完整藏文原文 · 德格版页 当前仅加载第 97 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་བ་དེ་བར་དུའོ། །འདུ་ཤེས་ཕྲ་བར་རྒྱུ་བའི་ཚེ། །དེ་ལས་ལྡོག་ཅིང་བཏང་སྙོམས་ལྡན། །དེ་སྔོན་དེ་བསྟེན་དེ་འབྱུང་ལ། །བསལ་བར་མི་ནུས་གཞན་དག་གིས། །བསྐུལ་ཡང་དྲན་པར་ཡང་མི་ནུས། །དེ་དང་གང་ལྡན་བདེ་འགྲོ་སྟེ། །མི་བཟད་དྲག་པོའི་ཚོར་བ་
D829.097.0230b01.01ཡང་། །ཉམས་སུ་མྱོང་བར་མི་འགྱུར་རོ། །དེ་ཡི་དུས་ན་གང་མཐོང་བ། །གང་དུ་མ་མཐོང་དེ་ཉིད་མཐོང་། །ཇི་ལྟར་ཉི་མའི་འོད་རྐྱེན་གྱིས། །སྣང་བ་ཁད་ཀྱིས་འབྱུང་བ་བཞིན། །མུན་པའི་ཁམས་ནས་སྣང་བར་འགྱུར། །རྨི་ལམ་ལྟ་བུར་གཟུགས་སྣང་བ། །ཡིད་
D829.097.0230b02.01འོང་སྣ་ཚོགས་མཐོང་བར་འགྱུར། །དེ་ཡི་དེ་ཀུན་ཤེས་པ་དེས། །གང་འདིར་སྨད་ནས་འདོར་བར་བྱེད། །དྲོད་དང་སྟེང་དུ་ཡལ་བར་འགྱུར། །གཙུག་ཏོར་གང་འབྱུང་བདེ་བའོ། །གང་དུ་ལོག་པར་དེ་འགྲོ་བ། །གོང་ལས་བཟློག་པ་ཇི་བཞིན་ཏེ། །མི་བཟད་དྲག་
D829.097.0230b03.01པོའི་ཚོར་བས་ནི། །ཤིན་ཏུ་ཟུག་གཟེར་མི་བཟོད་དེ། །གཡོ་འགུལ་མི་སྙན་ང་རོ་གདོན། །འཁྲུལ་པའི་གང་སྣང་མཐོང་བ་ན། །བྱམས་པ་ལ་སོགས་གང་ཞིག་ནི། །གཤེད་མ་ལ་སོགས་མི་འདོད་པ། །འཇིགས་པའི་གཟུགས་ནི་སྣ་ཚོགས་སུ། །མཐོང་བས་རྡུལ་
D829.097.0230b04.01འབྱུང་བ་སྤུ་གཟིང་། །ཡན་ལག་གཡོབ་ཅིང་མཁའ་ལ་རྙོབ། །བཤང་གཅི་འབྱུང་ཞིང་མིག་ཀྱང་ལྡོག །སྣང་བའི་ཁམས་ནས་མུན་པར་བྱུང་། །དེ་ཡི་དེ་ཀུན་ཤེས་འབྱུང་ལྟུང་། །གང་དེ་མཐར་འབྱུང་མི་བདེའོ། །བཏང་སྙོམས་དེ་ཡིས་མ་གསལ་ལམ། །གཞན་
D829.097.0230b05.01གྱིས་གསལ་བར་མ་བྱས་པའོ། །གཉིས་སུ་མི་གསལ་བཏང་སྙོམས་སོ། །འདི་དག་གང་ལྡན་གང་འགྲོ་ཡང་། །གང་ལྟར་གོམས་པ་ཁོ་ནར་ངེས། །གོམས་པ་ལ་གཞོལ་དེ་སྟོབས་ལྡན། །གང་མ་གོམས་པ་གསལ་བྱས་ཀྱང་། །མ་ཞེན་དབང་གིས་འགག་
D829.097.0230b06.01པར་འགྱུར། །གང་དེ་གཉིས་ལ་མཚུངས་གོམས་ན། །དེར་ནི་དང་པོར་གང་གསལ་ལམ། །གཞན་གྱིས་གསལ་བར་བྱས་པ་ལས། །ལོག་པར་མི་འགྱུར་གཞན་མི་འཇུག །བཏང་སྙོམས་ཁ་ཅིག་འགྱུར་བ་ཡིན། །ཁ་ཅིག་མི་འགྱུར་རྫོགས་མི་འབྱུང་། །ཐམས་
D829.097.0230b07.01