完整藏文原文 · 德格版页 当前仅加载第 59 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
མཐུ་དང་བུ་མོ་རིན་ཆེན་གྱི་བདེན་པའི་བྱིན་གྱི་རླབས་ཀྱིས། བཅོམ་ལྡན་འདས་ཀྱི་དབུའི་གཙུག་གི་མཚམས་དང་། བྱང་ཆུབ་སེམས་དཔའ་ཐམས་ཅད་ཀྱི་སྤྱི་གཙུག་གི་མཚམས་སུ་ཁང་པ་བརྩེགས་པ་ཆེན་པོ་ཤིན་ཏུ་ཡངས་པ་རྒྱ་ཆེ་བ་རྣམ་པར་བཀྲ་བ་བལྟ་ན་སྡུག་པ། ངོས་
D169.059.0262a01.01མཉམ་པ་ཤིན་ཏུ་རྣམ་པར་ཕྱེ་བ་ལེགས་པར་གྲུབ་པ་གནས་པར་གྱུར་ཏེ། བྱང་ཆུབ་སེམས་དཔའ་དེ་དག་སྔོན་བདག་ཅག་གི་སངས་རྒྱས་ཀྱི་ཞིང་གི་ཡོན་ཏན་བཀོད་པ་འདི་འདྲ་བར་གྱུར་ཅིག །བྱང་ཆུབ་ཀྱི་སྙིང་པོ་འདི་འདྲ་བར་གྱུར་ཅིག་ཅེས་སྨོན་ལམ་བཏབ་པའི་ཁྱད་པར་ཅི་འདྲ་བ་དེ་ལྟ་བུའི་བཀོད་པ་
D169.059.0262a02.01དག་ཀྱང་བྱང་ཆུབ་སེམས་དཔའ་དེ་དག་གིས་ཁང་པ་བརྩེགས་པ་དེ་དག་ལས་མཐོང་ངོ་། །མཐོང་ནས་ཀྱང་ངོ་མཚར་དུ་གྱུར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟར་ཇི་ཙམ་དུ་བདག་ཅག་གིས་བསྐལ་པ་གྲངས་མ་མཆིས་པར་སྨོན་ལམ་
D169.059.0262a03.01མངོན་པར་འདུས་བགྱིས་པར་ཐམས་ཅད་བུ་མོ་རིན་ཆེན་གྱི་སྐད་ཅིག་གཅིག་ལ་བསྟན་པ་ནི་བུ་མོ་རིན་ཆེན་འདི་བདེན་པའི་བྱིན་གྱི་རླབས་ཀྱི་སྟོབས་ཅན་ལགས་ཏེ་ངོ་མཚར་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །སྐྱེས་བུ་དམ་པ་དག་ཇི་སྐད་སྨྲས་པ་དེ་བཞིན་ཏེ།
D169.059.0262a04.01བུ་མོ་རིན་ཆེན་འདི་བདེན་པའི་བྱིན་གྱི་རླབས་ལས་ངེས་པར་བྱུང་བའོ། །སྐྱེས་བུ་དམ་པ་དག་བུ་མོ་རིན་ཆེན་གྱིས་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དྲུག་ལས་དགེ་བའི་རྩ་བ་བསྐྲུན་ནས་བདེན་པའི་བྱིན་གྱི་རླབས་འདི་ཡོངས་སུ་བླངས་ཏེ། དེ་ནས་བུ་མོ་རིན་ཆེན་འདིས་
D169.059.0262a05.01ཇི་སྐད་སྨྲས་པ་དེ་ལྟར་ཀུན་དུ་གནས་སོ། །གལ་ཏེ་བུ་མོ་རིན་ཆེན་གྱིས་ཐམས་ཅད་དང་ལྡན་པའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནི་མེ་ཏོག་གིས་རབ་ཏུ་གང་བར་ཀུན་དུ་གནས་པར་གྱུར་ཅིག་ཅེས་སྨྲས་ན་ཡང་དེ་དེ་བཞིན་དུ་འགྱུར་རོ། །དེ་བཞིན་དུ་སྤོས་དང་།
D169.059.0262a06.01ཕྲེང་བ་དང་། བྱུག་པ་དང་། ཕྱེ་མ་དང་། གོས་ཀྱིས་རབ་ཏུ་གང་བར་ཀུན་དུ་གནས་པར་གྱུར་ཅིག་ཅེ་ན་ཡང་དེ་དེ་བཞིན་དུ་འགྱུར་རོ། །གལ་ཏེ་བར་སྣང་འདི་ཐམས་ཅད་གདུགས་དང་། རྒྱལ་མཚན་དང་། བ་དན་གྱིས་བརྒྱན་པར་ཀུན་དུ་གནས་པར་གྱུར་ཅིག་ཅེ་ན་ཡང་དེ་
D169.059.0262a07.01