完整藏文原文 · 德格版页 当前仅加载第 59 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པ་ན་སེང་གེའི་སྒྲ་སྒྲོག་སྟེ། གང་ངས་རྣམ་པར་བྱང་བ་རྣམ་པར་དག་པའི་ཆོས་སུ་གསུངས་པ་དེ་དག་ལ་སྟེན་པ་ལ་ནི་རྣམ་པར་དག་པ་མ་ཡིན་ནོ་ཞེས་བྱ་བའི་གནས་མེད་དོ། །འདིར་ང་ལ་སུའང་རུང་རྒོལ་བར་འགྱུར་ཞེས་བྱ་བ་ནི་སྔ་མ་བཞིན་ཏེ། འདི་ནི་མི་འཇིགས་པ་གསུམ་པའོ། །
D169.059.0282b01.01བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། བདག་གིས་ཤེས་ཤིང་མཐོང་གི་གཞན་གྱིས་མི་ཤེས་མི་མཐོང་ངོ་ཞེས་མངོན་པའི་ང་རྒྱལ་དུ་ནམ་དུ་ཡང་མི་ལྟུང་སྟེ། རྟག་ཏུ་རྒྱུན་མི་ཆད་པར་མངོན་པའི་ང་རྒྱལ་མེད་ཅིང་སྡིག་པ་འབྱེད་པ་བློ་སྦྱང་བ་
D169.059.0282b02.01ཡིན་ནོ། །དེ་ཆོས་ཀྱི་སྦྱིན་པ་འདི་དང་ལྡན་པས་བྱང་ཆུབ་ཐོབ་པ་ན་སེང་གེའི་སྒྲ་སྒྲོག་སྟེ། ང་ཟག་པ་ཟད་དོ་ཞེས་དམ་བཅས་པ་ལ་ཟག་པ་འདི་ལྟ་བུ་ཞིག་ཡོངས་སུ་མ་ཟད་དོ་ཞེས་བྱ་བར་དེ་ལྟ་བུའི་གནས་མེད་དེ། འདིར་ང་ལ་སུ་ཡང་རྒོལ་བར་འགྱུར་བ་ཞེས་བྱ་བ་ནི་སྔ་མ་བཞིན་ཏེ་འདི་ནི་མི་འཇིགས་པ་
D169.059.0282b03.01བཞི་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། རྟག་ཏུ་རྒྱུན་མི་ཆད་པར་ལམ་སྟོར་བའི་སེམས་ཅན་རྣམས་ལ་ལམ་ཚོལ་བར་བྱེད་དེ། ལམ་གྱི་གམ་ཡོ་ནས་མཐོ་དམན་མི་མཉམ་པ་མཉམ་པར་བྱེད་དོ། །ཟམ་པ་དང་རྡོ་
D169.059.0282b04.01སྟེགས་ཀྱང་འདོགས་སོ། །མཚན་མོ་མུན་པ་མུན་ནག་གི་ནང་ན་དེ་བཞིན་གཤེགས་པའི་མཆོད་རྟེན་ལ་མར་མེ་ཡང་འབུལ་ལོ། །སེམས་ཅན་ལྟུང་བའི་འགྱོད་པ་ལ་གནས་པ་རྣམས་ཀྱི་ལྟུང་བའི་འགྱོད་པ་སེལ་ཏོ། །ཀུན་ནས་ལྡང་བ་མེད་པར་བྱེད་དོ། །གཞན་གྱི་འགྱོད་པ་མི་སྐྱེད་དོ། །
D169.059.0282b05.01གཞན་གྱི་ལྟུང་བ་བྱུང་བ་གླེང་བར་མི་བྱེད་དོ། །ཆོས་ལ་དོགས་པ་སྐྱེས་པའི་སེམས་ཅན་རྣམས་ལ་དོགས་པ་ཐམས་ཅད་གཅད་པའི་ཕྱིར་ཆོས་སྟོན་ཏོ། །ཐེ་ཚོམ་དང་། ཡིད་གཉིས་དང་། ནེམ་ནུར་མེད་པར་བྱེད་དོ། །ཆོས་ཀྱི་སྣང་བ་སྒྲུབ་པོ། །ཤེས་རབ་ཀྱི་སྣང་བ་ཆེན་པོ་ཡང་དག་པར་སྐྱེད་དོ། །
D169.059.0282b06.01སངས་རྒྱས་དང་། བྱང་ཆུབ་སེམས་དཔའ་དང་། ཆོས་སྨྲ་བ་ཐམས་ཅད་ལ་ཆོས་བསྟན་པར་གསོལ་བ་འདེབས་ཏེ། ཆོས་ཡང་དག་པར་འཛིན་ཅིང་སྒྱུ་མེད་པར་ལེགས་སོ་ཞེས་བྱ་བ་བརྗོད་དོ། །སེམས་ཅན་གང་ལ་ཡང་མི་འཕྱའོ། །འཐིང་སླད་མི་བྱེད་དོ། །ཆོས་ལ་ཤེད་མི་འབྱེ་བ་དང་།
D169.059.0282b07.01