完整藏文原文 · 德格版页 当前仅加载第 97 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
ཆ་མཉམ་འདུལ་བའི་གཉེན་པོ་རུ། །སྡེ་སྣོད་གསུམ་ལས་ཉི་ཁྲི་ཚིག་སྟོང་གསུངས། །སྤྱི་རུ་བརྒྱད་ཁྲི་བཞི་སྟོང་གསུངས་པ་ཡང་། །དུག་གསུམ་གཉེན་པོས་འདུལ་ཕྱིར་གསུངས་པ་ཡིན། །མཚན་ཉིད་རྒྱུ་ཡི་ཐེག་པ་རྣམ་གསུམ་སྟེ། །སྒོ་ནི་
D828.097.0016a01.01མདོ་སྡེ་འདུལ་བ་མངོན་པ་གསུམ། །དེ་ནི་བསྡུས་པའི་དོན་ཞེས་བསྟན་པ་ཡིན། །མདོ་སྡེ་ལ་ཡང་བཤད་ལུགས་བཅུ་དང་གཉིས། །སོ་སོར་དབྱེ་བའི་དོན་དུ་བསྟན་པ་ཡིན། །དུག་གསུམ་རྒྱུ་ལས་འབྲས་བུ་ངན་སོང་གསུམ། །སེམས་ཅན་རྒྱུ་ལ་ལས་སྤྱོད་དགེ་
D828.097.0016a02.01སྡིག་གཉིས། །འབྲས་བུ་མཐོ་རིས་ངན་སོང་རྣམ་གཉིས་སོ། །མཚན་ཉིད་རྒྱུ་ལས་རབ་ཏུ་བསྒྲགས་པ་ཡིན། །འདི་ནི་སྔར་གསུངས་ད་གསུང་ཕྱིས་གསུང་འགྱུར། །འདི་དོན་བརྗོད་དུ་མེད་པའི་དོན་འདི་ནི། །སྔ་མ་མ་གསུངས་ད་ལྟར་མི་གསུང་སྟེ། །སྤྲུལ་པའི་སྐུ་
D828.097.0016a03.01ཡིས་ཕྱིས་ཀྱང་གསུང་མི་འགྱུར། །དེ་བས་སྤྲུལ་པའི་སྐུ་ཡི་བསྟན་པར་བཤད། །ཀྱེ་སེམས་དཔའ་ཆེན་པོ། །ཀུན་བྱེད་ང་ཡི་རང་བཞིན་རྣམ་གསུམ་ལ། །འཁོར་གྱི་དང་པོ་སྟོན་པ་སྐུ་གསུམ་ཤར། །སྐུ་གསུམ་སྟོན་པ་གསུམ་གྱི་འཁོར་བསྟན་པ། །ཀྱེ་
D828.097.0016a04.01སེམས་དཔའ་ཆེན་པོ་ཉོན་ཅིག །སྟོན་པ་ཆོས་ཀྱི་སྐུ་ཡི་འཁོར་བསྟན་པ། །ང་ཡིས་བྱས་པའི་འཁོར་ནི་ཐམས་ཅད་ཀུན། །ང་ཡི་རང་བཞིན་ཆོས་ཀྱི་སྐུ་འཁོར་ཡིན། །སངས་རྒྱས་སེམས་ཅན་སྣང་སྲིད་སྣོད་བཅུད་ཀུན། །ཆོས་ཀྱི་སྐུ་ཡི་འཁོར་དུ་མ་འདུས་
D828.097.0016a05.01མེད། །ཅེས་གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག །སྟོན་པ་ལོངས་སྤྱོད་རྫོགས་པའི་སྐུ་ཡི་འཁོར་བསྟན་པ། །མོས་སྤྱོད་བཞི་ཡི་ས་ལ་འདས་པ་ཡི། །དང་པོ་རབ་ཏུ་དགའ་བའི་ས་མནན་ནས། །ས་བཅུ་ཆོས་ཀྱི་སྤྲིན་གྱི་ས་པ་རྣམས། །དེ་
D828.097.0016a06.01ནི་ལོངས་སྤྱོད་རྫོགས་པའི་སྐུ་ཡི་འཁོར་དུ་བསྟན། །སྟོན་པ་སྤྲུལ་པའི་སྐུ་ཡི་འཁོར་བསྟན་པ། །མུ་སྟེགས་མུར་ཐུག་རྒྱང་འཕེན་ཕྱལ་བ་བཞི། །བླ་མེད་བྱང་ཆུབ་ལམ་ལ་གཏན་གོལ་བས། །དབང་པོ་སེམས་བསྒྱུར་ཐུགས་རྗེ་བྱིན་བརླབས་ནས། །དགེ་སློང་
D828.097.0016a07.01