完整藏文原文 · 德格版页 当前仅加载第 59 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
བཟོད་པ་དང་ལྡན་ཡང་ལག་མཐིལ་དུ་འོངས་པའི་རྣམ་པར་གྲོལ་བ་མི་འདོད་ཅིང་འདུས་བྱས་མི་སྤོང་སྟེ། སངས་རྒྱས་ཀྱི་ཆོས་ཡོངས་སུ་རྫོགས་པར་བྱེད་པའི་སེམས་བསྐྱེད་པ་རིན་པོ་ཆེ་དང་། ཆོས་རྣམས་ལ་མི་རྟག་པ་དང་། སྡུག་བསྔལ་བ་དང་། བདག་མེད་པར་ཡང་
D169.059.0274b01.01སོ་སོར་རྟོག་ལ་སྐྱོ་བ་ཡང་མེད། ཆགས་པར་འགྱུར་བ་ཡང་མེད་པར་དགའ་ཞིང་བྱང་ཆུབ་ཀྱི་ཕྱོགས་ཀྱི་ཆོས་ཡང་དག་པར་སྒྲུབ་པའི་སེམས་བསྐྱེད་པ་རིན་པོ་ཆེ་དང་། ཆོས་ཐམས་ཅད་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། མངོན་པར་
D169.059.0274b02.01འདུ་བྱེད་པ་མེད་པར་སོ་སོར་རྟོག་ཅིང་སེམས་ཅན་ལ་ལྟ་ཡང་ཆོས་དེ་མངོན་སུམ་དུ་ཡང་མི་བྱེད་ལ་སེམས་ཅན་ལ་ལྟ་བའི་སེམས་བསྐྱེད་པ་རིན་པོ་ཆེ་དང་། འགྲོ་བ་ཐམས་ཅད་ཀྱིས་སྐྲག་ཅིང་མགོའི་ཐོད་ལ་མེ་འབར་བ་ལྟ་བུའི་བརྩོན་འགྲུས་དང་ལྡན་ཞིང་ཐམས་ཅད་
D169.059.0274b03.01མཁྱེན་པའི་ཡེ་ཤེས་ཀྱི་ཕྱིར་བསྐལ་པ་གྲངས་མེད་པར་འཁོར་བ་ལ་ཡོངས་སུ་མི་སྐྱོ་བ་འདི་ནི་བྱང་ཆུབ་སེམས་དཔའི་སེམས་བསྐྱེད་པ་རིན་པོ་ཆེའོ། །ཇི་ལྟ་ཇི་ལྟ་བུར་བྱང་ཆུབ་ལ་ཉེ་བར་འགྱུར་བ་དེ་ལྟ་དེ་ལྟ་བུར་དེ་ལུས་དང་ལོངས་སྤྱོད་དང་། ཡེ་ཤེས་ཤིན་ཏུ་
D169.059.0274b04.01རྒྱ་ཆེར་འགྱུར་ཡང་དེ་ཆེ་བ་ཉིད་ཀྱི་ཆོས་དེ་ཡང་འདོར་ཞིང་སྙིང་རྗེས་དབུལ་པོའི་རྗེས་སུ་འཇུག་སྟེ། སྨོན་པ་མེད་ཅིང་སྐྱོ་བ་མེད་པ་འདི་ཡང་བྱང་ཆུབ་སེམས་དཔའི་སེམས་བསྐྱེད་པ་རིན་པོ་ཆེའོ། །གང་སེམས་ཅན་ཡོངས་སུ་སྨིན་པར་བྱེད་པ་དེ་དག་ཐོག་མ་ཁོ་ནར་
D169.059.0274b05.01བདག་བྱང་ཆུབ་པར་མི་འདོད་ལ། ལྷག་པའི་བསམ་པ་བརྟན་པའི་སེམས་བསྐྱེད་པ་རིན་པོ་ཆེ་སྟེ། བཙུན་པ་ཤ་ར་དྭ་ཏིའི་བུ་སུམ་ཅུ་རྩ་གཉིས་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་རིན་པོ་ཆེ་སྟེ། དེས་ན་བྱང་ཆུབ་སེམས་དཔའ་རིན་པོ་ཆེའི་འབྱུང་གནས་ཞེས་
D169.059.0274b06.01བྱའོ། །དེ་ནས་བཅོམ་ལྡན་འདས་ཀྱིས་བུ་མོ་རིན་ཆེན་ལ་ལེགས་སོ་ཞེས་བྱ་བ་གནང་སྟེ། བུ་མོ་ཁྱོད་ཀྱིས་བྱང་ཆུབ་སེམས་དཔའ་དག་གི་སེམས་བསྐྱེད་པ་རིན་པོ་ཆེ་ལ་འཇུག་པ་འདི་ལེགས་པར་སྨྲས་པ་ནི་ལེགས་སོ་ལེགས་སོ། །བུ་མོ་གང་དག་བླ་ན་མེད་པ་ཡང་དག་པར་རྫོགས་པའི་བྱང་
D169.059.0274b07.01