完整藏文原文 · 德格版页 当前仅加载第 78 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
གི་ཆོ་ག་སྟེ་རབ་ཏུ་བྱེད་པ་བཅུ་དྲུག་པའོ།། །།དེ་ནས་ལྷ་མོས་ཕྱག་བྱས་ནས། །དེ་བཞིན་མཆོད་པ་ཆེན་པོ་བྱས། །སྟོབས་པོ་ཆེ་ཡི་སྦྱིན་སྲེག་ནི། །བདག་པོ་ཆེན་པོས་བསྟན་དུ་གསོལ། །མཁས་པས་རྒྱུན་དུ་ནང་བདག་གི། །
D372.078.0257a01.01སྦྱིན་སྲེག་བཤད་ཀྱིས་མཉན་པར་གྱིས། །སྟོབས་པོ་ཆེ་ཡི་རབ་སྦྱོར་བས། །ཁམས་རྣམས་ཀུན་གྱིས་དགང་བླུགས་ཏེ། །བདེ་བ་ཐབ་ཏུ་ཡང་དག་འཐོབ། །ཉི་ཟླ་དགང་གཟར་བླུགས་གཟར་རོ། །སློབ་དཔོན་གཉིས་མེད་དེ་དེ་ལ། །ཡང་དག་རིགས་པའི་
D372.078.0257a02.01གཟུགས་སུ་བསྲེག །སྣ་ཚོགས་མཁའ་འགྲོ་རྣམས་འདི་མེ། །གསང་སྔགས་རང་བཞིན་མཚན་ཉིད་དོ། །ཡམ་ཤིང་རྩ་རུ་ཡང་དག་གྲགས། །གང་ཕྱིར་སཱ་ལི་ལས་སྐྱེས་འབྲས། །ཚིལ་ནི་རྟག་ཏུ་ཞོ་ཟན་ཡིན། །འདི་རུ་མར་ནི་བྱང་ཆུབ་སེམས། །ཁྲག་ནི་སྦྲང་
D372.078.0257a03.01རྩིར་ཤེས་པར་བྱ། །སྲོག་སོགས་རླུང་རྣམས་དཱུར་བའོ། །གཅིན་དང་བཤང་བ་དག་དེ་ལྟར། །ཙནྡན་དང་ནི་གླ་རྩིའོ། །མེ་ཏོག་རྟག་ཏུ་ཁྲག་ཏུ་གྲགས། །མཆིལ་མ་ལུད་པ་འབྲས་ཐུག་ཡིན། །བུད་ཤིང་སོ་སེན་རུས་པའོ། །མདོར་བསྡུས་པ་ཡིས་པགས་པ་གོས། །
D372.078.0257a04.01མེ་ཡི་ཐབ་ཀྱི་དབུས་སུ་ནི། །སྐྲ་དང་བ་སྤུ་ལྷ་རུ་འགྱུར། །སྣ་ཚོགས་ཕྲ་མོའི་ཁམས་གཞན་ནི། །སྣ་ཚོགས་འབྲུ་སྟེ་དེ་ལ་བསྲེག །རིམ་གྱིས་མཁའ་འགྲོ་རྫོགས་སོན་པ། །གང་བའི་སྲེག་བླུགས་སུ་ཤེས་བྱ། །དབང་པོ་ཐམས་ཅད་གར་བྱེད་དེ། །དེ་ཡི་བག་ཆགས་
D372.078.0257a05.01གླུ་ལེན་ནོ། །སྣ་ཚོགས་སྒྲ་ཆེན་པོས་རོལ་མོ། །སྙིང་རྗེ་སོགས་པས་སྟོན་མོ་ཡིན། །སྲོག་རྣམས་ཀུན་གྱི་བདག་པོ་ཡི། །སྟོབས་པོ་ཆེ་ནི་བསྒོམ་པར་བྱ། །ལས་ཐམས་ཅད་པས་སྦྱིན་སྲེག་ནི། །དེས་མཉེས་པ་ཡི་དངོས་གྲུབ་འགྱུར། །འཇིག་རྟེན་མཆོག་གི་
D372.078.0257a06.01ཁམས་ཀུན་དུ། །ཡིད་ནི་དེ་རུ་ཡང་དག་རོལ། །གང་ཚེའི་དུས་སུ་བདེ་གྱུར་པ། །དེ་ཚེའི་དུས་སུ་རབ་ཏུ་གནས། །སྦྱིན་སྲེག་རང་བདག་ཉིད་མཐོང་བས། །སྨོད་དང་རྗེས་འཛིན་བྱེད་པ་ཡིན། །འཇིག་རྟེན་འཇིག་རྟེན་འདས་ཡེ་ཤེས། །དེ་རྣམས་དབུས་མར་འཐོབ་པར་
D372.078.0257a07.01