完整藏文原文 · 德格版页 当前仅加载第 78 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
པ་པོ་ཡིས་བྱ་བ་ཡིན། །དཔའ་བོ་ཐམས་ཅད་མཉམ་སྦྱོར་ལས། །རྡོ་རྗེ་སེམས་དཔའ་བདེ་བའི་མཆོག །རྡོ་རྗེ་མཁའ་འགྲོ་དེ་བཞིན་གཤེགས། །བཅོམ་ལྡན་བདག་པོས་འདི་གསུངས་སོ། །ཞེས་བྱ་བ་ནི་དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་
D372.078.0194a01.01པོ་ཆེན་པོ་ལས་རྟ་མཆོག་ལ་སོགས་པའི་གོ་ཆའི་སྲུང་བའི་ཆོ་གའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་གཏོར་མའི་དེ་ཉིད་བཤད། །མཐར་གྱིས་ཇི་ལྟ་བ་བཞིན་ནོ། །ཆོས་འབྱུང་དབུས་སུ་སོན་པར་ནི། །ཇི་ལྟའི་ཆོ་གས་གཏོར་མ་སྦྱིན། །རྣལ་འབྱོར་དབང་ཕྱུག་མཁའ་འགྲོའི་
D372.078.0194a02.01གཟུགས། །སླར་ཡང་གོ་ཆ་སོགས་པས་བསྲུང་། །དེའི་ཡང་ཏིང་ངེ་འཛིན་དམིགས་བྱ། །པདྨའི་སྣོད་ནི་གཞག་བྱ་སྟེ། །ཕྱི་དང་ནང་བདག་ཉིད་དུ་བྱ། །ཨ་བ་དྷཱུ་ཏཱིར་སྐྱེ་གནས་འདྲི། །ལྟེ་བའི་འོག་དང་སྟེང་བུ་ག །པདྨའི་སྣོད་དུ་བརྟག་པར་བྱ། །ནམ་མཁའ་ལྔ་ཡི་བདུད་རྩི་ནི། །ཐམས་ཅད་
D372.078.0194a03.01རོ་མཉམ་པར་བྱའོ། །ཕུང་པོ་གེ་ཀུ་ད་ཧ་ན། །སྐྱེ་མཆེད་རྣམས་ནི་ཤ་ཀུན་ཏེ། །སྦར་བ་བདེ་བའི་སེམས་ཀྱིས་ཏེ། །འདོད་ཆགས་མེ་ཡིས་བསྲོ་བའོ། །སྦྱང་བ་མཆོག་ནི་བདག་ཉིད་ལའོ། །སླར་ཡང་བདུད་རྩིར་བྱེད་པ་སྟེ། །བསམ་གཏན་ཕྱག་རྒྱ་རྒྱུན་དུ་དེར། །སྐུ་གསུམ་དུ་ནི་བྱིན་གྱིས་བརླབ། །
D372.078.0194a04.01སྔགས་དང་ཕྱག་རྒྱའི་སྦྱོར་བ་ཡིས། །མཁའ་འགྲོ་མ་རྣམས་སྤྱན་དྲང་བྱ། །རྩེ་མོ་མདུད་བྱས་ངེས་པར་ནི། །གུང་མོ་རྩེ་སྦྱར་མཐེབ་རྡོ་རྗེ། །བརྟན་པར་ཡང་དག་བཙིར་བྱས་ནས། །དཔྲལ་བའི་ཕྱོགས་སུ་ཡོངས་བཞག་པས། །བཟླས་ཤིང་བསྐྱར་བས་འཁོར་བར་བྱ། །རྐང་པ་མནན་ཅིང་སྟེང་དུ་
D372.078.0194a05.01བལྟ། །སྔགས་པས་དེ་བྱས་པ་མཆོག་སྟེ། །སྤྱི་བོར་ཕེ་ཡིག་སྒྲ་ཡིས་ནི། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་དགུག །གཡོན་དང་གཡས་པའི་སྦྱོར་བ་ཡིས། །སྙིང་གར་ཕྱག་རྒྱ་སྦྱིན་པར་བྱ། །གཡོན་དང་གཡས་པའི་ལག་གཉིས་ཀྱིས། །
D372.078.0194a06.01བསྐོར་བ་མཁའ་འགྲོ་མའི་དེ་བདེ། །ཨོཾ་ཨཱ་ར་ལླི་ཧོ། ཛཿཧཱུྃ་བྃ་ཧོཿ། བཛྲ་ཌཱ་ཀ་ཌཱ་ཀི་ནྱཱ་ས་མ་ཡ་སྟྭྃ་དྲྀ་ཤྱ་ཧེཿ། རྡོ་རྗེ་ཐལ་མོ་གྱེན་ལ་ཕྱེ། །མཚན་མོ་ཕྱེད་ན་གཏོར་མ་སྦྱིན། །ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཱཀྵ་ས་བྷཱུ་ཏ་པྲེ་ཏ་པི་ཤཱ་ཙོནྨཱ་དཱ་པ་སྨ་ར་ཌཱ་ཀ་ཌཱ་ཀི་ནྱཱ་ད་ཡ་ཨི་མྃ་བ་གྲཱི་ཧྞནྟུ་སརྦ་སིདྡྷིམྨེ་པྲ་ཡཙྪན་ཏུ་ཡ་ཐཻ་བྃ་
D372.078.0194a07.01