完整藏文原文 · 德格版页 当前仅加载第 59 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
བུས་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་དེ་བཞིན་གཤེགས་པ་རྣམ་པར་གཟིགས་དེའི་སྐུ་ཚེའི་ཚད་ཅི་ཙམ། བཅོམ་ལྡན་འདས་ཀྱིས་བཀའ་སྩལ་པ། ཤ་ར་དྭ་ཏིའི་བུ་དེ་བཞིན་གཤེགས་པ་རྣམ་པར་གཟིགས་དེའི་སྐུ་ཚེའི་ཚད་
D169.059.0276b01.01ནི་བར་གྱི་བསྐལ་པ་བཅུ་ཐུབ་བོ། །ཤ་ར་དྭ་ཏིའི་བུ་དེ་ལྟར་རྒྱལ་པོ་བསོད་ནམས་ཀྱི་རྣམ་པར་སྨིན་པ་ཡོངས་སུ་དག་པའི་དེ་བཞིན་གཤེགས་པ་རྣམ་པར་གཟིགས་དེ་ལ་མཆོད་པ་དཔག་ཏུ་མེད་པ་བྱས་ན། བཙུན་མོའི་འཁོར་དང་བཅས། བུ་དང་བཅས། གཡོག་
D169.059.0276b02.01དང་བཅས་ཏེ་སྲོག་ཆགས་ཁྲག་ཁྲིག་དགུ་བཅུ་རྩ་གཉིས་ཀྱིས་མདུན་དུ་བདར་ནས་དེ་བཞིན་གཤེགས་པ་རྣམ་པར་གཟིགས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བྱེ་བ་བརྒྱ་སྟོང་གིས་ཤིན་ཏུ་སྤྲས་པའི་མུ་
D169.059.0276b03.01ཏིག་གི་སེ་མོ་དོས་མངོན་པར་བཀབ་ནས་ཐལ་མོ་སྦྱར་ཏེ། དེ་བཞིན་གཤེགས་པ་རྣམ་པར་གཟིགས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་བཅོམ་ལྡན་འདས་ལ་མཆོད་པ་ཐམས་ཅད་ཀྱིས་མཆོད་པ་བགྱིས་ན། བདག་གིས་དེ་བཞིན་
D169.059.0276b04.01གཤེགས་པ་ལ་མཆོད་པ་མ་བགྱིས་པའི་མཆོད་པ་ཁྱད་པར་དུ་འཕགས་པ་གཞན་ལ་ལ་མཆིས་སམ། དེ་སྐད་ཅེས་གསོལ་པ་དང་། དེ་བཞིན་གཤེགས་པ་རྣམ་པར་གཟིགས་ཀྱིས་རྒྱལ་པོ་བསོད་ནམས་ཀྱི་རྣམ་པར་སྨིན་པ་ཡོངས་སུ་དག་པ་དེ་ལ་འདི་སྐད་ཅེས་བཀའ་
D169.059.0276b05.01སྩལ་ཏོ། །རྒྱལ་པོ་ཆེན་པོ་གང་ཁྱོད་ཀྱིས་དེ་བཞིན་གཤེགས་པ་ལ་མཆོད་པ་མ་བྱས་པའི་མཆོད་པ་དམ་པ་ཁྱད་པར་ཅན་གྱ་ནོམ་པ་ཁྱོད་ཀྱི་མཆོད་པ་འདིས་དེའི་བརྒྱའི་ཆར་ཡང་ཉེ་བར་མི་འགྲོ་བ་ནས་རྒྱུའི་བར་དུ་ཡང་མི་བཟོད་པ་གཞན་ཡོད་དོ། །དེ་ཡང་གང་ཞེ་ན། དེ་ནས་
D169.059.0276b06.01དེ་བཞིན་གཤེགས་པ་རྣམ་པར་གཟིགས་དེས་རྒྱལ་པོ་འཁོར་དང་བཅས་པ་དེའི་བསམ་པ་མཁྱེན་ནས་ཚིགས་སུ་བཅད་པ་འདི་དག་གསུངས་སོ། །ཞིང་རྣམས་བྱེ་བ་ཁྲག་ཁྲིག་བརྒྱ་སྟོང་དུ་མ་གང་གཱའི་བྱེ་མ་སྙེད། །གང་གིས་རིན་ཆེན་བཀང་སྟེ་བསྐལ་པ་བྱེ་བརྒྱར་རྟག་
D169.059.0276b07.01