完整藏文原文 · 德格版页 当前仅加载第 78 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་ཉིད་དུ་འགྲོ། །ཨཻ་ཡི་ཡི་གེ་སེམས་རྨོངས་ཞིང་། །འགྲོ་བ་དྲུག་སོགས་འཇིགས་པར་འགྱུར། །ཨོ་ཡིག་ཕ་རོལ་ཕྱིན་པ་ཡི། །དེར་ནི་ས་འཐོབ་རྣམ་དེས་སྟོན། །ཨཽ་ཡི་ཨང་ཀ་ཐོབ་པ་ཡིས། །དམ་ཚིག་ཉམས་པར་འགྲོ་བ་
D372.078.0236a01.01ཡིན། །ཨཾ་ཡིག་བྱང་ཆུབ་སེམས་དཔའ་རྣམས། །མཐོང་བས་སྐད་ཅིག་ལ་གྲོལ་འགྱུར། །ཨཿཡིག་ཡང་དག་ཐོབ་པ་ཡིས། །ཕུང་པོ་ཁམས་ལ་ཐེ་ཚོམ་ཟ། །དེ་ལ་སོགས་པ་མ་ལུས་པ། །མ་གསུངས་ཀྱང་ནི་བསྒྲུབ་པར་བྱ། །བླ་མ་བསྟན་བཅོས་རང་ཉིད་དེ། །རྣམ་
D372.078.0236a02.01གསུམ་ཆོས་ཀྱིས་ཡིད་ཆེས་བྱ། །ཞེས་བྱ་བ་ནི་ཐོད་པའི་དུམ་བུ་ཅན་གྱི་རྣལ་འབྱོར་གྱི་མཚན་ཉིད་ཀྱི་སྒྲུབ་པའི་ཐབས་དང་དཀྱིལ་འཁོར་གྱི་འཁོར་ལོའི་སྒྲུབ་ཐབས་ཀྱི་མིང་ཅན་ཏེ་ཐོག་མའི་ཚིག་གོ། །རབ་ཏུ་བྱེད་པ་དང་པོའོ།། །།དེ་ནས་ཀེང་རུས་ཆེན་པོ་ཡི། །མཚན་ཉིད་
D372.078.0236a03.01བདག་གིས་བཤད་བྱ་སྟེ། །བོང་འདྲའི་རྣལ་འབྱོར་བདག་ཉིད་ཀྱིས། །ཡིད་ཀྱི་ཤུགས་ནི་འཇུག་མེད་བྱ། །ཁམས་མཉམ་པ་ཡི་རི་བོ་ནི། །སྤྱི་བོའི་གནས་སུ་བསྒོམས་པ་ཉིད། །པད་སྣལ་སྐུད་པ་ཁ་འོག་བལྟས། །གློག་ནི་ཀུན་དུ་འགྲོ་བ་མོ། །དེ་ཡི་དབུས་སུ་དཔའ་མོ་ཆེ། །
D372.078.0236a04.01བོང་བུའི་དབྱིབས་ཅན་བསྒོམ་པར་བྱ། །དཀྱིལ་འཁོར་ཐམས་ཅད་ཡང་དག་རྫོགས། །མཆོད་པ་ཆེན་པོ་བསམ་པར་བྱ། །དེ་ཡི་དབུས་སུ་དཔའ་ཆེན་པོ། །ཀེང་རུས་ཆེན་པོའི་སྦྱོར་བས་སོ། །སྐུད་པ་རྣམས་ཀྱིས་ལྟེ་དབུས་སུ། །སྲུབ་དང་བསྲུབ་པའི་སྦྱོར་བ་དག་ཉིད། །ཧཱ་ཡིག་
D372.078.0236a05.01རྣམ་པ་ཡི་ནི་གཟུགས། །མགོ་ལས་སྐུད་པ་གཅིག་པོ་སྟེ། །མེ་ལོང་རྣམ་པའི་སེམས་ཀྱིས་ནི། །ཐོད་པའི་དབུས་སུ་ངལ་བསོ་བྱ། །བུམ་པའི་བདུད་རྩིའི་རྒྱུན་རྣམས་ཀྱིས། །ཁུང་བུའི་དབུས་སུའང་འཛག་པར་འགྱུར། །ཐིམ་དང་ལོངས་སྤྱོད་སོགས་དངོས་པོས། །སེམས་
D372.078.0236a06.01ཀྱི་བགྲོད་པ་བསྟན་པར་བྱ། །ཁུང་དེར་བོང་བུའི་རྣལ་འབྱོར་གྱིས། །སྐྱེ་བ་བདུན་ཡང་མཐོང་བར་འགྱུར། །མ་ལས་བྱུང་བའི་དབྱིབས་གསུམ་དང་། །ཕ་ལས་བྱུང་བ་གསུམ་དེ་བཞིན། །ཁམས་ཐམས་ཅད་དང་བདུན་པོ་དེ། །རྣལ་འབྱོར་བསྒོམས་པས་མཐོང་བར་འགྱུར། །
D372.078.0236a07.01