完整藏文原文 · 德格版页 当前仅加载第 97 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་ལུས་ལས་སྤྲུལ་པ་དང་། །རི་བོ་འདེགས་དང་འཕང་བ་དང་། །ཡུན་གྱི་ཚེ་ལ་གནས་པ་ཐོབ། །རྒྱལ་མཚན་རྩེ་མོའི་ཏོག་བཞིན་དུ། །མཐོང་བ་དག་གི་ཆོས་ཉིད་དེ། །བསྐལ་པར་ནུབ་པར་མ་གྱུར་ཏོ། །དེ་འདྲའི་ཚུལ་བྱུང་འཇུག་པར་གྱིས། །གཞན་
D829.097.0195b01.01ཡང་གསང་བདག་འདི་ལྟ་སྟེ། །མཐོང་བས་ཆོས་འདི་ཡོངས་དག་པ། །ཡེ་ཤེས་སྒྲོན་མའི་མིག་རྙེད་ནས། །བླ་མེད་སྙིང་པོ་ཅན་རྣམས་ཀྱི། །ལམ་རྙེད་ལམ་དུ་ཞུགས་པ་ཡིན། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །ཐེག་ཆེན་གསང་
D829.097.0195b02.01བར་རབ་ངེས་པ། །ལྷུན་གྲུབ་རྩལ་ཆེན་རྫོགས་པ་ཡི། །རིགས་ཆེན་འཛིན་པའི་ས་ཉིད་ཐོབ། །དེ་འདྲའི་ཚུལ་བྱུང་མཐོང་བར་གྱིས། །གཞན་ཡང་གསང་ཆེན་འཛིན་པ་ཉོན། །གང་དག་ཐེག་ཆེན་མངོན་སྤྱོད་ལ། །དགའ་བས་རྗེས་སུ་ཡི་རང་བས། །
D829.097.0195b03.01དེ་ནི་དེ་དང་འདྲ་བ་སྟེ། །འབྲས་བུ་དག་ལ་མཐོ་དམན་མེད། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །རྒྱལ་པོ་དབང་ཕྱུག་འོད་ལྡན་པ། །རྣལ་འབྱོར་ཅན་གྱི་འཁོར་དང་བཅས། །ཐེག་ཆེན་ཟབ་མོའི་དོན་ལ་ཞུགས། །གསང་སྔགས་གསང་
D829.097.0195b04.01བའི་བྱིན་བརླབས་དག །ངོ་མཚར་ཆོ་འཕྲུལ་མང་པོ་རྣམས། །ཐོག་མ་ཀུན་དུ་གྲགས་པར་གྱུར། །དེ་ལས་གཞན་པའི་རྣལ་འབྱོར་པ། །བྲམ་ཟེ་དགེ་སློང་བྱ་བ་ཞིག །ཤིན་ཏུ་དགའ་བའི་སེམས་བསྐྱེད་ནས། །དམ་པར་ངེས་པའི་བསླབ་པ་ཞུས། །བྱིས་
D829.097.0195b05.01པའི་སྤྱོད་ཡུལ་མ་ཡིན་ཕྱིར། །གསང་ཆེན་གསང་བར་རབ་ཏུ་གསུངས། །བྲམ་ཟེ་མ་ལོག་ཡོ་བྱད་དག །དེ་ལ་དེ་བསྔོས་དག་པར་སྦྱར། །སྐྱེས་བུ་དམ་པ་དེ་ཡུལ་དུ། །ཡིད་ཀྱིས་ཕྱོགས་དེར་སྨོན་པར་བརྗོད། །འདི་ལ་མོས་པའི་བྱིན་བརླབས་ཀྱིས། །
D829.097.0195b06.01སྙིང་པོར་ངེས་པའི་དམ་པ་དང་། །རྗེས་སུ་ཡི་རང་དམ་པ་གཉིས། །ཐོབ་པ་མཉམ་པ་ཉིད་དུ་གྱུར། །འདི་ལྟར་ཚེགས་མེད་དོན་པོ་ཆེ། །ཐབས་ལ་མཁས་པའི་རིགས་ཆེན་འཛིན། །དེ་འདྲའི་ཚུལ་བྱུང་མཁས་པར་གྱིས། །གཞན་ཡང་གསང་འཛིན་འདི་ལྟ་སྟེ། །
D829.097.0195b07.01