完整藏文原文 · 德格版页 当前仅加载第 78 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
བཞག་པའི་སེམས། །ཧྱཱ་ཡི་ཡི་གེར་ཚིག་འདིའོ། །ལྗང་གུའང་སྙིང་རྗེའི་སྦྱོར་བ་སྟེ། །ལྷ་མོ་དེ་བཞིན་དབུ་མའོ། །ཅི་ཞིག་བདེ་བ་རིག་པ་ཅི། །ཅི་ཞིག་དོན་དམ་པའི་སྤྱོད་ཡུལ། །གོས་བཞིན་པ་ནི་རྣལ་འབྱོར་ཆེར། །རྣམ་པར་ཤེས་པ་ལྷ་མོར་འདོད། །སྐྱེ་བོ་ཀུན་
D372.078.0213b01.01གྱི་བདག་ཉིད་ཆེས། །བགྲོད་པ་མཚམས་རྣམས་ཀུན་དུའོ། །ཐོད་པ་ཁ་སྦྱོར་བཅིང་བྱས་ནས། །སྐྲ་རྣམས་ཀྱིས་ནི་སྦྱིན་སྲེག་བརྗོད། །འདི་ནི་མེ་ཏོག་ཏུ་གྲགས་ཏེ། །དམ་ཚིག་སོ་སོར་སྐྱོང་བར་བྱེད། །རྟག་ཏུ་རྣལ་འབྱོར་མ་མཆོད་བྱ། །ཞི་བའི་བཏུང་བ་ཉིན་རེར་རོ། །དེ་
D372.078.0213b02.01ལྟར་བྱེད་པའི་སྔགས་ཤེས་པ། །དངོས་གྲུབ་ཐམས་ཅད་རབ་སྟེར་པོ། །བ་ལང་ཤ་ནི་ཆང་བཏགས་པ། །ལག་པ་གཡོན་པས་སྦྱིན་སྲེག་བྱ། །ལྷ་ཐམས་ཅད་དང་རྒྱུ་སྐར་བཅས། །ཀླུ་སོགས་སུམ་ཅུའི་གནས་པ་དང་། །སངས་རྒྱས་ཀྱང་ནི་དབང་འགྱུར་ན། །ཕྲ་མོའི་
D372.078.0213b03.01མི་ནི་སླར་ཡང་ཅི། །ལུད་པ་དང་ནི་སོ་ཤིང་དང་། །རང་ལུས་དྲིལ་ཕྱིས་དེ་བཞིན་དུ། །མིང་གིས་ཆང་བཏགས་སྦྱིན་སྲེག་གིས། །འཇིག་རྟེན་དང་བཅས་དབང་དུ་བྱེད། །ཟླ་མཚན་གྱི་ནི་ཁྲག་དང་ནི། །བཟའ་བ་ཟོས་པའི་སྐྱུགས་པ་ནི། །མི་ཡི་སྐྲ་དང་ཡོངས་ལྡན་པས། །
D372.078.0213b04.01ད་ལྟ་ཉིད་དུ་འགུགས་བྱེད་མཆོག །རང་ལུས་མར་གྱི་སྐྱུགས་པ་དང་། །རང་གི་སྐྲ་ནི་མཁས་པས་བསྲེག །ནིམ་པའི་མེ་ནི་འབར་བ་ཡིས། །མོད་ལ་སྡང་བར་བྱེད་པའི་མཆོག །བྱ་རོག་གཤོག་པས་སྦྱིན་སྲེག་བྱེད། །མཉམ་གཞག་དྷ་དུ་ར་ཡི་མེས། །མར་ནག་ཚན་དེ་
D372.078.0213b05.01ཡོངས་ལྡན་པས། །མོད་ལ་གསོད་དང་སྐྲོད་པ་ཡིན། །སྟོང་ཕྲག་དགུ་ཡི་སྲེག་བླུགས་ཀྱིས། །ཡུན་མི་རིང་པས་རྒྱལ་པོ་འཐོབ། །གང་ཞིག་བསྲེག་པའི་སྲེག་བླུགས་ནི། །མཁས་པས་བརྒྱ་ནི་ཤ་ཡིས་ཏེ། །དེ་ལ་ཟླ་བ་གསུམ་རྗེས་ལ། །སྐད་ཅིག་ལ་ནི་ཕོངས་པ་འཇོམས། །
D372.078.0213b06.01གང་གིས་རྒྱུན་དུ་དྲན་བྱེད་ན། །དེ་ནི་སྐྱེ་བོའི་མཐུན་པར་འགྱུར། །མཚན་མོ་ཉི་ཤུ་རྩ་གཅིག་གིས། །འགྲུབ་འགྱུར་འདི་ལ་ཐེ་ཚོམ་མེད། །ལུས་མེད་ཚོགས་མཆོག་བུད་མེད་རྣམས། །མྱོས་པའི་བསམ་ཅན་འགྲུབ་འགྱུར་རོ། །འདོད་པས་མྱོས་པའི་འཇིག་རྟེན་རྣམས། །
D372.078.0213b07.01