完整藏文原文 · 德格版页 当前仅加载第 97 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་རྣམས་ལ། །བསྟན་ན་སྒྲོ་དང་སྐུར་པ་འོང་བའི་ཕྱིར། །བསྟན་ན་རང་གི་སེམས་ལ་སྐུར་བཏབ་པས། །དྲུག་ཏུ་སྐྱེ་ཞིང་གཏན་དུ་འཁོར་བར་འཁྱམ། །ཀྱེ་སེམས་དཔའ་ཆེན་པོ་ང་དོན་རྟོགས། །དེ་ནི་སྤྱོད་ཡུལ་ཀུན་ལས་འདས་པའི་
D828.097.0052a01.01ཕྱིར། །ཚིག་གིས་མི་ཕེབས་དབང་པོའི་སྤྱོད་ཡུལ་འདས། །ང་ཡི་རང་བཞིན་བསྡུས་ཏེ་ཐིག་ལེར་གནས། །མ་སྤྲོས་གཉིས་མེད་ཡེ་ནས་གཅིག་ཏུ་བསྟན། །དམ་ཚིག་བསྲུང་བའི་བསྒོམ་པ་བྱ་མི་དགོས། །ཕྲིན་ལས་བཙལ་བའི་བསྒོམ་པ་བྱ་མི་དགོས། །ལམ་
D828.097.0052a02.01ལ་མི་བགྲོད་ས་ལ་མི་སྤྱོད་སྟེ། །རང་ལས་གཞན་དུ་ཆོས་ཉིད་ཚོལ་མི་བྱེད། །རང་འབྱུང་ཡེ་ཤེས་མི་རྟོག་གཡོས་པ་མེད། །གཞན་གྱིས་ལུང་མིན་ཀུན་བྱེད་ང་ཡི་ལུང་། །རྒྱུ་འབྲས་འདས་པས་རྩོལ་དང་སྒྲུབ་མི་བྱེད། །མ་བྱུང་བས་ན་དངོས་པོ་སྒོམ་མི་
D828.097.0052a03.01བྱེད། །མ་སྐྱེས་པས་ན་འཇིག་པའི་དོགས་པ་མེད། །ང་མི་སྣང་བས་དམིགས་པ་བསྒོམ་དང་བྲལ། །བདེ་ཆེན་བདལ་བའི་ཀློང་དཀྱིལ་ན། །མི་རྟོག་མཉམ་པའི་རང་བཞིན་གནས། །ཆོས་ཉིད་སྣང་བ་མེད་པའི་རང་བཞིན་ལ། །རིག་པས་མི་རྟོག་ཏིང་
D828.097.0052a04.01འཛིན་མ་བྱེད་ཅིག །ཀྱེ་སེམས་དཔའ་ཆེན་པོ། །བསྒོམས་ན་གང་བསྒོམ་ང་ཡི་ནད་ཡིན་གྱིས། །ཀུན་གྱི་སྙིང་པོ་བྱང་ཆུབ་སེམས་ཡིན་ན། །བྱང་ཆུབ་སེམས་ནི་གཟུང་འཛིན་བྲལ་བའི་ཕྱིར། །བསྒོམ་པར་བྱ་བ་རྡུལ་ཙམ་ཡོད་མ་ཡིན། །གོང་བཤད་བསྒོམས་
D828.097.0052a05.01པས་འབྲས་བུ་མ་ཐོབ་བཞིན། །ང་ཡང་བསྒོམས་པས་ཐོབ་པར་ལུང་མི་སྟོན། །ཀྱེ་སེམས་དཔའ་ཆེན་པོ་ང་ལ་ལྟོས། །ང་ནི་ཀུན་བྱེད་བྱང་ཆུབ་སེམས་ཡིན་ཏེ། །ཀུན་བྱེད་བྱས་པས་ཀུན་བྱས་ཉིད་དུ་བྱས། །ཀུན་ནི་མ་ལུས་པ་ཡི་སྒྲར་བཤད་དེ། །བྱེད་པའི་
D828.097.0052a06.01སྙིང་པོ་དེ་ཡིས་ཐམས་ཅད་བྱེད། །བྱང་བ་གཟུང་དུ་ཡོད་པ་མ་ཡིན་ལ། །ཆུབ་པ་ཀུན་གྱི་སྙིང་པོས་སྙིང་པོར་ཆུབ། །སེམས་ནི་རང་འབྱུང་ཡེ་ཤེས་ཀུན་དུ་སེམས། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ལྟ་བསྒོམ་མེད་ཀྱི་ལེའུ་སྟེ་ཞེ་
D828.097.0052a07.01