完整藏文原文 · 德格版页 当前仅加载第 97 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཆེན་པོ་ཉོན་ཅིག །ང་ནི་ཆོས་ཀྱི་སྤྱི་ལུང་ཡིན་པའི་ཕྱིར། །གཏན་ཚིགས་དོན་གྱི་བཤད་ལུགས་རྣམ་ལྔ་ནི། །སྤྱི་དོན་རྣམ་པ་ལྔ་ཡིས་བཤད་པ་སྟེ། །ལོ་རྒྱུས་དོན་གྱི་བཤད་ལུགས་བསྟན་པ་དང་། །རྩ་བ་དོན་གྱི་བཤད་ལུགས་
D828.097.0020b01.01བསྟན་པ་དང་། །ཡོ་ག་དོན་གྱི་བཤད་ལུགས་བསྟན་པ་དང་། །དགོས་པ་དོན་གྱི་བཤད་ལུགས་བསྟན་པ་དང་། །ཚིག་གི་དོན་གྱི་བཤད་ལུགས་བསྟན་པའོ། །དང་པོ་ཡིད་ཆེས་པ་ཡི་ཁུངས་བསྟན་ཕྱིར། །ལོ་རྒྱུས་དོན་གྱི་བཤད་ལུགས་བསྟན་
D828.097.0020b02.01པར་བྱ། །ཆོས་ཀུན་རྩ་བ་སེམས་སུ་འདུས་པའི་ཕྱིར། །དེས་ན་རྩ་བའི་དོན་དེ་བསྟན་པར་བྱ། །ཐེག་པའི་ཁྱད་པར་སོ་སོར་དབྱེ་བའི་ཕྱིར། །ཡོ་ག་དོན་གྱི་རྩ་བ་བསྟན་པར་བྱ། །རྩོལ་སྒྲུབ་བྱ་མི་དགོས་པར་བསྟན་པའི་ཕྱིར། །དགོས་ཆེད་དོན་གྱི་དགོས་
D828.097.0020b03.01པ་དེ་རུ་བསྟན། །མི་རྟོགས་དོན་དེ་རྟོགས་པར་བྱ་བའི་ཕྱིར། །ཚིག་གི་དོན་དེ་སྒྲ་རུ་བརྗོད་པར་བྱ། །ཀྱེ་སེམས་དཔའ་ཆེན་པོ། །ལོ་རྒྱུས་དོན་གྱི་དགོས་པ་བསྟན་པ་ནི། །དང་པོར་ཡིད་ཆེས་པ་ཡི་ཁུངས་བསྟན་ཕྱིར། །ལོ་རྒྱུས་དོན་གྱི་བཤད་ལུགས་བསྟན་
D828.097.0020b04.01པ་ནི། །རང་བཞིན་བྱིན་གྱིས་བརླབས་ཀྱིས་བཤད་ལུགས་དང་། །རང་གི་ངོ་བོ་བསྟན་པའི་བཤད་ལུགས་དང་། །དོན་གྱི་སྒྲ་ཚིག་བསྡེབས་པའི་བཤད་ལུགས་སོ། །ཀུན་བྱེད་ང་ཡི་རང་བཞིན་རྣམ་གསུམ་ལས། །ང་ལས་བྱུང་བའི་སྟོན་པ་སྐུ་གསུམ་
D828.097.0020b05.01གྱིས། །རང་བཞིན་དང་ནི་ངོ་བོ་སྒྲ་ཚིག་གིས། །ཇི་ལྟར་བྱུང་བའི་ཁུངས་དེས་ཡིད་ཀྱང་ཆེས། །ཀྱེ་སེམས་དཔའ་ཆེན་པོ་ཉོན་ཅིག །རྩ་བ་དོན་གྱི་དགོས་པ་བསྟན་པ་ནི། །སྣང་སྲིད་སྣོད་བཅུད་བསྡུས་པ་ཐམས་ཅད་དང་། །སངས་རྒྱས་སེམས་ཅན་
D828.097.0020b06.01བསྡུས་པ་ཐམས་ཅད་ཀུན། །ཀུན་བྱེད་བྱང་ཆུབ་ང་ཡིས་བྱས་པའི་ཕྱིར། །ཐམས་ཅད་བྱང་ཆུབ་སེམས་ལས་མ་གཏོགས་པ། །གཞན་ཞེས་བྱ་བ་ཡེ་ནས་མེད་པའི་ཕྱིར། །ཀུན་ཀྱང་བྱང་ཆུབ་སེམས་སུ་བསྟན་པའི་ཕྱིར། །རྩ་བ་དོན་གྱི་དགོས་ཆེད་
D828.097.0020b07.01