完整藏文原文 · 德格版页 当前仅加载第 78 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། །ཨཿཡིག་རྒྱལ་པོ་དེ་བཞིན་ནོ། །དེ་ལྟར་སྟོང་པ་ཉིད་བཅུ་དྲུག །ལས་རྣམས་ཀྱི་ནི་དག་པའི་རྒྱུ། །མྱོས་དང་བརླབ་གདོལ་རྨོངས་པ་དང་། །སེམས་བྲལ་དང་པོའི་སྟོང་ཉིད་དོ། །རྨོངས་པ་དང་འཁྲུགས་དབང་དང་ནི། །མྱུར་དུ་ཐམས་ཅད་སྟེར་
D372.078.0242a01.01བའོ། །བསམ་བྲལ་བ་དང་མྱོས་པ་དང་། །བརླབ་གདོན་དུ་ནི་བསལ་བའོ། །སྟོང་པ་ཉིད་ཀྱི་ལས་བསྒོམས་པས། །དེ་ནི་རྨུགས་དང་དབང་དུ་འོང་། །ཡང་དག་རྨོངས་དང་རྣམ་རྨོངས་འགྱུར། །ལུས་བརླན་པ་དང་སེམས་པ་བྲལ། །དབང་དུ་འོད་དང་དགུག་པ་
D372.078.0242a02.01དང་། །ཡེ་ཤེས་ཤེས་བྱ་ཅན་མཆོག་གོ། །བསྐྲད་པ་དང་ནི་བཞུ་བའི་ལས། །རྣམ་པ་བདུན་དུ་འདོད་པ་ཡིན། །ས་ཡི་ཟིལ་གནོན་འཛིན་བཞིན་དང་། །བསྔགས་མིན་པ་དང་རྨོངས་པའི་སེམས། །སྐྱེ་བ་འདི་ལ་ནམ་དུ་ཡང་། །དེ་ཡི་སླར་ཡང་འོང་མིན་པའོ། །རྣམ་པར་
D372.078.0242a03.01སྡང་དང་ཐམས་ཅད་ཀྱི། །འཇིག་རྟེན་གྱིས་ནི་སྨོད་པའོ། །འཇིག་རྟེན་ཀུན་དང་མཐུན་མེད་ལ། །སྐད་ཅིག་གནས་པ་སྤངས་པའོ། །ཡིད་ཀྱི་ལས་ནི་ཐམས་ཅད་རྣམས། །དེ་ཕྱིར་འཇིག་རྟེན་གསུམ་གང་འགྱུར། །བདེ་བ་ཁ་ཡིས་བཀུག་བྱས་ནས། །དབུགས་མེད་རི་མོ་
D372.078.0242a04.01འཛག་པ་ནུབ། །ཕྱི་མོའི་ཡལ་ག་རྣམས་ཀྱིས་བྱ། །དམ་ཚིག་དབང་ཕྱུག་མའི་གནས་ཀྱིས། །ཕྱག་རྒྱ་ཆེན་པོའི་རང་བཞིན་ནི། །གཉིས་སྟོང་མཆོག་ཏུ་ཟག་པ་མེད། །སངས་རྒྱས་རི་མོ་སྟེང་འོག་ཏུ། །པདྨའི་སྣལ་ཅན་རབ་ཏུ་གནས། །ཨཱ་ལི་ཀཱ་ལི་མདོར་བསྡུས་པ། །བཅུད་
D372.078.0242a05.01ལེན་ཁམས་ཀྱི་ལུས་ལས་སོ། །རྡོ་རྗེ་སེམས་དཔའ་ལ་སོགས་ལྷ། །ཞལ་དུ་ཡོངས་སུ་འགྱུར་བའོ། །དེ་ཡི་འོག་དང་གང་གཞན་དུ། །ཡི་གེ་ཐམས་ཅད་ངེས་པར་གནས། །སོ་སོར་སྣང་བ་མ་བྱུང་བར། །སྲུང་བ་གྱིས་ཞེས་བདག་གིས་བཤད། །སེམས་ནི་རྗེས་མཐུན་དབྱངས་
D372.078.0242a06.01སུ་འགྱུར། །སེམས་ནི་སྟོང་པའི་རང་བཞིན་ཅན། །ཟླ་གཉིས་ཡང་དག་སྦྱོར་བ་ནི། །ཕྱག་རྒྱ་མཆོག་ཏུ་མི་འགྱུར་བའོ། །དེ་ལྟར་ཁམས་ཀྱི་རང་བཞིན་ཀྱང་། །ཇི་ལྟར་འདོད་པའི་ལས་བྱའོ། །སླར་ཡང་ཐམས་ཅད་བྱེད་པ་ཡི། །སྟོང་པ་ཉིད་ནི་སོ་སོར་དགོད། །ཐོག་མ་གཉིས་ནི་
D372.078.0242a07.01