完整藏文原文 · 德格版页 当前仅加载第 97 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
བདུན་ཅུ་གཉིས་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་བྱ་མེད་རྩོལ་བ་དང་བྲལ་བར་རྟོགས་པ་འདི་གསུངས་སོ། །ཀྱེ་ང་ནི་ཀུན་བྱེད་རྒྱལ་པོ་སྟེ། །ཀུན་བྱེད་རྒྱལ་པོ་ང་ཡི་དགོངས་པ་ནི། །བསམ་པའི་ཡུལ་ལས་འདས་པས་
D828.097.0077a01.01བསྒོམ་དུ་མེད། །ཀྱེ་སེམས་ནི་ཇི་བཞིན་པ་ཡི་ངོ་བོ་སྟེ། །ཇི་བཞིན་པ་ལ་འཆོས་པར་བྱེད་མ་མྱོང་། །རང་འབྱུང་ང་ལ་རྒྱུ་རྐྱེན་ཀུན་དང་བྲལ། །སྒོ་གསུམ་བཙལ་མེད་ལྷུག་པ་ཉིད་དུ་ཞོག །གང་ཞིག་བྱ་རྩོལ་མཚན་མའི་རྗེས་འབྲངས་པ། །ཀུན་བྱེད་ང་དང་ཕྲད་
D828.097.0077a02.01པར་མི་འགྱུར་རོ། །ཀྱེ་སྟོན་པའི་ཀུན་བྱེད་ང་ཡི་ཕྲིན་ལས་ནི། །བྱ་བ་མེད་པས་རྩོལ་བའི་ལས་མི་བྱེད། །དམིགས་པ་མེད་པས་བསྒོམ་པའི་འདུ་ཤེས་བྲལ། །འདུ་འབྲལ་མེད་པས་མ་བརྗེད་ཡིད་ལ་ཞོག །བྱུང་ཚོར་སྐྱེ་བ་མེད་པས་གསལ་འགྱུར་ནས། །གང་
D828.097.0077a03.01ཡང་བྱས་པ་མེད་པར་ལས་ཀུན་གྲུབ། །ཀྱེ་ང་ནི་སྟོན་པ་ཀུན་བྱེད་རྒྱལ་པོ་སྟེ། །རྒྱལ་བ་ཀུན་གྱི་ཕྲིན་ལས་ངས་བྱས་ཀྱང་། །རང་འབྱུང་ཡེ་ཤེས་བྱ་མེད་རྫོགས་པའི་ཕྱིར། །ཇི་བཞིན་པ་ཡི་ལས་ལ་བྱེད་མ་མྱོང་། །མ་བཙལ་ཇི་བཞིན་ཉིད་དུ་སེམས་དཔའ་
D828.097.0077a04.01ཞོག །ཇི་བཞིན་མ་བཅོས་རྒྱལ་བའི་དགོངས་པ་ལ། །སེམས་དང་སེམས་ལས་བྱུང་བ་ཅི་སྐྱེས་ཀྱང་། །དེ་ཉིད་སྐྱེ་མེད་ཉིད་དུ་གནས་ཤེས་ན། །བྱ་རྩོལ་མཚན་མའི་འདུ་ཤེས་ཀུན་དང་བྲལ། །ཀྱེ་སེམས་དཔའ་རྡོ་རྗེ་ཇི་བཞིན་ཉིད་སྒོམས་ཤིག །རྟོགས་པ་
D828.097.0077a05.01རང་སར་གྲོལ་བའི་ལྟ་བ་ལ། །མ་ཡེངས་རང་བཞིན་བཞག་པས་བྱ་བཙལ་མེད། །ཀུན་ཀྱང་རང་འབྱུང་རང་སར་གྲོལ་བ་ཡིན། །ཀྱེ་སེམས་དཔའ་རྡོ་རྗེ་ཇི་བཞིན་ཉིད་སྒོམས་ཤིག །རང་ལུས་མི་བཅོས་དབང་པོ་མི་རྟུལ་ཏེ། །ངག་ཀྱང་མི་གདམས་བྱ་
D828.097.0077a06.01རྩོལ་བྱར་ཡང་མེད། །སེམས་ཀྱང་གར་གཏད་མི་གཡོའི་ངང་ལ་བཞག །བྱ་བ་མེད་པའི་ཕྲིན་ལས་འདི་བསྒོམས་པས། །བྱས་པ་མེད་པར་དོན་ཀུན་རྫོགས་པར་འགྱུར། །ཀྱེ་ཇི་བཞིན་རྩོལ་བྲལ་བདེ་བ་ཆེན་པོ་ལ། །སྒོ་གསུམ་མི་རྩོལ་བཅོས་ཤིང་
D828.097.0077a07.01