完整藏文原文 · 德格版页 当前仅加载第 97 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡི་རང་བཞིན་ནོ། །ཇི་བཞིན་བཅོས་པ་མེད་པ་དེ། །སངས་རྒྱས་ཀུན་གྱི་དགོངས་པ་གཅིག །བདེ་བ་ཆེ་ལས་མ་གཏོགས་པ། །འདོད་དང་འཛིན་པ་ག་ལ་ཡོད། །མི་གནས་པ་ལ་དམིགས་པ་མེད། །མི་རྟོག་པ་ལ་འཛིན་པ་མེད། །
D828.097.0060a01.01མེད་པ་དོན་གྱི་སྙིང་པོ་དེ། །འདོད་པ་མེད་པས་ཐོབ་པར་འགྱུར། །གང་ལ་འཛིན་ཆགས་མེད་པ་དེས། །ཏིང་ངེ་འཛིན་ཏེ་འཛིན་པའི་མཆོག །ཀུན་ཟིན་ཡེ་ནས་གྲུབ་ཟིན་པས། །བཏང་གཞག་མི་རྟོག་གྲུབ་པའི་རྒྱལ། །ཀྱེ་སེམས་དཔའ་ཆེན་
D828.097.0060a02.01པོ། སྣ་ཚོགས་བསྒོམས་པས་གཅིག་མི་གསལ། །གསལ་བ་ཏིང་འཛིན་གང་བྱེད་པ། །དེ་ལའང་ཏིང་འཛིན་ཡོད་མ་ཡིན། །དེ་བཞིན་ཉིད་དུ་གཅིག་པ་ལ། །སངས་རྒྱས་སེམས་ཅན་གཉིས་སུ་ཕྱེ། །བདེ་དང་སྡུག་བསྔལ་གཉིས་ཕྱེ་
D828.097.0060a03.01ནས། །བདེ་བ་དང་དུ་བླང་ལུང་བསྟན། །སྡིག་པ་རྒྱབ་ཏུ་བོར་ལུང་བསྟན། །དེ་ནི་ངེས་པའི་ལུང་དང་འགལ། །ཀྱེ་སེམས་དཔའ་ཆེན་པོ། །གཅིག་ལ་གཉིས་སུ་མ་འབྱེད་ཅིག །བདེ་བ་སྡུག་བསྔལ་བྱང་ཆུབ་གཅིག །སངས་རྒྱས་སེམས་ཅན་སེམས་སུ་
D828.097.0060a04.01གཅིག །སྣང་སྲིད་སྣོད་བཅུད་ཆོས་ཉིད་གཅིག །བདེན་{བརྫུན་,རྫུན་}གཉིས་ཀྱང་ཆོས་ཉིད་མཉམ། །བདེ་བ་མ་ལེན་སྡུག་མ་སྤོང་། །རང་བཞིན་གནས་པས་ཀུན་ཀྱང་འགྲུབ། །བདེ་ལ་ཆགས་པ་སྡུག་བསྔལ་ཡིན། །ཀུན་གསལ་དེ་ལ་རྟོག་མེད་པས། །དེ་ནི་རང་
D828.097.0060a05.01འབྱུང་ཡེ་ཤེས་ཡིན། །ཡེ་ཤེས་བག་ཆགས་མི་སོག་པས། །ལས་ཀྱིས་གོས་པར་ག་ལ་འགྱུར། །རྒྱུ་འབྲས་ཡེ་ཤེས་ཏིང་འཛིན་རྟོག །རྟོག་པའི་ཡེ་ཤེས་བག་ཆགས་ཅན། །ཡེ་ཤེས་བག་ཆགས་དབང་སྒྱུར་བས། །རྟོག་པའི་ཡེ་ཤེས་བསྒོམ་
D828.097.0060a06.01མི་བྱ། །རྟོག་པའི་ཡེ་ཤེས་བསྒོམ་བྱས་པས། །མི་རྟོག་མཉམ་དང་བྲལ་བར་འགྱུར། །ཏིང་འཛིན་རྩོལ་བའི་ནད་ཀྱིས་ཟིན། །ཀྱེ་སེམས་དཔའ་ཆེན་པོ། ཀུན་བྱེད་ང་ནི་བྱང་ཆུབ་སེམས། །ཐམས་ཅད་བྱང་ཆུབ་སེམས་ཡིན་ལ། །བྱང་ཆུབ་སེམས་ལས་
D828.097.0060a07.01