完整藏文原文 · 德格版页 当前仅加载第 59 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོ་བསམ་གྱིས་མི་ཁྱབ་པ་རྣམ་པར་གཞག་པ་སྟོན་པ་ཡིན། སྔོན་གྱི་གནས་རྣམ་པ་དུ་མ་རྗེས་སུ་དྲན་པ་ཤེས་པ་བསྟན་པ་རྣམས་ལ་སེམས་ཅན་ཐམས་ཅད་ཀྱི་འཆི་འཕོ་དང་། ཚེ་དང་། སྐྱེ་བ་རབ་འབྲིང་ཐ་མ་དང་། ཐོག་མའི་མཐར་ཆགས་པ་མེད་ཅིང་སྒྲིབ་པ་མེད་པའི་ཡེ་ཤེས་སྟོན་པ་ཡིན།
D169.059.0291b01.01ཐོགས་པ་མེད་ཅིང་སྒྲིབ་པ་མེད་པའི་ལྷའི་མིག་ཤེས་པ་བསྟན་པ་རྣམས་ལ་ཀུན་ཏུ་རྣམ་པར་ལྟ་བ་ཐམས་ཅད་དུ་ཤིན་ཏུ་ཡོངས་སུ་སྦྱང་བའི་ལུང་བསྟན་པ་སྟོན་པ་ཡིན། ཟག་པ་ཐམས་ཅད་ཟད་པ་ཤེས་པ་བསྟན་པ་རྣམས་ལ་བག་ཆགས་ཀྱི་མཚམས་སྦྱོར་བ་མ་ལུས་པར་སྤང་བར་
D169.059.0291b02.01ཤེས་པ་སྟོན་པ་ཡིན། མི་འཇིགས་པ་ཤེས་པ་བསྟན་པ་རྣམས་ལ་ཟིལ་གྱིས་མི་ནོན་པ་སྟོན་པ་ཡིན། སྙིང་རྗེ་ཆེན་པོའི་སྟོབས་ཤེས་པ་བསྟན་པ་རྣམས་ལ་སངས་རྒྱས་ཀྱི་མཛད་པ་ཐམས་ཅད་དུ་ཐ་དད་དུ་བྱ་བ་མེད་ཅིང་སྦྱོར་བ་མཚུངས་པ་མཉམ་པ་རྒྱུན་མི་གཅོད་པ་སྟོན་པ་ཡིན། སོ་སོ་ཅི་རིགས་པར་
D169.059.0291b03.01ཆོས་བསྟན་པ་རྣམས་ལ་ལྷུན་གྱིས་གྲུབ་པའི་ཡེ་ཤེས་ཀྱིས་རྣམ་པར་འཕྲུལ་པ་སྟོན་པ་ཡིན། སེམས་ཅན་ཐམས་ཅད་ཡོངས་སུ་སྨིན་པར་བྱེད་ཅིང་འདུལ་བའི་ཕྱིར། མི་ཟད་པའི་ཆོས་ཀྱི་འཁོར་ལོ་རབ་ཏུ་བསྐོར་བའི་ཡེ་ཤེས་ཀྱི་ཡུལ་བསྟན་པ་རྣམས་ལ་ཟབ་མོ་དང་། སྣ་ཚོགས་དང་། འཕྲུགས་
D169.059.0291b04.01པ་དང་། སྣྲེལ་ཞིར་རྒྱུ་བ་དང་། ཤེས་རབ་དང་། ཐབས་དང་། སྟོབས་དང་། རྣམ་པར་འཕྲུལ་པའི་ཡེ་ཤེས་སྟོན་པ་ཡིན། ཉན་ཐོས་དང་རང་སངས་རྒྱས་ཐམས་ཅད་དང་ཐུན་མོང་མ་ཡིན་པ་ཡིན་ཏེ། བུ་མོ་འདི་ནི་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་པ་བཅུ་
D169.059.0291b05.01གཉིས་པའོ། །བུ་མོ་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། ཡེ་ཤེས་ཀྱིས་བྱས་པའི་ལས་རྣམས་བྱེད་ཀྱི་ང་རྒྱལ་གྱིས་བྱས་པ་རྣམས་མི་བྱེད་དེ། དེ་ཡེ་ཤེས་ཀྱི་ལུས་ཀྱིས་ལས་བྱེད་པ་ནི་འདི་ལྟ་སྟེ། འཁུ་བ་དང་། གཡོ་དང་། གྱ་གྱུ་དང་། ཚུལ་
D169.059.0291b06.01འཆོས་པ་ཐམས་ཅད་མི་བྱེད་དོ། །སྡང་བ་མེད་ཅིང་ཆགས་པ་མེད་པ་ཡིན། རྟག་ཏུ་ཚངས་པར་སྤྱོད་ཅིང་དེ་ལུས་ཀྱི་ལས་ཀྱི་བརྩོན་འགྲུས་བརྩམས་པས་བྱང་ཆུབ་དང་འཐུན་ཏེ། བདག་དང་གཞན་ལ་གནོད་པ་མི་བྱེད་པ་ཡིན། ཕ་རོལ་ཏུ་ཕྱིན་པའི་རྒྱུན་འཐུན་པ་སྙིང་རྗེ་ཆེན་པོ་ལ་སྦྱོར་ཞིང་རྟག་ཏུ་
D169.059.0291b07.01