完整藏文原文 · 德格版页 当前仅加载第 97 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
ཟེ་རྒྱལ་པོ་རྣམས། །བསད་བརླག་ཡོངས་སུ་བཅོམ་བྱས་ན། །དེ་དག་རྟག་ཏུ་བདེ་བའི་མཆོག །དེ་བསྟན་དེ་ཡིས་དེ་སྤྱད་ནས། །བདེ་མཆོག་བདེ་དང་ལྡན་པ་ཡིན། །དེ་བཞིན་བཀའ་ཡི་ལྡེམ་དགོངས་ལ། །མདོ་དང་དོན་གལ་ཆེ་ཡོད་པས། །
D829.097.0260a01.01སྐྱབས་ཆེན་དམ་པར་བཟུང་བ་དེ། །ཚད་མ་དམ་པར་ཡིད་ཆེས་ན། །དེ་ཡི་ལུགས་ཀྱང་དམ་པར་བྱ། །ལང་ཀའི་བདག་པོ་གང་གི་ཚེ། །གསང་བ་མཆོག་གི་བདག་པོ་དེས། །ཁོ་བོ་ལ་ནི་འདི་སྐད་བསྒོ། །སེམས་དཔའ་རྡོ་རྗེ་འཛིན་པ་ཉོན། །བསྐལ་པ་འབུམ་གྱི་
D829.097.0260a02.01སངས་རྒྱས་པས། །སློབ་དཔོན་གཉན་པར་ཤེས་པར་བྱ། །ཅིའི་ཕྱིར་བསྐལ་པའི་སངས་རྒྱས་རྣམས། །སློབ་དཔོན་དག་ལ་བརྟེན་ནས་བྱུང་། །སློབ་དཔོན་དག་ལ་མ་བརྟེན་པར། །སངས་རྒྱས་རྣམས་ཀྱང་མི་འབྱུང་སྟེ། །འབྱུང་བར་ཡང་དག་ངས་མ་མཐོང་། །བྱུང་
D829.097.0260a03.01ན་དམ་པའི་ལུགས་དང་འགལ། །དོན་དང་ལྡན་པའི་དམ་པ་ལ། །དུས་གསུམ་དུས་ནི་ཐམས་ཅད་དུ། །ཕྱོགས་བཅུའི་ཞིང་ན་བཞུགས་པ་ཡི། །བདེ་གཤེགས་རྒྱལ་བ་ཀུན་བྱོན་ན། །སྔགས་དང་འདུན་པས་ཕྱག་མཛད་དོ། །སེམས་དཔའ་ལྷ་དང་མི་དག་དང་། །དེ་
D829.097.0260a04.01བཞིན་ཀླུ་དང་གནོད་སྦྱིན་དང་། །སྲིན་པོ་ལོག་ལྟ་ཅན་དག་གིས། །རིག་པ་འཛིན་པ་ཀུན་འདུས་ནས། །སྤྲུལ་པའི་མེ་ཏོག་ཀུན་འཐོར་ཞིང་། །བླ་མ་བཤེས་གཉེན་དམ་པ་ཁྱོད། །བདག་ཅག་རྣམས་ཀྱི་ཕ་ལགས་སོ། །བླ་མ་བཤེས་གཉེན་དམ་པ་ཁྱོད། །
D829.097.0260a05.01བདག་ཅག་རྣམས་ཀྱི་མ་ལགས་སོ། །བླ་མ་བཤེས་གཉེན་དམ་པ་ཁྱོད། །བདག་ཅག་རྣམས་ཀྱི་མགོན་ལགས་སོ། །མི་ཤེས་རྨོངས་པའི་བློ་གྲོས་མཁན། །ལམ་སྟོར་རྣམས་ཀྱི་ས་མཁན་ལགས། །མུན་ཁུང་འཁྱམས་པའི་སྒྲོན་མ་ལགས། །གདུང་བ་སེལ་
D829.097.0260a06.01བའི་རིན་པོ་ཆེ། །ཉི་མའི་ཞལ་ལ་ཕྱག་འཚལ་འདུད། །ནམ་མཁའི་ཐུགས་ལ་ཕྱག་འཚལ་འདུད། །ཟླ་བའི་སྐུ་ལ་ཕྱག་འཚལ་འདུད། །པདྨའི་ཞབས་ལ་ཕྱག་འཚལ་འདུད། །འདི་ལྟར་དགའ་དང་གུས་པ་ཡིས། །སྔགས་དང་འདུན་པས་ཕྱག་མཛད་དོ། །དེའི་ཕྱིར་
D829.097.0260a07.01