完整藏文原文 · 德格版页 当前仅加载第 97 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
བཞུགས་པ་དང་། །ཁམས་གསུམ་སེམས་ཅན་མ་ལུས་དང་། །སྣང་སྲིད་སྣོད་བཅུད་གནས་པའི་ཕྱིར། །ས་ལ་སྦྱངས་ཤིང་བགྲོད་དུ་མེད། །ཐེག་པ་རེ་ལ་ཆོས་ཉིད་རེ། །རྫོགས་ཆེན་ཆོས་ཉིད་བྱང་ཆུབ་སེམས། །སེམས་ལས་མ་གཏོགས་ཆོས་
D828.097.0045b01.01མེད་པས། །ཐེག་པའི་ཆོས་ཀུན་བྱང་ཆུབ་སེམས། །རྫོགས་ཆེན་རང་འབྱུང་ཡེ་ཤེས་ནི། །ཡུལ་ལ་རྟོག་པར་མི་བྱེད་དེ། །མི་རྟོག་མི་བསྐྱོད་ཡེ་ཤེས་སོ། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ལྟ་སྤྱོད་ཀྱི་གོལ་སྒྲིབ་
D828.097.0045b02.01བསྟན་པའི་ལེའུ་སྟེ་སུམ་ཅུ་རྩ་བརྒྱད་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཉིད་ཀྱི་རང་བཞིན་ཐམས་ཅད་ལ་གོལ་ས་དང་སྒྲིབ་པ་མེད་པ་རྒྱལ་བའི་སྙིང་པོ་ཡིན་པ་འདི་གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག །ང་ནི་
D828.097.0045b03.01ཀུན་གྱི་བྱང་ཆུབ་སེམས། །དེས་ན་ཀུན་གྱི་སྙིང་པོར་བཤད། །སྐུ་གསུམ་སྟོན་པ་རྣམ་གསུམ་དང་། །དུས་གསུམ་སངས་རྒྱས་བཞུགས་པ་དང་། །ཁམས་གསུམ་སེམས་ཅན་ཐམས་ཅད་དང་། །སྣང་སྲིད་སྣོད་བཅུད་ཐམས་ཅད་ལ། །འབྱུང་
D828.097.0045b04.01བའི་སྙིང་པོ་ང་ལས་མེད། །དེ་ཡང་ཇི་ལྟ་བུ་ཞེ་ན། མི་རྟོག་མཉམ་པ་དེ་ཉིད་ལས། །སྐྱེ་བ་མེད་པའི་ཆོས་སྐུ་བྱུང་། །རང་གི་ངོ་བོ་དེ་ཉིད་ལས། །འདོད་པ་ལོངས་སྤྱོད་རྫོགས་སྐུ་བྱུང་། །ཐུགས་རྗེ་བྱང་ཆུབ་ཆེན་པོ་ལས། །སྤྲུལ་པས་འགྲོ་བའི་དོན་
D828.097.0045b05.01མཛད་བྱུང་། །དུས་གསུམ་སངས་རྒྱས་ཐམས་ཅད་དང་། །སྔར་འདས་པ་ཡི་སངས་རྒྱས་ཀྱིས། །རང་འབྱུང་ཡེ་ཤེས་སེམས་ཉིད་དེ། །མི་རྟོག་རྟོགས་ནས་སྔར་སངས་རྒྱས། །ད་ལྟར་མི་རྟོག་ངང་ལ་བཞུགས། །ད་ལྟར་བཞུགས་པའི་སངས་རྒྱས་
D828.097.0045b06.01ཀྱང་། །རང་འབྱུང་ཡེ་ཤེས་སེམས་ཉིད་དེ། །མི་རྟོག་པས་ནི་འགྲོ་དོན་མཛད། །སླད་ནས་བྱོན་པའི་སངས་རྒྱས་རྣམས། །བྱང་ཆུབ་རང་འབྱུང་ཡེ་ཤེས་དེ། །མི་རྟོག་པ་ཡི་ལུང་བསྟན་ནས། །འགྲོ་བའི་དོན་ལ་འབྱུང་བར་ངེས། །རིག་འཛིན་དང་ནི་
D828.097.0045b07.01