完整藏文原文 · 德格版页 当前仅加载第 59 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟ་བུ་ནི་བུ་མོ་བྱང་ཆུབ་སེམས་དཔའ་སངས་རྒྱས་དང་། བདག་དང་། སེམས་ཅན་ཐམས་ཅད་ལ་མི་སླུ་བའོ། །བྱང་ཆུབ་སེམས་དཔའ་སངས་རྒྱས་དང་། བདག་དང་། སེམས་ཅན་ཐམས་ཅད་ལ་མི་སླུ་བ་གང་ཡིན་པ་འདི་ནི་བྱང་ཆུབ་སེམས་དཔའི་བདེན་པའི་མཆོག་གོ། །
D169.059.0264b01.01དེ་རྣམ་པ་བཞིས་སངས་རྒྱས་ལ་མི་སླུ་སྟེ། བརྟན་པ་དང་། སྟོབས་དང་། བརྩོན་འགྲུས་རྟུལ་བའོ། །དེ་རྣམ་པ་བཞིས་བདག་ལ་མི་སླུ་སྟེ། བསམ་པ་དང་། ལྷག་པའི་བསམ་པ་དང་། གཡོ་མེད་པ་དང་། སྒྱུ་མེད་པའོ། །དེ་རྣམ་པ་བཞིས་སེམས་ཅན་ཐམས་ཅད་མི་
D169.059.0264b02.01སླུ་སྟེ། སྦྱོར་བ་དང་། བྱམས་པ་དང་། སྙིང་རྗེ་དང་། སྡུད་པ་སྟེ། བུ་མོ་གང་འདི་བྱང་ཆུབ་སེམས་ཡོངས་སུ་མི་གཏོང་ཞིང་སྔོན་དམ་བཅས་པ་ལས་མི་ཉམས་པ་འདི་ནི་བྱང་ཆུབ་སེམས་དཔའི་བདེན་པ་ལ་འཇུག་པ་དང་པོའོ། །བུ་མོ་གཞན་ཡང་བྱང་ཆུབ་སེམས་དཔའི་བདེན་པ་ནི་གང་
D169.059.0264b03.01འདི་ངག་བསྡམས་པ་དང་། ངག་བསྲུངས་པ་དང་། ངག་འཁྲུལ་པ་མེད་པ་དང་། ཚིག་བདེན་པ་སྟེ། དེ་གཅིག་པུ་ཡང་རུང་། སྐྱེ་བོ་མང་པོའི་ནང་དུ་གནས་ཀྱང་རུང་། ཚིག་བདེན་པར་སྨྲ་སྟེ། དེ་རྒྱལ་སྲིད་ཀྱི་ཕྱིར་ཡང་{བརྫུན་,རྫུན་}གྱི་ཚིག་མི་སྨྲ། སྟོང་གསུམ་གྱི་སྟོང་ཆེན་པོའི་འཇིག་
D169.059.0264b04.01རྟེན་གྱི་ཁམས་རིན་པོ་ཆེས་རབ་ཏུ་བཀང་བས་བྲིད་ཀྱང་{བརྫུན་,རྫུན་}གྱི་ཚིག་མི་སྨྲ་བའོ། །བུ་མོ་དེ་ལ་བྱང་ཆུབ་སེམས་དཔའི་བདེན་པ་ནི་རྣམ་པ་སུམ་ཅུ་རྩ་གཉིས་ཡོངས་སུ་དག་པ་སྟེ། རྣམ་པ་སུམ་ཅུ་རྩ་གཉིས་གང་ཞེ་ན། འདི་ལྟ་སྟེ། ངོ་ཚ་ཤེས་པའི་རྣམ་པ་དང་། ཡོན་ཏན་གྱི་རྣམ་
D169.059.0264b05.01པ་དང་། ཁྲེལ་ཡོད་པའི་རྣམ་པ་དང་། དེས་པའི་རྣམ་པ་དང་། བཅོས་མ་མ་ཡིན་པའི་རྣམ་པ་དང་། མ་སྨད་པའི་རྣམ་པ་དང་། མི་དམིགས་པའི་རྣམ་པ་དང་། ལྷས་རྣམ་པར་རིག་པའི་རྣམ་པ་དང་། འཇིགས་པ་མེད་པའི་རྣམ་པ་དང་། ངན་འགྲོ་གཅོད་པའི་རྣམ་པ་དང་། བདེ་འགྲོ་འབྱེད་
D169.059.0264b06.01པའི་རྣམ་པ་དང་། འཕགས་པའི་སྐྱེ་བོ་མངོན་པར་དགའ་བའི་རྣམ་པ་དང་། མཁས་པས་མཆོད་པར་འོས་པའི་རྣམ་པ་དང་། ནང་དག་པའི་རྣམ་པ་དང་། ཕྱི་རོལ་ལེགས་པར་བྱས་པའི་རྣམ་པ་དང་། གཟུང་བར་འོས་པའི་ཚིག་གི་རྣམ་པ་དང་། ཚིག་མི་བརླང་བའི་རྣམ་པ་དང་།
D169.059.0264b07.01