完整藏文原文 · 德格版页 当前仅加载第 97 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
ལོ་དང་། །གཅིག་པའི་ཟླ་ཚེས་ལྟ་བུར་སྣང་། །སྦྱོར་ཆེན་འཇུག་པའི་སྐབས་དག་ལ། །འཇུག་པ་ལྷག་པའི་སེམས་སྐྱེ་སྟེ། །ཇི་ལྟར་སྒྲོན་མེ་ལྟ་བུ་དང་། །ཟླ་ཚེས་གཉིས་པ་ལྟ་བུར་སྣང་། །རོ་མྱོང་བ་ཡི་སྐབས་དག་ལ། །དགའ་བ་ལྷག་པའི་སེམས་འབྱུང་སྟེ། །སྣོད་
D829.097.0239b01.01ཀྱི་སྒྲོན་མ་ལྟ་བུའམ། །གསུམ་པ་ལྟ་བུར་དེ་སྣང་ངོ་། །ཡུལ་ལ་འཇུག་པའི་སྐབས་དག་ལ། །མི་འགྱུར་ལྷག་པའི་སེམས་འབྱུང་སྟེ། །ཐོབ་དང་བསྟན་ལ་ཉེ་བ་ཡིན། །བཞི་པ་ལྟ་བུའི་རང་བཞིན་སྣང་། །རྟོག་ཆེན་དག་གི་སྐབས་དག་ལ། །རིག་པ་ལྷག་པའི་
D829.097.0239b02.01སེམས་འབྱུང་སྟེ། །རྟགས་ཆེན་དང་པོ་ཉེ་བར་བསྙེན། །ལྔ་པ་ལྟ་བུའི་རང་བཞིན་སྣང་། །གདེང་དུ་གྱུར་པའི་སྐབས་དག་ལ། །གནས་པ་ལྷག་པའི་སེམས་འབྱུང་སྟེ། །ཤིན་ཏུ་བརྟན་པའི་སྒྲོན་མ་དང་། །བརྒྱད་པ་ལྟ་བུའི་རང་བཞིན་སྣང་། །རྟགས་ཐོབ་ཉིད་ན་
D829.097.0239b03.01འགྲུབ་ཅེས་བྱ། །ལས་སུ་རུང་བའི་སྐབས་དག་ལ། །རྫོགས་པ་ལྷག་པའི་སེམས་འབྱུང་སྟེ། །གཉེན་པོ་མེད་པའི་སྒྲོན་མ་དང་། །ཆ་ལ་རྫོགས་པ་ལྟ་བུར་སྣང་། །བརྟན་པར་ངེས་པས་གྲུབ་པ་ཡིན། །སེམས་ཉིད་ཡེ་ནས་སངས་རྒྱས་ལ། །རྟོག་པས་བསྒྲིབས་
D829.097.0239b04.01པས་དེ་མ་ཤེས། །བྱང་ཆུབ་སེམས་ཀྱི་ལྗོན་ཤིང་ལས། །བླ་མེད་འབྲས་བུ་སྨིན་པ་ཡིན། །དེས་ན་གྲོགས་པོ་དམ་པ་དག །དམ་པ་རྣམས་ཀྱི་བྱང་ཆུབ་སེམས། །ཀུན་དུ་རྒྱུན་དང་བཅས་པ་སྟེ། །རྒྱུན་མེད་ཆད་པ་དམ་པ་མིན། །རྒྱུན་ཉིད་ཀྱིས་ནི་ངེས་
D829.097.0239b05.01སྨིན་པ། །གང་དུ་སྨིན་པའི་སྐྱེད་ཤིང་དེ། །བྱང་ཆུབ་དམ་པ་ལྗོན་པའི་ཤིང་། །འབྲས་བུ་དམ་པ་སྨིན་ངེས་པའོ། །གྲོགས་པོ་དག་དེ་དག་ནི་ལྗོན་ཤིང་དམ་པ་བསྐྱེད་པའི་དགོངས་པ་ངེས་པར་བགྲོས་པའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་
D829.097.0239b06.01ཆེན་པོ་ལས་དེ་ཁོ་ན་ཉིད་གསང་བའི་དམ་པ་ལྗོན་ཤིང་བསྐྱེད་པའི་ལེའུ་སྟེ་ལྔ་བཅུ་བརྒྱད་པའོ།། །།དེ་ནས་ཡང་ལང་ཀའི་བདག་པོ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་
D829.097.0239b07.01