完整藏文原文 · 德格版页 当前仅加载第 59 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་རབ་ཏུ་ཐར་བར་བྱ་བ་ལ་དམིགས་ནས་སྙིང་རྗེ་ཆེན་པོ་ལ་གནས་པ་དང་། གང་བྱམས་པ་ཆེན་པོ་དང་ལྡན་ཞིང་ཆོས་ངེས་པར་སེམས་པའི་བཟོད་པ་ལ་རབ་ཏུ་ཞུགས་ན། དེ་དེ་བས་བསོད་ནམས་ཆེས་མང་དུ་འཕེལ་ཏེ། འདི་ལྟར་ཐེག་པ་ཆེན་པོ་ལ་ཆེས་མྱུར་དུ་ངེས་པར་འབྱུང་བར་འགྱུར་རོ། །
D169.059.0307a01.01དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཆོས་ཀྱི་རྣམ་གྲངས་འདི་གཟུང་ལགས་ན། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཅི་ལྟར་གཟུང་བར་བགྱི། བཅོམ་ལྡན་
D169.059.0307a02.01འདས་ཀྱིས་བཀའ་སྩལ་པ། ཀུན་དགའ་བོ་དེ་བས་ན་ཆོས་ཀྱི་རྣམ་གྲངས་འདི་བདེན་པ་དང་། ཆོས་དང་། དོན་དང་། འདུལ་བ་ལ་མཁས་པའི་སྒོའི་ལེའུ་ཞེས་བྱ་བར་ཟུང་ཤིག །ཡོན་ཏན་རིན་པོ་ཆེ་མཐའ་ཡས་པར་སེམས་བསྐྱེད་པ་བསྟན་པ་ཞེས་བྱ་བ་དང་། དེ་བཞིན་གཤེགས་པའི་སྟོབས་དང་། མི་
D169.059.0307a03.01འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་དང་། མཚན་རབ་ཏུ་དབྱེ་བ་བསྟན་པ་ཞེས་བྱ་བ་དང་། བྱང་ཆུབ་སེམས་དཔའི་ཆོས་སྤྱོད་པ་མཐའ་དག་ཅེས་བྱ་བ་དང་། ཕྱིར་མི་ལྡོག་པའི་ཕྱག་རྒྱ་བསྟན་པ་ཞེས་བྱ་བ་དང་། ཐེག་པ་ཆེན་པོའི་མན་ངག་ཅེས་བྱ་བ་དང་། འདུལ་བའི་ལེའུ་ཞེས་བྱ་བ་དང་། བུ་མོ་རིན་ཆེན་
D169.059.0307a04.01གྱིས་ཞུས་པ་ཞེས་བྱ་བར་ཡང་ཟུང་ཤིག །ཀུན་དགའ་བོ་ཁྱོད་ཀྱིས་ཆོས་ཀྱི་སྒོའི་ལེའུ་འདི་བཟུང་ཞིང་། གཞན་དག་ལ་ཡང་བཤད་ན་ཡོན་ཏན་གྱི་ཆོས་དཔག་ཏུ་མེད་པ་ལ་ཆོས་ཀྱི་སྣང་བ་ཐོབ་པར་འགྱུར་རོ། །སེམས་ཅན་རྣམས་ལ་སངས་རྒྱས་ཀྱི་མཛད་པས་ཉེ་བར་གནས་པར་འགྱུར་རོ། །དེ་ཅིའི་ཕྱིར་ཞེ་ན། འདས་པ་དང་། མ་
D169.059.0307a05.01བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་ནི་འདིར་འདུས་པའི་ཕྱིར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་ཀུན་དགའ་བོ་དང་། བུ་མོ་རིན་ཆེན་དང་། ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་བཅོམ་ལྡན་འདས་ཀྱིས་གསུངས་པ་ལ་
D169.059.0307a06.01ཡི་རངས་ཏེ་མངོན་པར་བསྟོད་དོ།། །།འཕགས་པ་ཐེག་པ་ཆེན་པོའི་མན་ངག་ཅེས་བྱ་བ་ཐེག་པ་ཆེན་པོའི་མདོ་རྫོགས་སྟོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོཙྪ་བ་བན་དེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
D169.059.0307a07.01