完整藏文原文 · 德格版页 当前仅加载第 78 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
པ་སེང་གེ་ལ། །ནུབ་མོ་འཆི་བར་ཤེས་བྱ་སྟེ། །གལ་ཏེ་བརྒྱ་བྱིན་མཉམ་གྱུར་ཀྱང་། །བུ་མོ་ཉི་མར་གུལ་མས་འཆི། །ས་ག་དང་ནི་བཅུ་བཞི་དང་། །གཞུ་དང་ཕུར་བུའི་རེ་མོ་དང་། །གལ་ཏེ་སངས་རྒྱས་མཉམ་གྱུར་པ། །སྲང་ལ་འཆི་བར་ཤེས་པར་བྱ། །སྣྲོན་དང་བཅུ་གཅིག་ནག་
D372.078.0246b01.01པ་དང་། །ཕུར་བུ་སྡིག་པ་ལ་འཆིའོ། །ཆུ་སྟོད་ཆུ་སྨད་ཚེས་དགུ་དང་། །གྲོ་བཞིན་གཞུ་དང་པ་སངས་འཆི། །གྲོ་བཞིན་ཚེས་བདུན་ཟླ་བ་དང་། །རྒྱལ་དང་ཆུ་སྲིན་ལག་ནོར་མེད། །ཁྲུམས་སྟོད་ཁྲུམས་སྨད་བཅུ་གསུམ་པ། །ཟླ་བ་མོན་གྲེ་བུམ་པས་འཛད། །ཐ་སྐར་བརྒྱད་པ་ནམ་གྲུ་
D372.078.0246b02.01དང་། །སྤེན་པ་དང་ནི་ཉ་ལ་འཆི། །སེམས་ཅན་ཀུན་གྱི་སྐྱེ་བའི་རྩིས། །དུས་སྨྲ་བས་ནི་ཤེས་པར་བྱ། །ས་བོན་གཅིག་ལས་སྐྱེས་ཡོན་ཏན། །གཉིས་པ་སྐྱེ་བའི་དུས་ཀྱིས་སོ། །རིགས་གཉིས་སུ་ནི་ཤེས་བྱས་ནས། །དེའི་དུས་སྐྱེ་རྩིས་བརྩམ་པར་བྱ། །སྔོན་ལས་རྣམ་པ་སྣ་
D372.078.0246b03.01ཚོགས་ཀྱིས། །མཁས་པས་དེའི་རིགས་སུ་སྐྱེའོ། །དེ་ཡི་འབྲས་བུ་ཤེས་བྱ་སྟེ། །མཚན་ཉིད་ཀྱིས་ནི་རྗེས་སུ་གནས། །རཱ་སི་སོགས་འཁོར་འབྲེལ་པ་དེ། །རྣམ་ཤེས་ཀུན་གྱི་མཚན་ཉིད་དོ། །འོད་དཔག་མེད་ཀྱི་རབ་སྦྱོར་བས། །དཀྱིལ་འཁོར་གསལ་བར་བསྒོམ་པར་བྱ། །
D372.078.0246b04.01དབུས་སུ་འོད་དཔག་མེད་མགོན་པོ། །ལྷག་མར་མཁའ་འགྲོ་མ་སོགས་སོ། །དེ་ནི་རྣམ་ཤེས་སྐྱེ་གསལ་བར། །ལས་ཀྱི་འབྲས་བུ་དེ་དྲན་བྱ། །ཐམས་ཅད་བདེ་བ་ཀུན་སྦྱོར་ལས། །དེ་ཚེ་གཉིས་མེད་ལ་བརྟེན་པའི། །འོད་དཔག་མེད་ཀྱི་སྦྱོར་ལྡན་པ། །བཅོམ་ལྡན་སྟོན་པས་
D372.078.0246b05.01འདི་གསུངས་སོ། །ཞེས་བྱ་བ་ནི་འོད་དཔག་མེད་ཀྱི་ཆོ་ག་སྟེ་རབ་ཏུ་བྱེད་པ་དྲུག་པའོ།། །།རྡོ་རྗེ་འོད་ཀྱི་རབ་སྦྱོར་བས། །ཡེ་ཤེས་དེ་ཁོ་ཉིད་བཤད་བྱ། །ལྷ་མོས་སླར་ཡང་མཆོད་བྱས་ནས། །དེ་ཁོ་ན་ཉིད་ཡེ་ཤེས་ཞུས། །སེམས་ཅན་རྣམས་ཀྱི་རྣམ་ངེས་པས། །འཆི་བའི་
D372.078.0246b06.01མཚན་ཉིད་གང་འདྲ་བ། །དེ་འདྲ་བདག་གིས་བཤད་བྱ་ཡིས། །རྩེ་གཅིག་པ་ཡི་ཡིད་ཀྱིས་ཉོན། །ལུས་ལ་རྩ་རྣམས་མཚན་མ་ནི། །དེ་རྣམས་ཇི་ལྟར་གསལ་བར་དབྱེ། །རྩ་ཆེན་སུམ་ཅུ་རྩ་གཉིས་ཏེ། །དེ་རྣམས་ཀྱི་ནི་གཙོ་བོ་མཆོག །བཅུ་གཉིས་དེ་བཞིན་དུ་ལྷ་མོ། །དབྱངས་
D372.078.0246b07.01