完整藏文原文 · 德格版页 当前仅加载第 59 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པ་མེད་པའི་དོན་ནི་དོན་ཏེ། འདི་ནི་དོན་སོ་སོ་ཡང་དག་པར་རིག་པའོ། །སྒྱུ་མའི་སེམས་ཀྱིས་ཆོས་ཉིད་ནི་ཆོས་སོ་སོ་ཡང་དག་པར་རིག་པའོ། །རྣམ་པར་རིག་པའི་སྒོ་ནས་ངེས་པའི་ཚིག་ནི་ངེས་པའི་ཚིག་སོ་སོ་ཡང་དག་པར་རིག་པའོ། །ཡུལ་དྲུག་ལ་སེམས་མི་
D169.059.0275b01.01ཆགས་ཤིང་སྤོབས་པ་ཐོགས་པ་མེད་པ་འདི་ནི་སྤོབས་པ་སོ་སོ་ཡང་དག་པར་རིག་པའོ། །དོན་ནི་ངེས་པའི་དོན་ཏོ། །ཆོས་ནི་དབེན་པ་ལ་ལྟ་བའོ། །ངེས་པའི་ཚིག་ནི་སྒྲ་ཙམ་མོ། །སྤོབས་པ་ནི་སྒྲ་རྣམ་པར་རིག་པའོ། །སངས་རྒྱས་ཞེས་བྱ་བ་དེ་ནི་ཁོང་དུ་ཆུད་པའི་དོན་
D169.059.0275b02.01གྱི་ཚིག་གོ། །དེ་ལས་ངེས་པར་བྱུང་བ་ནི་ཆོས་སོ། །ཆོས་དེ་ནི་ངེས་པའི་ཚིག་གིས་རབ་ཏུ་ཕྱེ་བའོ། །སྤོབས་པ་བསྟན་པ་ནི་སྤོབས་པ་སོ་སོ་ཡང་དག་པར་རིག་པའོ། །ཆོས་ཀྱི་དོན་ནི་དོན་ཏོ། །འདོད་ཆགས་དང་བྲལ་བའི་ཆོས་ཉིད་ནི་ཆོས་སོ། །ཆོས་ལ་དཔྱོད་
D169.059.0275b03.01པ་ནི་ངེས་པའི་ཚིག་གོ། །ཆོས་ལ་སྤོབས་པ་ནི་སྤོབས་པ་སོ་སོ་ཡང་དག་པར་རིག་པའོ། །དགེ་འདུན་གྱི་དོན་དང་འདུས་མ་བྱས་པའི་དོན་ནི་དོན་སོ་སོ་ཡང་དག་པར་རིག་པའོ། །དགེ་འདུན་དང་དོན་རོ་གཅིག་པ་ནི་ཆོས་སོ། །དགེ་འདུན་ལ་དཔྱོད་པ་ནི་ངེས་པའི་ཚིག་གོ། །
D169.059.0275b04.01གང་རབ་ཏུ་སྟོན་པ་དེ་ནི་སྤོབས་པ་སོ་སོ་ཡང་དག་པར་རིག་པའོ། །བཙུན་པ་ཤ་ར་དྭ་ཏིའི་བུ་དེ་ལྟར་ན་ཆོས་ཐམས་ཅད་ཀྱི་ཚིག་བསྟན་པ་ནི་སོ་སོ་ཡང་དག་པར་རིག་པར་བལྟའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་
D169.059.0275b05.01འདས་བུ་མོ་རིན་ཆེན་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ནས་ནི་ཅི་སྲིད་ཅིག་ལགས། དེ་བཞིན་གཤེགས་པ་ནི་གང་གི་གསུང་རབ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་
D169.059.0275b06.01ཅེས་བཀའ་སྩལ་ཏོ། །ཤ་ར་དྭ་ཏིའི་བུ་སྔོན་བྱུང་བ་འདས་པའི་དུས་ན་བསྐལ་པ་གྲངས་མེད་པའི་ཡང་ཆེར་གྲངས་མེད་པར་གྱུར་པ་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཞེས་བྱ་བ། མཁྱེན་པ་དང་
D169.059.0275b07.01