完整藏文原文 · 德格版页 当前仅加载第 97 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོའི་དགོངས་པ་ཟབ་མོ་ཡང་། །གང་ལྟར་བལྟས་པས་མཐུན་པར་ལུང་མི་སྟོན། །ཀྱེ་ང་ཡི་འཁོར་གྱི་དང་པོ་སྐུ་གསུམ་གྱིས། །རང་རང་མོས་པའི་འཁོར་ལ་ཆོས་བསྟན་པ། །སྐུ་གསུང་ཐུགས་ཀྱི་ཐེག་པ་རེ་རེ་དང་། །ས་རེ་ལམ་རེ་འབྲས་བུ་
D828.097.0071b01.01རེ་རེ་བསྟན། །ཀུན་བྱེད་ང་ཡི་ས་ལམ་མ་རྟོགས་ན། །རྣམ་གྲངས་ས་དེས་ངེས་པའི་ལམ་མི་རྙེད། །དེས་ན་སེམས་ཉིད་ཀུན་ཐེག་སེམས་ཀྱིས། །རྩ་བའི་ས་ལ་བརྟན་པར་རྟོགས་པར་གྱིས། །ས་ཡི་རང་བཞིན་སྣང་མེད་འདི་རྟོགས་ན། །ཀུན་བྱེད་བྱང་
D828.097.0071b02.01ཆུབ་སེམས་ཀྱི་ས་ལ་གནས། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ས་ལ་སྦྱང་དུ་མེད་པར་རྟོགས་པའི་ལེའུ་སྟེ་དྲུག་ཅུ་ལྔ་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སྤྱོད་པ་བླང་དོར་མེད་པར་རྟོགས་པ་འདི་
D828.097.0071b03.01གསུངས་སོ། །ཀྱེ་ང་ནི་སྟོན་པ་ཀུན་བྱེད་རྒྱལ་པོ་སྟེ། །ང་ལས་བྱུང་བའི་སྟོན་པ་སྐུ་གསུམ་གྱིས། །ལ་ལས་དགེ་སྤྱད་སྡིག་པ་དོར་བར་རྟོགས། །ལ་ལས་གཙང་སྨེ་བླང་དོར་གཉིས་སུ་རྟོགས། །ལ་ལས་གཙང་སྨེ་གཉིས་ཀ་སྤྱད་པར་རྟོགས། །སྤྱད་དང་མ་
D828.097.0071b04.01སྤྱད་མེད་པའི་དོན་མ་རྟོགས། །གང་དག་སྤྱོད་པ་འདི་ལ་གནས་པ་ནི། །རང་རང་གཉེན་པོའི་རྟོགས་པ་བྱེད་པ་ཡིས། །དམིགས་པ་ཡིད་ལ་སྦྱངས་པ་རྟོགས་པར་འགྱུར། །བླང་དོར་མེད་པའི་སྤྱོད་པ་རྟོགས་མི་འགྱུར། །ཀྱེ་ཀུན་བྱེད་རྒྱལ་པོའི་སྤྱོད་པ་
D828.097.0071b05.01བསྟན་པ་ནི། །དགེ་སྡིག་བླང་དོར་གཙང་སྨེ་ཆེ་ཆུང་ཀུན། །སྐྱེ་མེད་བྱང་ཆུབ་སེམས་སུ་ཀུན་གཅིག་པས། །བླང་དང་དོར་བ་མེད་པའི་དོན་དུ་རྟོགས། །གཙང་དང་མི་གཙང་མེད་པ་ཉིད་དུ་རྟོགས། །སྤྱད་དང་མ་སྤྱད་གཉིས་སུ་མེད་པར་རྟོགས། །མཐའ་
D828.097.0071b06.01དང་དབུས་སུ་འབྱེད་པ་མེད་པར་རྟོགས། །གཞི་རྩ་སྐྱེ་མེད་བྱང་ཆུབ་སེམས་སུ་རྟོགས། །ཀྱེ་ཀུན་བྱེད་རྒྱལ་པོའི་སྤྱོད་པ་བསྟན་པ་ནི། །གང་ལྟར་སྤྱད་པ་དེ་ལྟར་མི་འགལ་ཏེ། །བྱས་དང་མ་བྱས་གཉིས་ཀ་སྐྱེ་མེད་པས། །ཤེས་པས་གང་ལྟར་སྤྱད་པ་སྐྱེ་མེད་
D828.097.0071b07.01