完整藏文原文 · 德格版页 当前仅加载第 97 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་གྱིས། །ང་ཞེས་བྱ་བའི་སྙིང་པོ་སྟེ། །ཆོས་རྣམས་ཀུན་གྱི་སྙིང་པོ་ཡིན། །རང་འབྱུང་ཞེས་ནི་བྱ་བ་ནི། །རྒྱུ་རྐྱེན་མེད་པའི་སྙིང་པོ་པས། །རྩོལ་སྒྲུབ་ཀུན་ལས་འདས་པ་ཡིན། །ཡེ་ཤེས་ཞེས་ནི་བྱ་བ་ནི། །འགག་པ་མེད་ཅིང་མ་བསྒྲིབས་པས། །ཆོས་
D828.097.0005b01.01ཀུན་མ་ལུས་སྟོན་པར་བྱེད། །ང་ནི་བྱང་ཆུབ་སེམས་ལ་བྱ། །ཡེ་ནས་བྱ་བའི་དོན་འདི་ནི། །ཐོག་མ་ཉིད་ནས་གནས་པའི་དོན། །ཆོས་ཀུན་ཞེས་ནི་བྱ་བ་ནི། །སྟོན་པ་ཀུན་ཀྱང་ཆོས་ཉིད་ལ། །བསྟན་པ་ཀུན་ཀྱང་ཆོས་ཉིད་ཡིན། །འཁོར་གནས་དུས་
D828.097.0005b02.01ཀྱང་ཆོས་ཉིད་དེ། །ཆོས་ཉིད་མ་ཡིན་གཅིག་ཀྱང་མེད། །སྙིང་པོ་བྱ་བའི་དོན་འདི་ནི། །ཐམས་ཅད་འབྱུང་བའི་སྙིང་པོ་སྟེ། །བྱང་ཆུབ་སེམས་ཀྱི་རང་བཞིན་ལས། །སྟོན་པ་གསུམ་ཡང་དེ་ལས་བྱུང་། །བསྟན་པ་གསུམ་ཡང་དེ་ལས་བྱུང་། །འཁོར་
D828.097.0005b03.01གནས་དུས་ཀྱང་དེ་ལས་བྱུང་། །ཐམས་ཅད་འབྱུང་བའི་སྙིང་པོར་བཤད། །ང་ནི་སྙིང་པོ་སེམས་ཉིད་ཀྱིས། །ཆོས་རྣམས་མ་ལུས་ཀུན་བྱེད་དེ། །ཀུན་ཞེས་བྱ་བའི་ཆོས་རྣམས་ཀུན། །ཆོས་ཀུན་གང་དང་གང་ཞེ་ན། །སྟོན་པ་དང་ནི་བསྟན་པ་དང་། །འཁོར་
D828.097.0005b04.01གནས་དུས་ནི་ཐམས་ཅད་ཀུན། །བྱེད་ཅེས་བྱ་བ་མཁན་པོ་སྟེ། །སྟོན་པ་དང་ནི་བསྟན་པ་དང་། །འཁོར་གནས་དུས་ནི་ཀུན་བྱེད་པས། །རང་འབྱུང་ཡེ་ཤེས་མཁན་པོ་ཡིན། །རྒྱལ་པོ་ཞེས་ནི་བྱ་བ་ནི། །སྙིང་པོ་རང་འབྱུང་ཡེ་ཤེས་དེ། །བྱེད་པའི་མཁན་པོ་
D828.097.0005b05.01ཀུན་ལས་རྒྱལ། །ཆོས་རྣམས་བྱེད་མཁན་ཀུན་ལས་རྒྱལ། །བྱང་བའི་དོན་ནི་འདི་ལྟ་སྟེ། །སྙིང་པོ་བྱང་ཆུབ་སེམས་དེ་ནི། །རང་འབྱུང་ཡེ་ནས་རྣམ་དག་པས། །ཀུན་བྱེད་རྒྱལ་པོས་བྱས་པ་ཀུན། །ཀུན་བཟང་ཉིད་དུ་རྣམ་དག་པས། །བྱང་ཞེས་བྱ་
D828.097.0005b06.01བར་བཤད་པ་ཡིན། །ཆུབ་ཅེས་བྱ་བ་འདི་ལྟ་སྟེ། །སྙིང་པོ་རང་འབྱུང་ཡེ་ཤེས་དེས། །སྣང་བ་དང་ནི་སྲིད་པ་དང་། །སྣོད་དང་བཅུད་ཀྱིས་བསྡུས་པ་དང་། །དུས་གསུམ་སངས་རྒྱས་ཐམས་ཅད་དང་། །ཁམས་གསུམ་རྒྱུད་དྲུག་སེམས་ཅན་དང་། །
D828.097.0005b07.01