完整藏文原文 · 德格版页 当前仅加载第 97 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཉིད་ངོ་བོ་སྙིང་པོ་འབྱུང་བའི་སྒྲ། །རིག་པ་སོ་སོར་རྟོག་པ་སེམས་ཅན་སེམས། །སེམས་ཀྱི་རང་བཞིན་ལས་ནི་གཞན་མེད་དེ། །ཀུན་བྱེད་རྒྱལ་པོ་སེམས་ལས་གཞན་མེད་དོ། །ཅེས་གསུངས་སོ། །ཀྱེ་སེམས་དཔའ་ཆེན་པོ། །
D828.097.0039b01.01ང་ཡི་རང་བཞིན་དེ་རིག་ན། །ཀུན་བྱེད་ང་ཡི་རང་བཞིན་རིག་པ་ཡིན། །ང་རིག་གཅིག་རིག་ཀུན་རིག་ཐམས་ཅད་རིག །སེམས་དཔའ་ཆེན་པོ་རྡོ་རྗེ་ཁྱོད་ལ་ནི། །རིག་པའི་རྒྱལ་པོ་ཞེས་སུ་མིང་བཏགས་སོ། །ཀྱེ་རིག་པའི་རྒྱལ་པོས་དེ་ལྟར་
D828.097.0039b02.01རིག་གྱུར་ན། །ང་ལས་བྱུང་བའི་སྟོན་པ་སྐུ་གསུམ་གྱིས། །བསྟན་པའི་ཐེག་པ་རྣམ་པ་གསུམ་བྱུང་ནས། །རྒྱུ་ལས་འབྲས་བུ་འདོད་པ་གསུམ་གྱིས་ནི། །བྱ་བའི་ལས་ནི་ལྟ་སྤྱོད་སྣ་ཚོགས་ཀྱིས། །འབྲས་བུ་གསུམ་ནི་གང་དང་གང་སྒྲུབ་པ། །རིག་
D828.097.0039b03.01པའི་རྒྱལ་པོས་ཆོས་དེ་ཇི་ལྟར་རིག །ཅེས་གསུངས་སོ། །རིག་པའི་རྒྱལ་པོས་སླར་གསུངས་པ། །ཀྱེ་ཀུན་བྱེད་རྒྱལ་པོ་ཁྱོད་ལས་བྱུང་བ་ཡི། །སྐུ་གསུམ་སྟོན་པ་ཁྱོད་ཀྱི་ངོ་བོ་གསུམ། །དེ་གསུམ་བསྟན་པ་རྣམ་གསུམ་ཁྱོད་ཀྱི་ལྡེམ་དགོངས་ཏེ། །རིག་
D828.097.0039b04.01པ་སོ་སོའི་སེམས་ལ་ལྡེམ་དགོངས་བསྟན། །དེ་དག་གང་ལ་དགོངས་ནས་ལྡེམ་པ་བསྟན། །མི་འཕྲོ་ཞི་གནས་ཚོལ་ལ་དགོངས་པའི་ཕྱིར། །རང་རེ་གང་འཐད་ཡུལ་ལ་ལྡེམ་དུ་གཞུག །སྐུ་གསུམ་སྟོན་པ་དྲང་ལུང་སྟོན་པ་དེས། །ལ་ལས་ས་དང་ལམ་གྱི་
D828.097.0039b05.01འབྲས་བུ་བསྟན། །ལ་ལས་དངོས་མིན་ཆུ་ཟླའི་འབྲས་བུ་བསྟན། །ལ་ལས་ཉིད་ཀྱིས་ཉིད་བསྒྲུབ་འབྲས་བུ་བསྟན། །སྐུ་གསུམ་བསྟན་པ་ལྡེམ་དགོངས་ལུང་བསྟན་ཏེ། །ངེས་པར་མ་བསྟན་དྲང་བའི་ལུང་བསྟན་ཏེ། །མི་འཕྲོ་ཞི་གནས་ཚོལ་
D828.097.0039b06.01བའི་ཏིང་འཛིན་ཡིན། །རྒྱུ་འབྲས་ཐེག་ཆེན་དྲང་བའི་ལུང་དུ་བསྟན། །ཅེས་གསུངས་སོ། །ཀྱེ་རིག་པའི་རྒྱལ་པོ་སེམས་དཔའ་རྡོ་རྗེ་ཉོན། །དོན་དམ་ངེས་པའི་ལུང་ཞེས་བསྟན་པ་ནི། །རིག་པའི་རྒྱལ་པོས་རིག་གམ་བསྟན་དུ་མེད། །མི་གནས་
D828.097.0039b07.01