完整藏文原文 · 德格版页 当前仅加载第 59 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་ནི་མ་ཡིན་ནོ། །ཕ་རོལ་ཏུ་ཕྱིན་པའི་ལམ་ཉན་པ་ལ་ཤིན་ཏུ་དགའ་བ་ཡིན་ནོ། །བརྒྱ་བྱིན་དང་། ཚངས་པ་ཐོབ་པ་ལ་ནི་མ་ཡིན་ནོ། །ཚིག་བཞི་པའི་ཚིགས་སུ་བཅད་པ་གཅིག་གཞན་དག་ལ་སྟོན་པར་བྱེད་པ་ལ་ཤིན་ཏུ་དགའ་བ་ཡིན་ཏེ། གང་གཱའི་ཀླུང་གི་བྱེ་མ་སྙེད་
D169.059.0287b01.01ཀྱི་གཏན་པ་མེད་པའི་མཆོད་སྦྱིན་བྱེད་པ་ལ་ནི་མ་ཡིན་ནོ། །གཞན་ལ་བྱང་ཆུབ་ཀྱི་སེམས་ཡང་དག་པར་འཛིན་དུ་འཇུག་པ་ལ་ཤིན་ཏུ་དགའ་བ་ཡིན་ཏེ། འཁོར་ལོས་སྒྱུར་བའི་རྒྱལ་སྲིད་གང་གཱའི་ཀླུང་གི་བྱེ་མ་སྙེད་ཐོབ་པ་ལ་ནི་མ་ཡིན་ནོ། །གཞན་དག་ལ་ཕ་རོལ་ཏུ་ཕྱིན་
D169.059.0287b02.01པ་དང་། རབ་ཏུ་ལྡན་པའི་ཆོས་ཀྱི་གཏམ་རབ་ཏུ་སྟོན་པ་ལ་དགའ་བ་ཡིན་ཏེ། བརྒྱ་བྱིན་དང་། ཚངས་པ་གང་གཱའི་ཀླུང་གི་བྱེ་མ་སྙེད་ཐོབ་པ་ལ་ནི་མ་ཡིན་ནོ། །དེ་ལྷག་པའི་བསམ་པ་དེ་ལྟ་བུ་ལ་ཞུགས་པས་བསྟི་སྟང་དུ་བྱེད་ཅིང་ཆོས་ཉན་ཏོ། །བསྟི་སྟང་དུ་བྱེད་ཅིང་གཞན་ལ་
D169.059.0287b03.01སྟོན་ཏོ། །དེ་ལྟར་མངོན་པར་བརྩོན་པས་ཚེགས་ཆུང་ངུར་དེ་ལྷ་ཐམས་ཅད་ཀྱིས་ཡོངས་སུ་བཟུང་བ་ཡིན། སངས་རྒྱས་ཐམས་ཅད་ཀྱིས་དགོངས་པ་ཡིན་ནོ། །དེ་ལས་ཡོངས་སུ་བཟུང་ཞིང་སངས་རྒྱས་ཀྱིས་དགོངས་པས་འཇིག་རྟེན་པ་དང་འཇིག་རྟེན་ལས་འདས་པའི་གཙུག་
D169.059.0287b04.01ལག་ཐམས་ཅད་བདག་ཉིད་ལ་མངོན་སུམ་དུ་འགྱུར་བ་ཡིན་ནོ། །དེ་ཤེས་རབ་ཀྱི་སྣང་བའི་སྒོ་ཟད་མི་ཤེས་པས་སྣང་བ་མ་ཡིན་ནོ། །དེ་ཆོས་ཀྱི་སྣང་བའི་སྒོ་འདི་དང་ལྡན་པས་བྱང་ཆུབ་ཐོབ་པ་ན་དེ་བཞིན་གཤེགས་པ་ལ་ཤེས་རབ་ཉམས་པ་མེད་པ་ཞེས་བྱ་སྟེ། དེ་ལ་དེ་མེད་པ་
D169.059.0287b05.01ཡིན་ནོ། །སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཤེས་པ་དང་། དགེ་བ་དང་། མི་དགེ་བ་དང་། ལུང་དུ་མ་བསྟན་པ་དང་། ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་དང་། ཟག་པ་དང་བཅས་པ་དང་། ཟག་པ་མེད་པ་དང་། འཇིག་རྟེན་པ་དང་།
D169.059.0287b06.01འཇིག་རྟེན་ལས་འདས་པ་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་དང་། འཁོར་བ་དང་། མྱ་ངན་ལས་འདས་པ་དང་། ཆོས་ཀྱི་སྒོ་ཐམས་ཅད་ཁོང་དུ་ཆུད་ཅིང་རྟོགས་པ་བསྟན་པ་ཤེས་པ་དང་། ཞིང་ཐམས་ཅད་ཀྱི་རྡུལ་ཕྲ་རབ་ཐམས་ཅད་དང་མཉམ་
D169.059.0287b07.01