完整藏文原文 · 德格版页 当前仅加载第 59 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
བདུད་དང་ཕྱིར་རྒོལ་བ་བཅོམ་སྟེ། ཕྱིར་མི་ལྡོག་པའི་ཕྱག་རྒྱས་བཏབ་པར་བལྟའོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུས་བུ་མོ་རིན་ཆེན་ལ་འདི་སྐད་ཅེས་སྨྲས་སོ། །བུ་མོ་ཁྱོད་ཀྱིས་བྱང་ཆུབ་སེམས་དཔའ་རྣམས་ཀྱི་ཕྱིར་མི་ལྡོག་པའི་ཕྱག་རྒྱ་ཤེས་སམ། དེ་ནས་བུ་མོ་རིན་ཆེན་གྱིས་
D169.059.0301b01.01དེའི་ཚེ་ཚེ་དང་ལྡན་པ་ཤ་ར་དྭ་ཏིའི་བུ་ལ་ཚིགས་སུ་བཅད་པ་འདི་དག་སྨྲས་སོ། །འདི་ལ་ཆོས་དབྱིངས་སེམས་ཅན་ཁམས། །ཡང་དག་ཉིད་ཀྱིས་མཉམ་རྟོགས་ནས། །གཉིས་མེད་རྟོགས་པ་གང་ཡིན་པ། །དེ་ནི་མི་ལྡོག་ཕྱག་རྒྱ་ཡིན། །གང་དག་འདས་པའི་སངས་རྒྱས་དང་། །
D169.059.0301b02.01ད་ལྟར་བྱུང་དང་མ་བྱོན་པ། །ཐམས་ཅད་ཆོས་ཀྱི་དབྱིངས་མཉམ་པར། །རྟོགས་པ་དེ་དག་ཕྱིར་མི་ལྡོག །གང་ཡང་འདུས་བྱས་ཁམས་རྣམས་དང་། །གང་ཡང་འདུས་མ་བྱས་པའི་ཁམས། །དབེན་པའི་དོན་གྱིས་སྟོང་པར་ནི། །ཁོང་དུ་ཆུད་པ་ཕྱིར་མི་ལྡོག །སྔོན་གྱི་མཐའ་ནི་
D169.059.0301b03.01མཐའ་ཡས་པ། །དེ་ཡི་ཚད་ནི་མི་དམིགས་པ། །སེམས་ཀྱི་སྐད་ཅིག་གཅིག་ལྡན་པ། །ཁོང་དུ་དེ་ཆུད་ཕྱིར་མི་ལྡོག །འཇིག་རྟེན་པ་ཡི་ཆོས་གང་དག །སྤྱོད་པར་བཏགས་པའི་སྤྱོད་ཡུལ་རྣམས། །ཤེས་རབ་ཀྱིས་ནི་དེ་རྟོགས་པ། །གང་ཡིན་དེ་དག་ཕྱིར་མི་ལྡོག །བདུད་ཀྱི་ཡུལ་ནི་ཇི་སྙེད་
D169.059.0301b04.01པ། །གང་གིས་སངས་རྒྱས་ཡུལ་རྣམས་དང་། །དེ་དག་མི་གཉིས་ཤེས་པ་ནི། །ཕྱག་རྒྱ་འདི་ཡིས་བཏབ་པ་ཡིན། །འདོད་ཆགས་ཞེ་སྡང་གཏི་མུག་གང་། །ཉོན་མོངས་གང་དག་མཐའ་ཡས་པ། །གང་གིས་རྟོག་པའི་རྩ་བ་ལས། །བྱུང་བར་ཤེས་པ་ཕྱིར་མི་ལྡོག །འཁོར་བ་
D169.059.0301b05.01དང་ནི་མྱ་ངན་འདས། །བྱང་ཆུབ་ཞི་བར་བསྟན་པ་ཡང་། །ཐ་དད་མ་ཡིན་ཀུན་མཉམ་པར། །ཁོང་དུ་ཆུད་པ་ཕྱིར་མི་ལྡོག །ཕུང་པོ་ཇི་བཞིན་བྱང་ཆུབ་སྟེ། །ཕུང་པོ་བྱང་ཆུབ་མི་གཉིས་ཤིང་། །སྒྱུ་མ་འདྲ་བར་མཉམ་ཤེས་ཏེ། །རྣམ་རྟོག་མེད་པ་དེ་དག་མཁས། །གང་ཡང་
D169.059.0301b06.01ཁམས་རྣམས་བཞི་པོ་དག །ནམ་མཁའ་མཚུངས་པའི་ཁམས་ཡིན་ཏེ། །གཟུང་མེད་ཁོང་དུ་ཆུད་པ་ནི། །ཡང་དག་ཕྱག་རྒྱས་བཏབ་པ་ཡིན། །མིག་ནི་བྱང་ཆུབ་བྱང་ཆུབ་མིན། །སངས་རྒྱས་ཀྱིས་ནི་སྟོང་བར་གསུངས། །ཇི་ལྟར་མིག་བཞིན་བྱང་ཆུབ་སྟེ། །རྟག་ཏུ་མཉམ་
D169.059.0301b07.01