完整藏文原文 · 德格版页 当前仅加载第 78 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་སྐྱེ་གནས་གཉིས་དེ་བཞིན། །སླར་ཡང་དེ་ཉིད་ཚིག་དྲན་བྱ། །འདི་རྣམས་རིགས་ལས་བྱུང་ལྷ་མོ། །ལྷན་ཅིག་སྐྱེས་གཟུགས་བུ་མོ་ཡིན། །དཔལ་ཆེན་མོ་དང་མེ་ཡི་ཁ། །ཞིང་སྐྱོང་མཆོག་གི་ཞལ་ཅན་ཏེ། །མེ་ཡི་གདོང་ཅན་ཞེས་གྲགས་པ། །ཀེང་རུས་
D372.078.0238a01.01བདེ་བ་རིག་པ་པོའོ། །དེ་ཡི་འཕོ་བ་འཛིན་པ་ནི། །རྣལ་འབྱོར་མ་གཉིས་སྤྲོ་བར་བྱེད། །དེ་ཡིས་དེ་འདོད་སྦྱོར་བ་ཡིས། །དཔའ་བོ་གཉིས་མེད་ཡང་དག་བརྟེན། །སེམས་ཅན་རྣམས་ལ་ཕན་དོན་དུ། །རྡོ་རྗེའི་དཀྱིལ་འཁོར་དུ་གནས་ཏེ། །ཀུན་ཏུ་སྤྱོད་པའི་བགྲོད་གཟུགས་ཀྱིས། །
D372.078.0238a02.01ཡུལ་ཐམས་ཅད་དུ་འགྲོ་བ་ཡིན། །ལང་དབང་ཕྱུག་མ་གྱེན་བརྫེས་སྐྲ། །ཞིང་སྐྱོང་གཙིགས་པ་ཆེན་པོ་སྟེ། །གྱེན་བརྫེས་སྐྲ་ཞེས་བཤད་པ་ནི། །ཀེང་རུས་བདེ་བའི་རྒྱུ་ཅན་ཏེ། །རྣལ་འབྱོར་མ་མཆོག་ཁྱད་པར་ནི། །ལྷག་མ་སྔོན་གསུངས་བཞིན་ཤེས་བྱ། །རྣ་བ་གཅུས་དང་
D372.078.0238a03.01དྲག་མོ་སྟེ། །ཞིང་སྐྱོང་བ་ནི་ལུས་ཆེན་ནོ། །དེ་ནས་ཡང་ན་རྒྱུ་ཅན་དང་། །མཆོག་དབང་ཕྱུག་མ་དྲག་ཆེན་པོ། །ཀེང་རུས་བདེ་བའི་སྟོང་པ་ཡིས། །གོ་འཕང་མཆོག་ཏུ་ཤེས་པར་བྱ། །ཞི་བའི་གཟུགས་དང་མེ་དང་ནི། །ཞིང་སྐྱོང་ཨ་ཊྚར་དགོད་པའོ། །མེ་དང་འཁྲུལ་ཆེན་དག་དང་
D372.078.0238a04.01ནི། །སྒྲ་ཆེན་པོར་ཡང་ཤེས་པར་བྱ། །ཀེང་རུས་ཀྱི་ནི་གཏུམ་མོ་ནི། །འབར་བའི་དབུས་སུ་བདེ་བ་ཆེ། །མེ་ཡི་གདོང་དང་བརྩོན་ཆེན་མ། །ཞིང་སྐྱོང་བ་ནི་དྲིལ་བུའི་སྒྲ། །བརྩོན་འགྲུས་ཆེན་མོ་ཞེས་གྲགས་པ། །ཀེང་རུས་བདེ་བའི་འབྱུང་གནས་ཡིན། །དམར་སེར་གྲགས་དང་
D372.078.0238a05.01འཇིགས་མིག་མ། །ཞིང་སྐྱོང་བྱིན་པ་ཆེན་པོ་སྟེ། །འཇིགས་བྱེད་མ་དང་སྤྱན་མ་འམ། །ཀེང་རུས་བདེ་བའི་འགེངས་བྱེད་པའོ། །འཇིགས་ཆེན་མ་དང་སྟོབས་ཆེན་མ། །ཞིང་སྐྱོང་གླང་པོ་ཆེན་པོ་སྟེ། །ཡང་ན་གླང་པོའི་རྣ་མ་དང་། །ཞིང་སྐྱོང་གླང་པོའི་རྣ་ཅན་ཏེ། །ཀེང་རུས་བདེ་བ་
D372.078.0238a06.01ལ་ཞོན་པ། །རྩ་ཐམས་ཅད་དུ་དེའི་རང་བཞིན། །བ་ལང་རྣ་མ་རིའི་རྩེ་མ། །ཞིང་སྐྱོང་འཇིགས་བྱེད་ཆེན་པོ་སྟེ། །དེ་ནས་སླར་ཡང་སྦུག་མའི་བྱིན། །ཀེང་རུས་བདེ་བ་ལ་ཐིམ་པའོ། །བགྲོད་པ་མོ་དང་འཇིགས་ཞལ་མ། །ཞིང་སྐྱོང་བ་ནི་གཙིགས་པ་སྟེ། །རྨོངས་པར་བྱེད་མ་
D372.078.0238a07.01