chos thams cad rdzogs pa chen po byang chub kyi sems kun byed rgyal po/
当前为德格木刻版 4a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 4a
- 可引用原文
- 7 行
- 全文规模
- 全经 1187 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 97 函 · 德格 4a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སྔོན་རོལ་དུ་བྱེད་པ་པོ་ང་བྱུང་བ་འདི་གསུངས་སོ། །ཀྱེ་སེམས་དཔའ་ཆེན་པོ་ཡིད་རྣ་དབང་ལ་ཞུགས་ཅིག །རྣ་དབང་སྒྲ་ལ་རྟོགས་ཤིག །ཀྱེ་ང་ནི་ཀུན་བྱེད་རྒྱལ་པོ་སྟེ། །ང་ནི་ཀུན་བྱེད་བྱང་ཆུབ་སེམས། །ང་མེད་པ་ཡི་སྔོན་རོལ་ན། །ཆོས་རྣམས་འབྱུང་བའི་སྙིང་པོ་མེད། །ང་མེད་པ་ཡི་སྔོན་རོལ་ན། །ཆོས་ཀུན་བྱེད་པའི་རྒྱལ་པོ་མེད། །ང་མེད་པ་ཡི་སྔོན་རོལ་ན། །སྟོན་པ་བྱ་བ་ཡེ་ནས་མེད། །ང་མེད་པ་ཡི་སྔོན་རོལ་ན། །བསྟན་པ་བྱ་བ་ཡེ་ནས་མེད། །ང་མེད་པ་ཡི་སྔོན་
རོལ་ན། །འཁོར་ཞེས་བྱ་བ་ཡེ་ནས་མེད། །སེམས་དཔའ་རྡོ་རྗེ་རྟོག་མ་སྐྱེ། །སེམས་དཔའ་ཆེན་པོ་ཁྱོད་ཉིད་ཀྱང་། །ང་ཡི་ངོ་བོ་སྤྲུལ་པ་ཡིན། །ཞེས་གསུངས་སོ། །དེ་ནས་སེམས་དཔའ་རྡོ་རྗེས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལ་ཞུས་པ། ཀྱེ་ཀུན་བྱེད་རྒྱལ་པོ་བྱང་ཆུབ་སེམས། །ཁྱོད་ནི་ཡེ་ནས་ཆེན་པོ་ཡིན། །སྟོན་པ་དང་ནི་བསྟན་པ་དང་། །འཁོར་ལ་སོགས་པའི་ཆོས་རྣམས་ཀུན། །བྱེད་མཁན་ཁྱོད་ཀྱིས་བྱས་པས་ན། །ཇི་ལྟར་སྣང་བའི་ཆོས་རྣམས་ཀུན། །བྱེད་མཁན་ཁྱོད་ཀྱིས་བྱས་པར་སྣང་། །
སྟོན་པ་གཅིག་གམ་རྣམ་པ་དུ་རུ་ཡོད། །བསྟན་པ་གཅིག་གམ་རྣམ་པ་དུ་རུ་ཡོད། །འཁོར་རྣམས་གཅིག་གམ་རྣམ་པ་དུ་རུ་ཡོད། །ཅེས་ཞུས་སོ། །དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སླར་གསུངས་པ། ཀྱེ་རང་འབྱུང་ཡེ་ཤེས་ཀུན་གྱི་སྟོན་པར་གཅིག །ང་ཡི་རང་བཞིན་རྣམ་གསུམ་སྣང་བ་ལ། །སྟོན་པའི་གྲངས་ནི་རྣམ་པ་གསུམ་དུ་བྱུང་། །ང་ནི་དེ་བཞིན་ཉིད་དུ་གཅིག་པ་ལས། །ཆོས་རྣམས་ཀུན་གྱི་ཆོས་ཉིད་དེ་བཞིན་ཉིད། །ང་ཉིད་བྱང་ཆུབ་སེམས་ལས་གཞན་མེད་དོ། །ང་
ལས་བྱུང་བའི་སྟོན་པ་སྐུ་གསུམ་གྱིས། །འཁོར་ལ་བསྟན་པ་རྣམ་པ་གསུམ་དུ་བསྟན། །ང་ཡི་ངོ་བོ་གཅིག་ཏུ་ཕྱུང་ནས་ནི། །ང་ཡི་རང་བཞིན་གཅིག་ཏུ་བསྟན་པའི་ཕྱིར། །ཀུན་བྱེད་ང་ཡི་འཁོར་དུ་ཀུན་ཀྱང་གཅིག །ང་ལས་བྱུང་བའི་སྟོན་པ་སྐུ་གསུམ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D828
- 德格版页
- 4a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0822 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。