完整藏文原文 · 德格版页 当前仅加载第 78 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་བདུན་པ་སྟེ། །ཟུར་བརྒྱད་པ་ནི་མགོ་བོ་ལ། །ཟུར་དགུ་རུ་ནི་སྨིན་དབུས་སུ། །གཙུག་ཏོར་དུ་ནི་ཟུར་ལྔ་པ། །ཟུར་བཅུ་པ་ནི་དབྲལ་བར་ཏེ། །རླུང་ལས་བྱུང་བའི་རྩ་བ་ཅན། །བསྲེག་རྫས་ཁམས་རྣམས་ཐམས་ཅད་ནི། །རླུང་འབབ་པ་ལ་བསྲེག་པར་བྱ། །དེ་ཉིད་དུས་སུ་ཕྱི་རོལ་གྱི། །
D372.078.0196b01.01བློ་ལྡན་གྱིས་ལས་ཆུང་ངུའོ། །ལ་ལ་ནཱ་དང་ར་ས་ནཱ། །དགང་གཟར་བླུགས་གཟར་གཉིས་དེ་བཞིན། །མར་སྣོད་ཨ་བ་དྷཱུ་ཏཱི་སྟེ། །ཐབ་ནི་དེའི་བར་བར་དག་ཏུའོ། །ལས་ཐམས་ཅད་པའི་སྦྱིན་སྲེག་ནི། །འཇིག་རྟེན་འདི་ལ་བྱ་བ་ཡིན། །དེར་ནི་རྫས་རྣམས་ཐམས་ཅད་ཀྱི། །ཐེ་ཙོམ་
D372.078.0196b02.01མེད་པར་བསྲེག་པར་བྱ། །དགང་གཟར་ཁྲུ་གང་དུ་འགྱུར་ཏེ། །རྒྱར་ནི་སོར་མོ་བཞི་པ་ལས། །དེར་ནི་སོར་མོ་གཉིས་བརྐོ་བྱ། །མཆུ་ཡི་སྤུག་མོ་སོར་མོ་ཕྱེད། །དབུས་སུ་རྡོ་རྗེ་པདྨ་དང་། །མཆུ་སྤུག་རྡོ་རྗེ་ལྡན་པ་ཅན། །རྩ་བར་རྡོ་རྗེ་སོར་དྲུག་པ། །ཡུ་བའི་སྟེང་དུ་དགང་གཟར་སོགས། །
D372.078.0196b03.01བླུགས་གཟར་ཀྱང་ནི་དེའི་ཚད་ལ། །སྟེང་དུ་པད་འདབ་ལྟ་བུ་ཡིན། །གང་གི་ཐབ་རྣམས་ཀྱི་ནི་ཚད། །ཁྲུ་གང་པའམ་ཁྲུ་དོ་པ། །དེའི་ཕྱེད་ཐུར་དུ་བརྐོ་བྱ་བ། །བཅུ་པོ་རྣམས་ལ་རབ་ཏུ་བཤད། །ཐོག་མ་དང་ནི་དབུས་དང་མཐར། །སྔགས་པས་གང་བའི་སྲེག་བླུགས་དབུལ། །མེ་ནི་དགུག་
D372.078.0196b04.01བྱ་དེ་ཡང་ནི། །ཀུ་ཤའི་བམ་པོ་ལ་གཞག་བྱ། །མཆོད་ཡོན་ཞབས་བསིལ་ཞལ་བསིལ་ནི། །སྣ་ཚོགས་མངོན་པར་བསྔགས་ནས་དབུལ། །དེར་ནི་ཉ་ཕྱིས་ཕོར་པ་གསུམ། །ལོ་མའི་སྟེང་དུ་གཞག་པར་བྱ། །འོ་མའི་སྣོད་ནི་ཡང་བཞག་ནས། །དེ་ནས་གོས་ནི་དེའི་སྟེང་དུའོ། །ས་
D372.078.0196b05.01གཞིར་དཱུར་བ་སྦྱིན་བྱ་བ། །སྔོན་དུ་ཁ་མངོན་ཕྱོགས་པར་རོ། །ཐམས་ཅད་དུ་ནི་གཡས་ཕྱོགས་སུ། །དེར་ནི་རྫས་རྣམས་གཞག་པར་བྱ། །ས་གཞི་རི་མོ་གསུམ་བྲི་སྟེ། །སྒོ་གཅིག་པ་ནི་ནུབ་ཏུའོ། །འགྲུབ་བྱའི་དངོས་ཀུན་ཐམས་ཅད་དང་། །རྒྱལ་པོ་ནས་བརྩམས་གཞུག་པར་བྱ། །
D372.078.0196b06.01ཐམས་ཅད་ཉེ་བར་བྱ་བའི་ཕྱིར། །རྡོ་རྗེ་བླ་མ་ལ་དབུལ་བ། །དྲང་སྲོང་ཕྱག་བཞི་བསམ་བྱ་བ། །དབྱུག་པ་ཐབ་དང་སྤྱི་བླུགས་དང་། །བགྲང་ཕྲེང་ལུག་ལ་ཞོན་པ་ཡི། །ཁ་དོག་དམར་པོ་རྣམ་བསམ་བྱ། །ཨོཾ་ཨེ་ཧྱེ་ཧི་ཨགྣ་ཡེ་རྃ་སརྦ་སིད་དྷིམྨེ་པྲ་ཡཙྪ་ཛྭ་ལ་ཛྭ་ལ་ཧོ། མ་ཧཱ་རཱི་ཥི་
D372.078.0196b07.01