完整藏文原文 · 德格版页 当前仅加载第 78 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ནོ། །རྣལ་འབྱོར་མ་ལ་མཆོད་བྱ་ཞིང་། །དཔའ་བོ་རྣམས་ལ་རྗེད་པར་བྱ། །གང་ཞིག་གང་སློང་ལ་ཡང་དག །དེ་ཕྱིར་དེ་རྣམས་ལ་ངེས་སྦྱིན། །དཔའ་བོ་ཐམས་ཅད་མཉམ་སྦྱོར་ལས། །རྡོ་རྗེ་སེམས་དཔའ་བདེ་བའི་མཆོག །རྡོ་རྗེ་མཁའ་འགྲོ་
D372.078.0166a01.01དེ་བཞིན་གཤེགས། །བཅོམ་ལྡན་བདག་པོས་འདི་གསུངས་སོ། །ཞེས་བྱ་བ་ནི་དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་ལས་གཤིན་རྗེ་ཕོ་ཉ་མོ་སྐྱེད་པ་ལ་སོགས་པའི་མཚན་ཉིད་དང་འཆི་བ་བསླུ་བའི་འཁོར་ལོ་བསྒོམ་པའི་མན་ངག་མདོར་བསྡུས་པ་སྟེ་ལེའུ་
D372.078.0166a02.01བཅུ་གཉིས་པའོ།། །།དེ་ནས་གཤིན་རྗེ་མཆེ་གཙིགས་མ། །བཤད་ཀྱིས་ད་ནི་མཉན་པར་གྱིས། །སེམས་ཅན་རྣམས་ཀྱི་བག་ཆགས་ཀྱི། །སྐྱོན་གྱིས་གུར་ལ་འབིགས་དང་བསྲེག །གང་ཞིག་གང་ལ་ལས་བྱས་པས། །དེ་ཡི་དུས་སུ་འབིགས་པར་
D372.078.0166a03.01འདོད། །བརྒྱད་ཅུ་རྩ་བཞིའི་གནད་རྣམས་ནི། །གང་དང་དེར་ནི་གནས་རྣམས་ཀྱང་། །འདི་རྣམས་དབུས་སུ་བྱ་བ་སྟེ། །དགེ་དང་དམན་པ་མཚོན་པར་བྱ། །མི་དགེ་བ་ནི་འཆིར་དོགས་པས། །གནད་དུ་ན་བས་མཚོན་པར་བྱ། །གལ་ཏེ་དུས་ནི་གཅིག་ལ་ནི། །རྐན་གསུམ་
D372.078.0166a04.01དུ་ནི་གཟེར་བ་ན། །དེ་ཚེ་ཞག་གསུམ་ན་འཆི་བར། །རིག་བྱ་འདི་ལ་ཐེ་ཚོམ་མེད། །རྐང་པའི་བྲང་བར་གཟེར་བ་དང་། །གལ་ཏེ་ལྟེ་བར་གཟེར་བ་ན། །ལྷ་མོ་ཞག་གཉིས་ན་འཆི་བར། །སྐྱེ་བོ་རྣམས་ནི་འགྱུར་བའོ། །རྐང་པ་གཉིས་ཀྱི་བྲང་མཐིལ་དང་། །གལ་ཏེ་མིག་
D372.078.0166a05.01ཏུ་གཟེར་བ་ན། །དེ་ཚེ་ཟླ་བ་གསུམ་དུ་ཡང་། །འཆི་བྱེད་ཀྱི་ནི་དབང་དུ་འགྲོ། །རྐང་པའི་མཐིལ་ནི་གཟེར་བ་དང་། །གལ་ཏེ་སྣ་ནི་གཟེར་བ་ན། །ཞག་གསུམ་ན་ནི་འཆི་འགྱུར་བར། །འདི་ལ་ཡང་ནི་ཐེ་ཚོམ་མེད། །བཤང་དང་གཅི་བའི་དུས་སུ་ནི། །གལ་ཏེ་སྦྲིད་པ་བྱུང་བ་
D372.078.0166a06.01ན། །དེ་ཡི་དེ་ལྟར་དུས་ཚོད་ཀྱི། །ལོ་ན་ངེས་པར་འཆི་བའོ། །སྔ་དྲོ་ཡི་ནི་ཉིན་ལྔ་དང་། །དབུས་མའི་གུང་ལ་བཅུ་དེ་བཞིན། །གཞན་གྱི་གུང་ལ་ཟླ་ཕྱེད་གཅིག །ནམ་ཕྱེད་ལ་ཡང་ཟླ་བ་སྟེ། །འདི་ཚེའི་དེ་ལྟར་དུས་སུ་ནི། །གལ་ཏེ་སྦྲིད་བྱུང་སྔོན་བཞིན་ཏེ། །དུས་ཀྱི་
D372.078.0166a07.01