完整藏文原文 · 德格版页 当前仅加载第 97 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
དགོས་པ་ལྔ་ཡོད་དེ། །ཆོས་ཉིད་མངོན་དུ་ཕྱུང་བའི་མདོ་ལུང་ལ། །ཆོས་ཉིད་མངོན་དུ་མཐོང་བའི་དགོས་པ་ཡོད། །ཆོས་ཉིད་མ་ནོར་མངོན་དུ་མཐོང་བ་དེས། །ལྟ་སྤྱོད་དམ་ཚིག་ལམ་ལ་བགྲོད་མི་དགོས། །མ་ནོར་ངེས་པར་སྟོན་པའི་མདོ་ལུང་ལ། །མ་
D828.097.0062b01.01ནོར་ཡིད་ཆེས་ངེས་པའི་དགོས་པ་ཡོད། །སེམས་ཉིད་མ་ནོར་ཡིད་ཆེས་མངོན་པ་དེས། །སངས་རྒྱས་བསྒྲུབ་མི་དགོས་པའི་དགོས་པ་ཡོད། །རྒྱུ་རྐྱེན་རག་མ་ལུས་པའི་མདོ་ལུང་ལ། །རྩོལ་སྒྲུབ་བྱ་མི་དགོས་པའི་ཡོན་ཏན་ཡོད། །རྩོལ་ཞིང་སྒྲུབ་པ་བྱ་མི་
D828.097.0062b02.01དགོས་པ་དེས། །མི་རྩོལ་བདེ་ལ་གནས་པའི་དགོས་པ་ཡོད། །བྱ་མེད་རྫོགས་པའི་མདོ་ལུང་བསྟན་པ་ལ། །མ་བྱས་རང་བཞིན་རྫོགས་པའི་དགོས་པ་ཡོད། །བྱ་མེད་རང་བཞིན་རྫོགས་པའི་དགོས་པ་དེས། །ཡེ་ནས་ལྷུན་གྱིས་རྫོགས་པའི་དགོས་པ་
D828.097.0062b03.01ཡོད། །གཏན་ལ་འབེབས་པའི་མདོ་ལུང་བསྟན་པ་ལས། །དུས་གསུམ་སངས་རྒྱས་ཁམས་གསུམ་སེམས་ཅན་དང་། །སྣང་སྲིད་སྣོད་བཅུད་བསྡུས་པ་ཐམས་ཅད་ཀུན། །རྒྱུ་མེད་ངེས་པ་རང་འབྱུང་བྱ་མེད་པར། །མདོ་ལུང་ལྔ་དང་མཐུན་པར་གཏན་ལ་
D828.097.0062b04.01འབེབས། །གཏན་ལ་འབེབས་པའི་མདོ་རྩ་བསྟན་པ་ནི། །དུས་གསུམ་སངས་རྒྱས་དང་པོར་ལུང་བསྟན་པ། །ཆོས་ཉིད་ནམ་མཁའ་ལྟ་བུའི་རང་བཞིན་ལ། །སྔ་ཕྱི་དུས་གསུམ་ལྟ་བའི་སེམས་ཅན་རྣམས། །ཕྱི་བ་དྲན་མེད་སྡ་པ་བག་ཆགས་འགགས། །
D828.097.0062b05.01སེམས་ཅན་ནམ་མཁའི་ཆོས་ཉིད་མི་ཤེས་མཐོང་། །སངས་རྒྱས་སངས་རྒྱས་ཞེས་བྱའི་ངེས་ཚིག་ནི། །ཆོས་ཉིད་བྱང་ཆུབ་སེམས་ཀྱི་རང་བཞིན་ལ། །སྤྲོས་མེད་དབྱིབས་དང་དབང་པོའི་སྤྱོད་ཡུལ་སངས། །ནམ་མཁའ་བཞིན་དུ་ཀུན་ལ་ཁྱབ་ཅིང་རྒྱས། །
D828.097.0062b06.01སངས་རྒྱས་མིང་དུ་བཏགས་པ་ང་ཡིས་མེད། །ཁམས་ཞེས་བྱ་བའི་གཏན་ཚིགས་བསྟན་པ་ནི། །མང་ཞིང་རྒྱ་ཆེ་བ་ཡི་མཚན་ཉིད་དེ། །ཁམས་གསུམ་སེམས་ཅན་གཅིག་གི་དབང་པོ་ཡིས། །དཔག་གིས་མི་ལང་བས་ན་ཁམས་ཞེས་བཏགས། །ཡང་དག་
D828.097.0062b07.01