完整藏文原文 · 德格版页 当前仅加载第 97 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་མདོ་སྡེས་རྫོགས་ཆེན་ཐོས་འགྱུར་ན། །རང་སེམས་དེ་བཞིན་ཉིད་དུ་མ་རྟོགས་ཏེ། །ཇི་བཞིན་ཉིད་དུ་འཇོག་པ་མ་ཤེས་ཏེ། །བགྲོད་ཅིང་སྦྱོང་ལ་བསྐལ་པ་གསུམ་དུ་གནས། །རྗེས་སུ་རྣལ་འབྱོར་སེམས་དཔས་ཐོས་འགྱུར་ན། །འདི་ལྟར་སྣང་
D828.097.0035b01.01བའི་ཆོས་རྣམས་དེ་བཞིན་ལ། །རང་སེམས་དེ་བཞིན་ཉིད་དུ་མ་རྟོགས་པར། །ཇི་བཞིན་རྣལ་དུ་འཇོག་པ་མ་ཤེས་པས། །བྱང་ཆུབ་ཡན་ལག་ཆོ་འཕྲུལ་སྣ་ཚོགས་ཀྱིས། །བྱིན་རློབས་སེམས་ལ་མི་ཚེ་བདུན་པར་གནས། །རྣལ་འབྱོར་ཆེན་པོ་
D828.097.0035b02.01རྣམས་ཀྱིས་ཐོས་འགྱུར་ན། །རྒྱུ་དང་འབྲས་བུའི་བདག་ཉིད་ཡིན་པས་ན། །ཡེ་ནས་ཡིན་ལ་གདོད་རྩོལ་སྒྲུབ་པར་བྱེད། །སྟོང་ཕྲག་གཉིས་དང་བརྒྱ་ཕྲག་དྲུག་ཏུ་ནི། །ཇི་བཞིན་རྣལ་དུ་འཇོག་པ་མི་ཤེས་ཏེ། །ཏིང་འཛིན་གསུམ་གྱི་ས་ལ་གནས་པར་
D828.097.0035b03.01བྱེད། །ཡོངས་སུ་རྣལ་འབྱོར་རྣམས་ཀྱིས་ཐོས་འགྱུར་ན། །ཡེ་ནས་ཡིན་ལ་རྒྱུ་འབྲས་མིང་བཏགས་ནས། །ཇི་བཞིན་རྣལ་དུ་འཇོག་པ་མ་ཤེས་ཏེ། །རྒྱུ་ནི་དག་པ་ཆོས་ཀྱི་དབྱིངས་སུ་གྲུབ། །འབྲས་བུ་དག་པ་ཡེ་ཤེས་དཀྱིལ་འཁོར་གྲུབ། །
D828.097.0035b04.01བར་མ་ཆོད་ཀྱིས་མི་ཚེ་གཅིག་ཏུ་གནས། །ཤིན་ཏུ་རྣལ་འབྱོར་རྣམས་ཀྱིས་ཐོས་འགྱུར་ན། །ཡེ་ནས་སངས་རྒྱས་ས་ལ་གནས་པར་འགྱུར། །བྱ་མེད་བདེ་བ་ཆེན་པོ་འདི་ཡིས་ཐོབ། །བསྒྲུབ་པ་མེད་པར་ཡེ་ནས་སངས་རྒྱས་ཐོབ། །ལྷ་མི་སེམས་
D828.097.0035b05.01ཅན་དབང་པོ་མི་མཐུན་ཏེ། །ལ་ལ་དབང་པོ་སྦྱངས་པའི་འཕྲོ་ཅན་ཡོད། །ལ་ལ་དབང་པོ་ཡེ་ནས་ཆིག་ཆོད་ཡོད། །དེས་ན་དགོས་ཆེད་དོན་ཞེས་བསྟན་པ་ཡིན། །ཨ་ཏི་ཡོ་ག་རྫོགས་པ་ཆེན་པོ་ཞེས་བྱ་བ། །ཨ་ཏི་ཞེས་ནི་སྒྲ་ཡི་ཚིག་ཏུ་བསྟན། །ཨ་
D828.097.0035b06.01ནི་མ་སྐྱེས་ཆོས་ཉིད་རྣལ་དུ་བཞག །ཏི་ནི་མ་བཙལ་ལྷུན་གྱིས་འགྲུབ་པར་བསྟན། །ཡོ་ག་ཤིན་ཏུ་རྣལ་འབྱོར་རྫོགས་ཆེན་ལ། །རྒྱུ་དང་འབྲས་བུ་ཡོད་ཟེར་སྨྲ་བྱེད་པ། །དེ་ནི་རྫོགས་ཆེན་རྟོགས་པའི་དོན་མི་ལྡན། །དོན་དམ་ཀུན་རྫོབ་གཉིས་སུ་སྨྲ་བྱེད་
D828.097.0035b07.01