chos thams cad rdzogs pa chen po byang chub kyi sems kun byed rgyal po/
当前为德格木刻版 86a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 86a
- 可引用原文
- 7 行
- 全文规模
- 全经 1187 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 97 函 · 德格 86a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文པ། །སྐྱེ་མེད་བྱང་ཆུབ་སེམས་དང་ལྡན་པའི་དོན། །གཉིས་མེད་སྙིང་པོར་རོ་གཅིག་གནས་པ་ལ། །ཀུན་གྱི་མདོ་ནི་མདོ་རུ་བསྟན་པ་ཡིན། །ཀྱེ་མ་རིག་པ་ཡི་མུན་པ་སེལ་བ་ཡིན། །ཡེ་ཤེས་སྣང་བ་མཆེད་པར་བྱེད་པ་ཡིན། །སྡུག་བསྔལ་རྒྱ་མཚོ་གཅོད་པར་བྱེད་པ་ཡིན། །སྙིང་པོ་དོན་ལ་གོམས་པར་བྱེད་པ་ཡིན། །ཀྱེ་ངས་ནི་མ་རིག་པ་ཡི་དམིགས་བསལ་ནས། །སྐྱེ་མེད་བྱང་ཆུབ་སེམས་ནི་མངོན་བསྟན་ན། །སྐལ་ལྡན་རྣལ་འབྱོར་མིག་དང་ལྡན་པ་དག །བྱ་བ་མེད་པའི་རང་བཞིན་གྲོལ་བར་འགྱུར། །ཐེག་པའི་ཡང་སྙིང་
བཀའ་ཡི་རྫོགས་ཆེན་འདི། །མན་ངག་སྙིང་པོ་ལུང་དང་ལྡན་རྣམས་ཀྱིས། །རང་བཞིན་བདེ་བར་གནས་ན་གསལ་བར་འགྲུབ། །མ་བཅོས་མི་འགྱུར་འཇུག་ཅིང་རྩོལ་བ་མེད། །ཀྱེ་ང་ནི་སྟོན་པ་ཀུན་བྱེད་རྒྱལ་པོ་སྟེ། །ཐེག་པའི་རྩ་བ་ཆོས་ཀྱི་སྙིང་པོའི་ལུང་། །སྐུ་གསུམ་སྟོན་པས་མ་གསུངས་རྒྱ་ཆེ་བ། །སྐྱེ་བ་མེད་པར་སྟོན་པའི་སེམས་རྒྱུད་འདི། །དུས་གསུམ་རྒྱལ་བས་སྔོན་ཆད་མ་གསུངས་ཏེ། །ཕྱི་མ་མི་གསུང་ད་ལྟར་སྟོན་མི་མཛད། །ཀུན་བྱེད་རྒྱལ་པོས་འཕོ་འགྱུར་མི་མངའ་བས། །སྔ་བར་གསུངས་ཤིང་ཕྱིས་ཀྱང་གསུང་འགྱུར་
ལ། །ད་ལྟར་བྱུང་བར་གསུངས་པས་སྐལ་ལྡན་ལ། །ངེས་པར་བསྟན་པས་འབད་མེད་གྲོལ་བའི་ལུང་། །མདོ་ལུང་མངོན་དུ་བསྟན་པའི་བཀའ་རྒྱུད་འདི། །མི་འཕེལ་མི་ནུབ་སྙིང་པོ་འཛིན་པ་ལ། །ཀུན་བྱེད་རྒྱལ་པོ་ངེས་པར་ཁྱོད་ལ་གཏད། །ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་མཚན་གྱི་རྣམ་གྲངས་བསྟན་པའི་ལེའུ་སྟེ་བརྒྱད་ཅུ་རྩ་བཞི་པའོ།། །།བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལྟ་བ་ནམ་མཁའ་ལྟར་མཐའ་དབུས་མེད་པའི་རྒྱུད་ནམ་མཁའི་སྙིང་པོ་མཆོག་གི་དོན་གསང་བ་མཆོག་གི་མདོ་ལུང་བརྒྱད་ཅུ་རྩ་བཞི་
པ་རྫོགས་སྟོ།། །།རྒྱ་གར་གྱི་མཁན་པོ་དཔལ་གྱི་སེང་གེ་མགོན་པོ་དང་དགེ་སློང་བ་རོ་ཙ་ནས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D828
- 德格版页
- 86a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0822 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。