德格《甘珠尔》D372

མཁའ་གཙོ་བོ་ཡིན། །དབུགས་ནི་སྦ་བ་བྱས་ནས་ནི། །སླར་ཡང་ཨོ་ཌྱན་ཀུན་དུ་འགྲོ། །ས་གསུམ་པོ་ཡི་རིས་སུ་ནི། །གཟུགས་ཀྱི་གཙོ་མོ་བསྒོམ་པར་བྱ། །ཡིད་ནི་ནང་དུ་ཆུད་པ་ཡིས། །འདོད་པའི་དངོས་གྲུབ་བསྒོམ་པར་བྱ། །སླར་ཡང་རྡོ་རྗེ་ཕག་མོ་

ཡི། །རྣལ་འབྱོར་པ་ཡིས་རིགས་ལྡན་མཆོད། །ལྷ་རྫས་མི་ཡི་བདེ་བ་ནི། །བསྡུས་བྱས་པ་བས་དེ་མཆོག་གོ། །མ་མོའི་གྲོང་ཁྱེར་ཉམས་དགའ་བ། །འགྲོ་བའི་གཙོ་བོ་བསྒོམ་པར་བྱ། །འདི་འདྲའི་དུས་ཀྱིས་ཡེ་ཤེས་ནི། །མཁས་པས་ཨ་བ་དྷཱུ་ཏཱིའི་ནང་དུའོ། །རྣལ་འབྱོར་

པས་བསྒོམས་སེམས་བདག་ཉིད། །སྟོང་པ་ཉིད་གཟུགས་དམིགས་པ་ཅན། །དེ་ཡིས་ཐམས་ཅད་རིག་བྱས་ནས། །སྒྱུ་འཕྲུལ་དྲ་བའི་རང་མཚན་ཉིད། །དཔའ་བོ་ཐམས་ཅད་མཉམ་སྦྱོར་ལས། །རྡོ་རྗེ་སེམས་དཔའ་བདེ་བའི་མཆོག །རྡོ་རྗེ་མཁའ་འགྲོ་དེ་བཞིན་གཤེགས། །བཅོམ་

ལྡན་བདག་པོས་འདི་གསུངས་སོ། །དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་ལས་ཤིང་གྲིབ་མའི་རང་གི་མཚན་ཉིད་ཀྱི་ཕྱག་རྒྱའི་བརྡའི་ཆོ་གའི་ངེས་པ་ཞེས་བྱ་བ་སྟེ་ལེའུ་སུམ་ཅུ་རྩ་གསུམ་པའོ།། །།དེ་ནས་བཅོམ་ལྡན་འདས་བདག་

པོས། །རྡོ་རྗེ་མཁའ་འགྲོ་ཁྱབ་བདག་ཆེ། །ཕྱག་རྒྱ་ཡང་དག་རིག་པའི་གཟུགས། །ཇི་ལྟའི་རིགས་པས་བསྟན་དུ་གསོལ། །ཕྱག་རྒྱ་བཞི་ཡི་རབ་སྦྱོར་བས། །རེ་རེ་ལ་ནི་དགུ་དགུ་སྟེ། །ལས་དང་ཆོས་དང་དམ་ཚིག་དང་། །ཕྱག་རྒྱ་ཆེན་པོ་བཞི་པ་ཡིན། །པད་རྩ་ལྟར་དཀར་བུད་

མེད་གང་། །པདྨའི་དྲི་ནི་གཏོང་བ་ཡིན། །པདྨ་དང་ནི་ཨུཏྤལ་དྲི། །ཁ་དོག་ཙམྤ་ཀ་ཡི་ཡིན། །ཛ་ཏི་དང་ནི་ཙམྤའི་དྲི། །དེ་ཡི་གཟུགས་དང་མདོག་འཛིན་མའོ། །ག་པུར་དང་ནི་ཙནྡན་དྲི། །པདྨ་དཀར་པོའི་པགས་ཅན་མའོ། །{རི་དགས་,རི་དྭགས་}ལྟེ་བ་དང་མཉམ་དྲི། །ཨུཏྤལ་སྔོན་

པོའི་མདོག་ཅན་མའོ། །ཨུཏྤལ་སྔོ་འདབ་ལྗང་གུ་ལ། །དྲི་ནི་དེ་ཉིད་ཀྱིས་མཚོན་བྱ། །མལླི་ཀ་དང་ཨུཏྤལ་དྲི། །མུ་མེན་དང་ནི་མཚུངས་མའོ། །ཀེ་ཏ་ཀ་ཡི་དྲི་ཤེས་བྱ། །དམར་པོ་བན་དྷུ་ཀ་ལྟ་བུའོ། །པ་ཊ་ལི་མལླི་ཀའི་དྲི། །སླར་ཡང་ནམ་མཁའི་ཁ་དོག་གོ། །དེ་ལྟར་ལས་ཀྱི་