完整藏文原文 · 德格版页 当前仅加载第 78 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་རྒྱར་འགྱུར། །ཆོས་ཀྱི་ཕྱག་རྒྱ་བཤད་པར་བྱ། །བདེ་གཤེགས་ཚོགས་པ་ལ་དགའ་བ། །མཐར་སྐྱེས་རྣལ་འབྱོར་མ་མཆོག་ཡིན། །བསམ་གཏན་བཟླས་ལ་རྒྱུན་དུ་དགའ། །བྲམ་ཟེ་མོ་རུ་རབ་ཏུ་བཤད། །རྟག་ཏུ་ཁྲུས་དང་གཙང་སྦྲ་དགའ། །རྗེའུ་རིགས་ཀྱི་ནི་བུད་མེད་
D372.078.0209b01.01དོ། །རྣམ་རྟོག་མེད་བདག་ཉིད་ནི་མོ། །རྟུལ་ཅིང་དཔའ་བོ་ལ་རྩེ་ཞིང་། །རྒྱལ་རིགས་ཀྱི་ནི་རང་བཞིན་ཏེ། །འདི་ནི་མཆོག་ཏུ་གཏམ་དགའ་མའོ། །ལས་ལ་ཡོངས་སུ་རྩེ་བ་སྟེ། །དམངས་རིགས་ཀྱི་ནི་རྣལ་འབྱོར་མའོ། །བདེ་གཤེགས་འདུས་ལ་རྗེས་སུ་ཆགས། །མཆོག་ཏུ་
D372.078.0209b02.01མཐུན་མའི་རྣལ་འབྱོར་མའོ། །མཁས་པ་ཡི་ནི་ཕྱོགས་སུ་གཞོལ། །ཆོས་ཀྱི་གནས་སུ་ཁྲོ་མེད་མའོ། །དཔའ་བོ་ཡི་ནི་རིགས་སུ་སྐྱེས། །རྟག་པར་ཤ་ནི་ཟ་མ་ཡིན། །བདེ་བར་གཤེགས་པའི་ལམ་སྲུང་མ། །བྱང་ཆུབ་སེམས་དཔའི་བསམ་པར་བྱེད། །ཁྲོ་བ་རྣམས་ལ་མི་
D372.078.0209b03.01ཁྲོ་ཞིང་། །མཉེས་པར་བྱེད་པའི་ཁུར་ཁྱེར་མའོ། །དེ་ལྟར་ཆོས་ཀྱི་ཕྱག་རྒྱ་སྟེ། །དམ་ཚིག་ཕྱག་རྒྱ་མངོན་བརྗོད་བྱ། །གཏོར་མ་མཆོད་པ་ལ་དགའ་མ། །དམ་ཚིག་ཅན་དུ་དེ་མངོན་བརྗོད། །རབ་གནས་དཀྱིལ་འཁོར་འཁོར་ལོ་དང་། །དོན་དམ་པ་ལ་དགའ་བ་མའོ། །འགྲོ་བ་
D372.078.0209b04.01རྣམས་ལ་དབང་བསྐུར་མ། །རྣལ་འབྱོར་དམ་ཚིག་ཅན་མར་གྲགས། །ཆོས་ཀྱི་འཁོར་ལོ་རབ་བསྐོར་ཞིང་། །རྟག་ཏུ་དམ་ཚིག་སྐྱོང་མའོ། །རྣལ་འབྱོར་མ་ཡི་ཚོགས་དབུས་སུ། །མཆོག་ཏུ་རྨད་བྱུང་རྩེན་མའོ། །དུས་ཐམས་ཅད་དུ་དགའ་དང་བཅས། །རབ་ཏུ་རྒྱས་
D372.078.0209b05.01པའི་བཞིན་བྱེད་མའོ། །རྣལ་འབྱོར་པ་རྣམས་བུ་བཞིན་སྣང་། །རྡོ་རྗེ་རྣལ་འབྱོར་མར་དེ་ཤེས། །དུས་ཀུན་དུ་ནི་དུབ་མེད་མ། །མཚོན་ཆ་འབེབས་པའི་མིང་ཅན་མའོ། །མི་མོ་རྟག་ཏུ་འགྲོ་བཞིན་དུ། །དམ་ཚིག་བརྡ་ནི་སྐྱོང་མ་སྟེ། །དེ་ལྟར་དམ་ཚིག་ཕྱག་རྒྱ་ཡིན། །ཕྱག་རྒྱ་ཆེན་
D372.078.0209b06.01མོར་རབ་བཤད་བྱ། །ལྷན་སྐྱེས་ཞིང་སྐྱེས་ལྷ་མོ་དང་། །སྔགས་སྐྱེས་འཇིག་རྟེན་མགོན་པོ་དང་། །སྦྱོར་སྐྱེས་གནས་སྐྱེས་དེ་བཞིན་དུ། །དམ་ཚིག་ལྷ་རྫས་རྣལ་འབྱོར་མ། །པད་ཅན་མ་ནི་དུས་ཀུན་དུ། །ཕྱག་རྒྱ་ཆེན་པོ་རབ་བསྔགས་པའོ། །དེ་ལྟར་ཕྱག་རྒྱའི་རང་བཞིན་ཏེ། །
D372.078.0209b07.01