完整藏文原文 · 德格版页 当前仅加载第 97 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
བརྟེན་པས་ཁྱད་པར་འགྲོ་འདི་ལ། །དབུགས་ཆེན་འབྱིན་པའི་རྣལ་འབྱོར་པ། །རིགས་ཆེན་འཛིན་དང་མཉམ་རྫོགས་ཆེ། །ངེས་པར་སྤྱོད་དང་རྩལ་ཆེན་སྦྱོར། །ཡུལ་ལ་འཇུག་དང་རིག་པ་སྦྱོར། །བདུན་ཉིད་རྫོགས་པར་འགྲོ་བ་སྟེ། །བསླབ་པའི་རྒྱུ་འབྲས་
D829.097.0245a01.01མཐའ་བཅུ་ལ། །གོམས་པར་བྱེད་པའི་ཚུལ་དུ་སྦྱོར། །ངལ་བསོ་བ་ལས་ཐམས་ཅད་མཐོང་། །མི་ལྡོག་ས་ལ་གོམས་བྱར་མེད། །འདི་དག་སྦྱོར་བའི་གཞི་གཅིག་ཀྱང་། །སོ་སོ་ཐུན་མོང་མ་ཡིན་པའི། །སྒྲིབ་པ་ལས་ཞེས་རྩི་བྱེད་ཅིང་། །ཡེ་ཤེས་རེ་རེ་འཆར་
D829.097.0245a02.01པའོ། །དེས་ན་བསླབ་པའི་མཐའ་གཅིག་ལ། །མི་ལྡོག་ལ་སོགས་རྫོགས་ཆེན་རྣམས། །གང་དེར་བདེན་པ་རེ་རེ་ལ། །རྩལ་འབྱུང་རེ་རེ་འཆར་བ་སྟེ། །ཐ་མ་རང་འབྱུང་ཉིད་ཀྱིས་རྫོགས། །མཐར་ཕྱིན་པ་དང་ཐོབ་པ་དང་། །མི་ལྡོག་རྣམས་ལ་རིམ་པ་བཞིན། །
D829.097.0245a03.01རྨི་ལམ་དང་ནི་སྒྲ་བརྙན་དང་། །མངོན་སུམ་ངེས་པ་ཅི་རིགས་པར། །རྣལ་འབྱོར་རྡོ་རྗེ་ལུང་སྟོན་པ། །རྡོ་རྗེ་རྡོ་རྗེ་རྣལ་འབྱོར་པ། །ཞེས་བྱར་ཉིད་དང་ས་ཁམས་དང་། །ཞིང་ཁམས་ཀུན་དུ་བསྒྲགས་བྱས་ནས། །རྣལ་འབྱོར་དམ་པར་འབྱིན་པའོ། །དམིགས་པའི་
D829.097.0245a04.01འབྲས་བུ་སྐྱེ་འདི་ལ། །གྲུབ་པའི་རྣལ་འབྱོར་རྣལ་འབྱོར་ཆེ། རྫོགས་པར་འབྱུང་བའི་རྣལ་འབྱོར་གསུམ། །རྒྱལ་བའི་ཐུགས་ལམ་རྒྱལ་སྐྱེས་ཤིང་། །རྒྱལ་བའི་སྲས་པོ་གདུང་འཚོབ་པ། །ཁྱད་པར་རྩལ་འཕང་ཀུན་རྫོགས་ཤིང་། །གང་ལ་ཏིང་འཛིན་སྦྱོར་བའོ། །
D829.097.0245a05.01གནས་པས་མི་འགྱུར་ས་འདི་ལ། །རྨད་འབྱུང་རོལ་པའི་རྣལ་འབྱོར་དང་། །ཚོགས་ཆེན་འདུས་དང་རྩལ་ཆེན་རྫོགས། །གསུམ་དུ་རྫོགས་པར་ཤེས་བྱ་སྟེ། །ཕྱག་རྒྱ་ཆེན་པོ་སྒྱུ་མ་ཡིན། །འཁོར་ལོས་སྒྱུར་བའི་རྒྱལ་ཆེན་པོ། །མཐོང་བའི་གནས་ནས་བཅུ་དྲུག་ས། །
D829.097.0245a06.01རྫོགས་པའི་གནས་ན་ལོངས་སྤྱོད་པའོ། །བདལ་བ་ཆོས་ཉིད་ས་འདི་ལ། །རོལ་པ་རྒྱན་གྱི་རྣལ་འབྱོར་དང་། །བདེ་བ་ཆེན་དང་ཐིག་ལེར་རྫོགས། །གསུམ་ཉིད་དུ་ནི་སྣང་བ་ལ། །ཡུལ་དོན་ཡེ་ཤེས་དེས་སྦྱར་ན། །ཤེས་པར་བྱས་པས་ཐམས་ཅད་རྫོགས། །སྒྱུ་མའི་
D829.097.0245a07.01