完整藏文原文 · 德格版页 当前仅加载第 97 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ལོངས་སྤྱོད་རྫོགས་པའི་སྐུ་རླུང་ཞེས་བྱ་བའི་འཁོར་དང་། ཉིད་ཀྱི་ངོ་བོའི་འཁོར་ལོངས་སྤྱོད་རྫོགས་པའི་སྐུ་ནམ་མཁའ་ཞེས་བྱ་བའི་འཁོར་དང་། གཞན་ཡང་ཐུགས་རྗེ་ཡེ་ཤེས་མངོན་དུ་ཕྱུང་བའི་སྤྲུལ་པའི་འཁོར་འདི་
D828.097.0002a01.01ལྟ་སྟེ། འདོད་པའི་ཁམས་ཀྱི་སེམས་ཅན་ཞེས་བྱ་བའི་འཁོར་དང་། གཟུགས་ཀྱི་ཁམས་ཀྱི་སེམས་ཅན་ཞེས་བྱ་བའི་འཁོར་དང་། གཟུགས་མེད་པའི་ཁམས་ཀྱི་སེམས་ཅན་ཞེས་བྱ་བའི་འཁོར་དང་། གཞན་ཡང་ཉིད་ཀྱི་རང་བཞིན་
D828.097.0002a02.01ལ་ལྟ་བའི་འཁོར་རྣམ་པ་བཞི་འདི་ལྟ་སྟེ། ཤིན་ཏུ་རྣལ་འབྱོར་ཞེས་བྱ་བའི་འཁོར་དང་། ཡོངས་སུ་རྣལ་འབྱོར་ཞེས་བྱ་བའི་འཁོར་དང་། རྣལ་འབྱོར་ཆེན་པོ་ཞེས་བྱ་བའི་འཁོར་དང་། སེམས་དཔའི་རྣལ་འབྱོར་ཞེས་བྱ་བའི་འཁོར་
D828.097.0002a03.01དང་། ཉིད་ཀྱི་རང་བཞིན་དང་། ཉིད་ཀྱི་ངོ་བོ་དང་། ཉིད་ཀྱི་ཐུགས་རྗེ་རང་བཞིན་འབྱེད་པ་མི་མངའ་བས་ཐབས་ཅིག་གོ། །གཞན་ཡང་ཉིད་ཀྱི་རང་བཞིན་རྟོགས་པའི་འཁོར་འདི་ལྟ་སྟེ། སྔར་འདས་པའི་སངས་རྒྱས་ཉིད་ལ་གནས་པའི་
D828.097.0002a04.01འཁོར་དང་། ད་ལྟར་བཞུགས་པའི་སངས་རྒྱས་ཉིད་ཀྱིས་དོན་མཛད་པའི་འཁོར་དང་། སླད་ནས་བྱོན་པའི་སངས་རྒྱས་ཉིད་ལས་འབྱུང་བའི་འཁོར་དང་། འབྱེད་པ་མི་མངའ་བའི་རང་བཞིན་གྱིས་ཐབས་ཅིག་པར་བཞུགས་སོ། །དེ་ནས་
D828.097.0002a05.01བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་འཁོར་ཐམས་ཅད་ཉིད་ཀྱི་རང་བཞིན་དུ་བྱིན་གྱིས་བརླབ་པའི་ཕྱིར་འཁོར་ཐམས་ཅད་ཉིད་ཀྱི་སེམས་ཉིད་ཀྱི་ཐུགས་ལ་ཐིམ་པར་མཛད་དོ། །རང་འབྱུང་གི་ཡེ་ཤེས་གསལ་བར་མཛད་དོ། །དེ་ནས་ཐམས་
D828.097.0002a06.01