完整藏文原文 · 德格版页 当前仅加载第 78 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ངེས་པར་དབུས་མའི་རྣལ་འབྱོར་གྱིས། །འགྲུབ་འགྱུར་འདི་ལ་ཐེ་ཚོམ་མེད། །སྐུ་གསུང་ཐུགས་ཀྱི་རྡོ་རྗེའི་བདག །ཐམས་ཅད་ལུས་ཀྱི་རང་བཞིན་ཅན། །གཟུགས་ཐམས་ཅད་ཀྱི་ནང་བཞུགས་པ། །བཅོམ་ལྡན་གཟུགས་ཀྱིས་འདི་གསུངས་སོ། །ཞེས་བྱ་བ་
D372.078.0251a01.01ནི་རྡོ་རྗེ་སྐུའི་ཆོ་ག་སྟེ་རབ་ཏུ་བྱེད་པ་བརྒྱད་པའོ།། །།དེ་ནས་འདིར་ནི་བདེ་རྒྱལ་པོ། །རྣལ་འབྱོར་མ་ཡིས་སད་མཛད་ནས། །ངག་འདི་ཡིས་ནི་འདྲི་བར་མཛད། །བློ་གྲོས་ཆེན་པོ་དུས་ཅི་ལགས། །ཀྱེ་རྣལ་འབྱོར་མ་རྣམས་ཁྱེད་ཉིད་དུས། །མྱུ་གུ་ཅན་གྱིས་སྐྱེས་
D372.078.0251a02.01པའོ། །སྣ་ཚོགས་ས་བོན་སེམས་ཆེན་པོ། །མྱུ་གུ་ཅན་གྱི་སྦྱོར་བས་བཤད། །གཟའ་དང་རྒྱུ་སྐར་ཚེས་གྲངས་ནི། །སེམས་ཀྱི་དུས་སུ་མངོན་པར་བརྗོད། །གཟུགས་མེད་གྲངས་ནི་དེ་ཡི་དུས། །རྣལ་འབྱོར་རྣམས་ཀྱི་བདེ་བའི་རྒྱུ། །འཇིག་རྟེན་གྱི་ནི་དུས་ཙམ་དུ། །ཐུབ་པ་སྐྱེས་མཆོག་
D372.078.0251a03.01རྣམས་ཀྱིས་གསུངས། །དེ་ཚེ་མྱུ་གུ་ཅན་བསྒོམ་པ། །ས་བོན་ས་བོན་གྱི་མཚན་ཉིད། །མྱུ་གུ་སེམས་ཀྱི་གཟུགས་ཅན་ཏེ། །སེམས་ལས་བྱུང་བ་མྱུ་གུ་ཅན། །རྒྱུ་སྐར་རཱ་སི་གཟའ་སོགས་པས། །གང་ཞིག་ཏུ་ནི་མྱུ་གུ་སྐྱེས། །དེ་ཡིས་མྱུ་གུ་ཅན་ངེས་བྱ། །རང་བཞིན་རང་བཞིན་དུ་སྦྱང་
D372.078.0251a04.01བྱ། །དགེ་བའམ་ནི་མི་དགེ་ཀུན། །ཚེས་གྲངས་རྒྱུ་སྐར་གཟའ་འཆར་བ། །དེ་རྣམས་ཐམས་ཅད་དུས་རྣམས་སུ། །ཐམས་ཅད་བདེ་བདག་ཉིད་སྐྱེས་སྒོམ། །རོ་ཀྲྀ་མ་ནི་རྙེད་བྱེད་པའོ། །མ་བྷ་མ་ནད་འཇོམས་པས་སྤོང་། །ཀུ་སྭ་ཨཱ་དུས་བྱེད་གཟུགས་སུ་སྟེ། །ཚེས་གྲངས་དེ་ནི་
D372.078.0251a05.01ཡོངས་སུ་སྤང་། །མོ་བུ་མོ་བཟང་དང་བཀྲ་ཤིས་སོ། །ར་བུ་ཨཱ་འཇོམས་པར་བྱེད་པའོ། །བྷུ་བུ་བྷ་དུས་ཀྱི་གཟུགས་ཀྱིས་སོ། །བྷ་པཱུ་གུ་རྙེད་པ་བྱེད་པའོ། །མི་གུ་དྷ་ནོར་ལ་སོགས་པར་འཛད། །ཏྲ་གུ་ཨ་དུས་ཀྱི་གཟུགས་ཅན་ནོ། །བྲྀ་ཤུ་པཱུ་དགེ་བ་རྣམས་བྱེད་དོ། །བྷི་ཤུ་པཱུ་ནད་དང་
D372.078.0251a06.01འཇོམས་པ་ཡིན། །བྷུ་བྷ་ཤུ་གཤིན་རྗེའི་མཆེ་ཅན་ནོ། །ཀཱུ་མ་ཀྲི་གྲགས་དང་བསོད་ནམས་འཐོབ། །བྱཱ་མ་ཨཱ་གདུང་བ་བྱེད་པའོ། །པཱུ་ར་མ་འཆི་བའི་དུས་ཅན་ནོ། །མེའི་གདན་ཅན་དུ་མི་ཀི་ར། །སླར་ཡང་གཤིན་རྗེར་རཎྜ་སྤང་། །སྲིན་པོར་བཅུ་ལྔ་པ་ཉིད་དང་། །ཁྱུ་མཆོག་ཆུ་
D372.078.0251a07.01