་མེད་དེ་ཉིད་དོ། །མུན་ཁུང་གསེར་སྟོར་ཇི་བཞིན་དུ། །འཁོར་བ་མུན་པ་མུན་ནག་ཏུ། །རིན་ཆེན་གསེར་དང་འདྲ་བ་ཡི། །བྱང་ཆུབ་སེམས་འདི་སྟོར་བར་འགྱུར། །
D829.097.0226b06.01མུན་པའི་ཁམས་སུ་གྱུར་པ་དག །མུན་པའི་འདུ་ཤེས་ཉིད་དུ་འབྱུང་། །མུན་པའི་ཁམས་པས་གང་ཤེས་པ། །ཕྲ་མོའི་ཆ་ཤས་ཙམ་ཡན་ཅད། །གང་འདི་བློ་ཆུང་བྱིས་པ་རྣམས། །ཆེད་དུ་གླེང་ཞིང་གང་བརྗོད་པ། །བློ་ལྡན་ཀུན་ལ་འདི་བརྗོད་ཀྱིས། །བླུན་པོའི་
D829.097.0226b07.01