完整藏文原文 · 德格版页 当前仅加载第 78 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བ་ཆེན་པོའི་རང་བཞིན་ཁམས། །དེ་རྣམས་ལས་ནི་སྔོན་དུ་སྐྱེས། །རང་བཞིན་བདག་མེད་གཅིག་པུ་སྟེ། །མཁའ་མཉམ་རྣལ་འབྱོར་གཟུགས་ཅན་ནོ། །རྒྱུ་མཚན་སྐྱེ་བོ་སྒྲོལ་བ་དང་། །སྙིང་རྗེའི་གཟུགས་རང་བཞིན་དུ་བྱུང་། །འདིར་ནི་དགོས་པ་གཉིས་རིག་སྟེ། །ཕྱག་རྒྱ་སྦྱོར་
D372.078.0140b01.01བ་རབ་སྒྲུབ་པའོ། །ཁྱོད་ནི་ལྷ་མོའི་བདག་པོ་སྟེ། །ཀུན་དུ་སྤྱོད་པ་མང་སྤྱོད་པའོ། །སྔགས་ཀྱི་ཕྲེང་བ་བརྗེ་བྱས་ནས། །ཨ་ཡིག་ལ་སོགས་དེའི་ཁྱབ་བདག །ཡང་ན་ཕག་མོའི་རྩ་བ་དང་། །གོ་ཆའི་སྔགས་རྣམས་ཀྱིས་ལྡན་ཏེ། །ཡི་གེ་རེ་རེའི་སྔགས་ཀྱི་ནི། །སྤྱོད་པ་སྡོམ་པར་
D372.078.0140b02.01སོན་པའོ། །རྣལ་འབྱོར་མ་མཆོག་སྐྱེ་བ་ནི། །རྩ་ཡི་མཆོག་གི་གྲོང་དུ་སྟེ། །སྟོང་ཕྲག་བདུན་ཅུ་རྩ་གཉིས་ཀྱི། །དབུས་མ་ཨ་བ་དྷཱུ་ཏཱིའོ། །དབུ་མ་འདི་ལྟར་ཐམས་ཅད་ཀྱི། །ཁྱབ་བྱེད་དུ་ནི་རྣམ་པར་གནས། །དེ་ཕྱིར་ཕག་མོ་གཙོ་མོ་ཡི། །གོ་འཕང་མཆོག་བཞིན་ཤེས་པར་བྱ། །
D372.078.0140b03.01རྡོ་རྗེ་ལ་སོགས་མིང་ཐོག་མར། །ཨ་རྡོ་རྗེ་དང་ཀ་རྡོ་རྗེ། །སྔགས་མཐར་དེ་ལ་སོགས་པ་སྟེ། །ཡང་ན་སོ་སོ་ཐ་དད་དུའོ། །གང་གིས་དུས་སུ་སྔགས་ཟློས་པ། །དེའི་དུས་རྣམས་སུ་རྣལ་འབྱོར་ལྡན། །ལྟེ་བ་སྤྱི་བོ་སྙིང་གྱེན་དུ། །འདི་ལྟར་འགྲོ་དང་འོང་བ་མེད། །དཔའ་བོ་རྣལ་འབྱོར་
D372.078.0140b04.01མ་གཙོ་མོ། །དེ་ནི་བདག་ཉིད་རྣམ་པར་འཕྲོ། །རང་གི་འཁོར་ལྡན་རྣལ་འབྱོར་མ། །ཞིང་དང་ཞིང་རྣམས་སུ་ནི་འགྲོ། །ལྷ་མོ་ཁྱོད་ནི་བདག་པོ་སྟེ། །ང་དང་ལྷན་ཅིག་ཁ་སྦྱོར་རོ། །དུས་དང་དུས་ནི་མ་ཡིན་པར། །ནམ་མཁའི་བུ་གའི་ནང་འདུག་ནས། །དེ་བཞིན་སྐྱེ་གནས་ལམ་
D372.078.0140b05.01འཐོན་ནས། །འཆི་བ་མེད་པའི་ས་བོན་འཛག །དེར་ནི་འཕོ་མེད་ཡེ་ཤེས་བྱ། །ཧིག་ཕྱེད་ཡི་གེས་བསྒོམ་བྱ་སྟེ། །མི་མོ་སྐྱེས་བུའི་དུས་སུ་ཡང་། །མཆོག་ཏུ་ཟག་མེད་མངོན་པར་བྱ། །དེ་བྱུང་བ་ཡི་རིག་མ་ཆེ། །སྒོམ་པའི་བདག་ཉིད་ཀྱིས་བྲིའོ། །ཐོག་མར་རྣམ་སྣང་མགོན་པོ་
D372.078.0140b06.01སྟེ། །རི་མོ་གསུམ་བསྐོར་ལྟེ་འོག་གནས། །ལངས་ནས་མགྲིན་པའི་བར་དུ་འགྲོ། །ས་གསུམ་སྒྲོན་མ་ལྟ་བུར་སོན། །གཞན་པའི་སྔགས་ནི་ས་མཐའ་འདྲ། །དེ་ལས་ཟླ་འབབ་གཡོན་ནས་སོ། །སྔགས་འདི་ཐིག་ལེས་བརྒྱན་པ་སྟེ། །སྔགས་ནི་རྣལ་འབྱོར་མ་བསྐྱེད་པའོ། །
D372.078.0140b07.01