完整藏文原文 · 德格版页 当前仅加载第 97 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱབ་གདལ་ཆུ་བ། །བརྩལ་མེད་ཡེ་ཤེས་རང་འབྱུང་ཆེ།། །།བམ་པོ་བརྒྱད་པར་ཟུག་པ། ལང་ཀའི་བདག་པོ་འདི་ཉིད་ནི། །ཡིན་པར་ངེས་པའི་རྩ་བ་བདུན། །དེ་བརྟག་དེ་ཉིད་དེ་རྟོགས་ན། །དེ་ཉིད་རྣམ་པར་ངེས་པ་ཡིན། །གླིང་དང་རི་བོ་མུ་ཁྱུད་
D829.097.0222a01.01བཅས། །ལྷུན་པོའི་རྩེ་མོ་ཉིད་ནས་གསལ། །དེ་རྙེད་ཐེག་པའི་རྣམ་གྲངས་ཀུན། །དེ་ཉིད་ཆེན་པོ་ཉིད་མཐོང་གསལ། །འཇིག་རྟེན་འོད་ཀྱི་རྒྱལ་པོ་ནི། །གཟི་ལྡན་གསལ་བའི་ཉི་མ་ཡིན། །ཆོས་ཀུན་ཡོངས་སུ་རྫོགས་གསལ་བ། །ཀུན་སྣང་ཆེན་པོ་དེ་ཉིད་དོ། །
D829.097.0222a02.01གོ་སྐབས་ཆེན་པོ་ནམ་མཁའ་ནི། །ཆེན་པོ་བཞི་ཡི་གོ་འབྱེད་ལྟར། །གསང་ཉིད་འདུས་པ་དེ་ཉིད་ཀྱིས། །བརྗོད་པའི་བརྗོད་ཀུན་གསལ་བར་འགྲེལ། །གང་གིས་བཀའ་ཡི་གསང་ཐོབ་ན། །མི་གང་གཞན་ལ་རག་མ་ལུས། །གསང་བའི་སྙིང་པོ་ཀུན་ཆུབ་
D829.097.0222a03.01ན། །སྨྲ་བརྗོད་གང་ལའང་བཙལ་མི་དགོས། །རྒྱུན་དང་བཅས་པའི་འབྱུང་བ་རྣམས། །ནམ་མཁའི་ངང་ལས་འབྱུང་ཞིང་སྣང་། །དེ་བཞིན་སྨྲ་བརྗོད་འབྱུང་བ་རྣམས། །དེ་ཉིད་ཟབ་མོའི་དབྱིངས་ནས་འབྱུང་། །དོན་དུ་བྱ་བའི་རྣམ་གྲངས་ཀུན། །མཐར་གྱིས་འབྲས་བུ་
D829.097.0222a04.01གྲུབ་པར་སྡུད། །གྲངས་མང་རྒྱ་ཆེར་བརྗོད་མོད་ཀྱང་། །དེ་ཀུན་དེ་བཞིན་ཉིད་དུ་འདུས། །མེ་ལོང་གསལ་བའི་སྙིང་པོ་ནི། །བཞིན་གྱི་གཟུགས་བརྙན་སྟོན་པ་ལྟར། །དེ་ཉིད་ཆོས་ཀྱི་མེ་ལོང་གིས། །ཀུན་གྱི་རང་བཞིན་གསལ་བར་བྱེད། །ཀུན་གྱི་རྩ་བ་རང་བྱུང་
D829.097.0222a05.01བས། །རང་བཞིན་ཅིས་ཀྱང་མ་བཅོས་པའོ། །ཀུན་ཤེས་རིག་པ་མི་ནུབ་པས། །འོད་གསལ་སྣང་བས་ཕྱོགས་ཀུན་མཐོང་། །ཐམས་ཅད་དེ་ཉིད་དེར་འདུས་པས། །དངོས་མེད་ངོ་བོ་ཉིད་དུ་ཟད། །དེ་བཞིན་ཉིད་དུ་ཀུན་གཅིག་པས། །གཉིས་སུ་བྱ་བའི་
D829.097.0222a06.01ཐ་སྙད་མེད། །རྒྱུ་ཉིད་འབྲས་བུར་ཡེ་རྫོགས་པས། །རེ་དོགས་གཉིས་བྲལ་དེ་ཁོ་ན། །དོར་བར་བྱ་བའི་དངོས་མེད་པས། །བླང་བར་བྱ་བ་ག་ལ་ཡོད། །མཐོང་ཟིན་སྦྱངས་ཟིན་བྱས་པ་ཟིན། །འདོད་པ་གྲུབ་ཟིན་སྤྱོམ་པ་ཟིན། །དེ་བཞིན་དངོས་པོ་གྲུབ་ཟིན་པས། །
D829.097.0222a07.01