完整藏文原文 · 德格版页 当前仅加载第 59 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་ཏུ་སེམས་བསྐྱེད་པ་དེ་དག་ནི་སྐྱེས་བུ་དམ་པ་ཡིན་ཏེ། ཡོན་ཏན་བསྟན་པ་མཐའ་ཡས་སོ། །དེ་ཅིའི་ཕྱིར་ཞེ་ན། ཉན་ཐོས་རིན་པོ་ཆེ་དང་། རང་སངས་རྒྱས་རིན་པོ་ཆེ་ལས་སངས་རྒྱས་དཀོན་མཆོག་མི་འབྱུང་གི །སངས་རྒྱས་དཀོན་མཆོག་ལས་ཉན་
D169.059.0275a01.01ཐོས་དང་རང་སངས་རྒྱས་རིན་པོ་ཆེ་འབྱུང་ངོ་། །བྱང་ཆུབ་ཀྱི་སེམས་རིན་པོ་ཆེ་ལས་སངས་རྒྱས་དང་། ཆོས་དང་། དགེ་འདུན་དཀོན་མཆོག་འབྱུང་ངོ་། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་བུ་མོ་རིན་
D169.059.0275a02.01ཆེན་གྱི་ཤེས་རབ་དང་། སྤོབས་པ་བསྟན་པ་དང་། ཇི་ལྟར་འདི་སོ་སོ་ཡང་དག་པར་རིག་པ་ཐོབ་པ་བསྟན་པ་ངོ་མཚར་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཤ་ར་དྭ་ཏིའི་བུ་འདི་ལ་ཇི་སྙམ་དུ་སེམས། བུ་མོ་རིན་ཆེན་གྱིས་སོ་སོ་ཡང་དག་པར་རིག་པ་མ་ཐོབ་
D169.059.0275a03.01བོ་སྙམ་ན། དེ་ལྟར་མི་བལྟ་སྟེ། བུ་མོ་རིན་ཆེན་གྱིས་སོ་སོ་ཡང་དག་པར་རིག་པ་དང་། སྤོབས་པ་རྒྱུན་མི་ཆད་པ་འཐོབ་བོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུས་བུ་མོ་རིན་ཆེན་ལ་འདི་སྐད་ཅེས་སྨྲས་སོ། །བུ་མོ་ཁྱོད་ཀྱིས་སོ་སོ་ཡང་དག་པར་རིག་པ་བསྟན་པ་ལས་
D169.059.0275a04.01བརྩམས་ཏེ། སྤོབས་པར་གྱིས་ཤིག །བུ་མོ་རིན་ཆེན་གྱིས་སྨྲས་པ། བཙུན་པ་ཤ་ར་དྭ་ཏིའི་བུ་སོ་སོ་ཡང་དག་པར་རིག་པ་ནི་ཐམས་ཅད་དུ་ཆོས་ལ་དཔྱོད་པ་དང་སྟོན་པའི་ལས་བྱེད་དེ། བཙུན་པ་ཤ་ར་དྭ་ཏིའི་བུ་བྱང་ཆུབ་ཀྱི་སེམས་ཞེས་བྱ་བ་དེ་ནི་སོ་སོ་ཡང་དག་པར་རིག་
D169.059.0275a05.01པ་བསྟན་པའི་ཚིག་གོ། །དེ་ཅིའི་ཕྱིར་ཞེ་ན། དོན་ཐམས་ཅད་ཀྱིས་ཡང་དག་པར་བསྡུས་པའི་སེམས་བསྐྱེད་པ་འདི་ནི་དོན་སོ་སོ་ཡང་དག་པར་རིག་པའོ། །ཆོས་ཀྱི་དབྱིངས་སུ་ཡང་དག་པར་འདུ་བའི་སེམས་དེ་བསྐྱེད་པ་འདི་ནི་ཆོས་སོ་སོ་ཡང་དག་པར་རིག་པའོ། །དེ་ལས་
D169.059.0275a06.01བྱུང་བའི་དཔྱོད་པ་ཐམས་ཅད་དང་ངེས་པའི་ཚིག་ཐམས་ཅད་པོ་འདི་ནི་ངེས་པའི་ཚིག་སོ་སོ་ཡང་དག་པར་རིག་པའོ། །སེམས་བསྐྱེད་པ་དེ་ཐོགས་པ་མེད་པར་སྟོན་ཅིང་སྤོབས་པ་རྒྱུན་མི་འཆད་པ་འདི་ནི་སྤོབས་པ་སོ་སོ་ཡང་དག་པར་རིག་པའོ། །རྒྱུ་བ་མེད་ཅིང་
D169.059.0275a07.01