完整藏文原文 · 德格版页 当前仅加载第 78 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
ན་དེ་བཞིན་དུ། །འཆི་བའི་དུས་སུ་རྣམ་པར་བརྗོད། །དུས་ཀྱི་གྲངས་ནི་མདོར་བསྡུས་ནས། །གོང་དུ་སྔོན་དུ་བཤད་དེའི་ཕྱིར། །བར་གྱི་ཉི་མ་མ་བཤད་གང་། །བཅུ་གཉིས་ཉིད་ཀྱི་གྲངས་ཀྱིས་ནི། །ཆ་ཡི་རིམ་པས་དེ་སྦྱངས་ནས། །བར་ནི་གསལ་བར་བྱེད་
D372.078.0248a01.01པ་ཡིན། །བློ་དམན་རྣམས་ཀྱིས་རྟོགས་དོན་དུ། །དུས་འདི་རྣམས་ནི་རབ་ཏུ་བསྟན། །རྣལ་འབྱོར་མ་རྣམས་ཤིན་ཕྲ་མོའི། །མཐུན་མ་དུས་ནི་བདག་གིས་བཤད། །ལྷ་མོ་དེ་རྣམས་ཀྱིས་ཡིད་ཆེས། །ཁམས་ནི་མཉམ་པ་ཅན་དུ་འགྲོ། །སྣ་ཡི་ཤ་ནི་རྣམ་ཆད་ཅིང་། །སྟེང་
D372.078.0248a02.01བལྟས་མ་ནི་དེ་བཞིན་འབབ། །དེ་ཡི་འཚོ་བར་ཤེས་བྱ་བ། །ཉི་མ་བདུན་ན་ཐེ་ཚོམ་མེད། །མིག་གིས་གོས་ནི་ཡང་དག་ཆད། །གྱེན་ཁ་བལྟས་མ་མཆོག་དེ་བཞིན། །ཆ་ཤས་དགུ་ལ་ཡང་དག་ཞོན། །ལྔས་ལྷག་པ་ན་འཆད་དེ་བཞིན། །གོ་དཱ་བ་རྱ་མཁུར་བ་ཡི། །ངོས་སུ་སྟེང་
D372.078.0248a03.01དུ་འགྲོ་བ་མོ། །ཉི་མ་བཅུ་རུ་ཤེས་བྱ་སྟེ། །ནུབ་གཅིག་གིས་ལྷག་དེ་བཞིན་ནོ། །རྣ་བ་གཡས་ལ་ཡོངས་བརྟེན་ནས། །བཟང་མོ་སྟེང་དུ་ཡང་དག་བརྟེན། །བཅུ་གཅིག་ཆ་ཤས་ལ་ཞོན་ཏེ། །འཆད་པ་{བཅྭ་,བཅོ་}བརྒྱད་ན་དེ་བཞིན། །བཅུ་གཉིས་དེ་བཞིན་དུ་ལྷ་མོ། །ལྕེ་ལ་རི་མོ་ནག་པོ་
D372.078.0248a04.01ཅན། །ལུས་ཅན་ཀུན་གྱི་འཆི་བ་ནི། །ནམ་ཟླའི་མཚན་མོས་ཤེས་པར་བྱ། །བཅུ་གསུམ་སོ་ཡི་བར་དུ་ནི། །གདོང་ནག་མོ་ནི་རེག་དེ་བཞིན། །ནམ་ཟླའི་གྲངས་ཀྱི་ཉི་རྣམས་ཀྱིས། །འབྱུང་པོ་རྣམས་ཀྱི་བགྲོད་པ་ཡིན། །རྒྱུན་དུ་མཆི་མ་འབབ་གང་རྩ། །སྟེང་བལྟས་མར་ནི་རབ་ཏུ་
D372.078.0248a05.01གྲགས། །བཅུ་བཞི་པ་ཡི་དབྱངས་ལ་ཞོན། །བཅུ་ཕྱེད་ཀྱིས་ནི་ཐེ་ཚོམ་མེད། །སྙིང་གའི་གཟེབ་ནི་ཞོམ་པ་དང་། །སྟེང་དུ་ལྟ་མ་དེ་མཆོག་མ། །གསུམ་དང་ལྔ་རུ་མཛེས་ལྷ་མོ། །ཟླ་བ་ཕྱེད་དུ་ཐེ་ཚོམ་མེད། །ལྟེ་བའི་དབུས་སུ་སོན་ལྷ་མོ། །བཅུ་དྲུག་ཆ་བདག་ཅན་ཡོངས་རྫོགས། །
D372.078.0248a06.01སེན་མོའི་ཁྲག་མེད་དེ་བཞིན་ཞག །ཉིན་རྣམས་བཅུ་རུ་ཐེ་ཚོམ་ཟ། །བཅུ་བདུན་པ་ཡི་རྩ་ཡང་ནི། །བརླ་ཡི་སྟེང་དུ་སྐམས་པ་ནི། །ཉི་ཤུ་རྩ་བཞིར་ཡང་དག་གྲགས། །ཉིན་གཞན་ཉིན་ལ་ཐེ་ཚོམ་མེད། །བྱིན་པ་ཟུང་གི་གང་ཞིག་རྩ། །སྟེང་དུ་བལྟས་མ་དེ་བཞིན་མཆོག །{བཅྭ་,བཅོ་}བརྒྱད་
D372.078.0248a07.01