完整藏文原文 · 德格版页 当前仅加载第 59 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
བར་སྦྱོར་བ་མ་ཡིན་གྱི། བདག་མེད་པ་དང་། སེམས་ཅན་མེད་པ་དང་། སྲོག་མེད་པ་དང་། གང་ཟག་མེད་པའི་ཆོས་ཀྱི་རྗེས་སུ་སོང་བ་ཡིན་ཏེ། མཐའ་ཁས་མི་ལེན། ཉེ་བར་མི་འཛིན་མི་དམིགས་སོ། །མཐའ་མི་དམིགས་པས་དབུས་ཡང་དག་པར་རྗེས་
D169.059.0291a01.01སུ་མི་མཐོང་ངོ་། །ཆོས་གང་ལ་མཐའ་མི་དམིགས་པ་དེ་ལ་དབུས་ཡོད་པར་ག་ལ་འགྱུར་ཏེ། དེའི་མཐའ་ཅི་འདྲ་བ་ཞིག་སྙམ་ནས། དེ་མཐའ་དང་དབུས་མེད་པའི་ཆོས་རྣམས་ལ་འཇུག་གོ། །ཆོས་ཀྱི་དབྱིངས་མཐའ་དང་དབུས་དང་བྲལ་བས་མཐའ་དང་དབུས་མེད་པའི་ཆོས་སྟོན་
D169.059.0291a02.01པ་ཡིན་ནོ། །དེ་ཆོས་ཡང་དག་པར་བླངས་པ་འདི་དང་ལྡན་པས་བྱང་ཆུབ་ཐོབ་པ་ནི་དེ་བཞིན་གཤེགས་པ་ལ་རྣམ་པར་གྲོལ་བའི་ཡེ་ཤེས་མཐོང་བ་མཉམ་པ་མེད་པ་ཞེས་བྱ་སྟེ། དེ་ལ་དེ་མེད་པ་ཡིན་ནོ། །སྟོབས་བཀོད་པའི་ཏིང་ངེ་འཛིན་ཤིན་ཏུ་བསྒོམས་པ་དང་། མཐའ་ཡས་འཁྱིལ་
D169.059.0291a03.01པའི་གཟུངས་ལ་མཁས་པས་དེའི་རྣམ་པར་གྲོལ་བ་ཡེ་ཤེས་མཐོང་བ་དེ་ཆོས་ཀྱི་དབྱིངས་མཐའ་དང་དབུས་མེད་པར་ཡང་དག་པར་འདུ་བ་ཡིན། གནས་དང་གནས་མ་ཡིན་པ་བསྟན་པ་རྣམས་ལ་ནམ་མཁའི་དབྱིངས་ལྟར་རྒྱ་ཆེ་ཞིང་རྣམ་པར་མི་རྟོག་ལ་ལྷུན་གྱིས་གྲུབ་པ་ཡིན། འདས་
D169.059.0291a04.01པ་དང་མ་འོངས་པ་དང་། ད་ལྟར་བྱུང་བའི་ལས་ཡང་དག་པར་བླངས་པ་ཤེས་པ་བསྟན་པ་རྣམས་ལ་རྣམ་པར་སྨིན་པ་ཆུད་མི་ཟ་བར་སྟོན་པ་ཡིན། སེམས་ཅན་ཐམས་ཅད་ཀྱི་དབང་པོ་དང་། བརྩོན་འགྲུས་ཀྱི་རིམ་པ་ཤེས་པ་བསྟན་པ་རྣམས་ལ་མངོན་སུམ་དུ་གྱུར་པ་ཡིན། ཁམས་
D169.059.0291a05.01དུ་མ་དང་། ཁམས་སྣ་ཚོགས་པའི་འཇིག་རྟེན་བསྟན་པ་རྣམས་ལ་ཤིན་ཏུ་རྣམ་པར་གདོན་མི་ཟ་བར་སྟོན་པ་ཡིན། མོས་པ་དུ་མ་པ་དང་། མོས་པ་སྣ་ཚོགས་ཤེས་པ་བསྟན་པ་རྣམས་ལ་མི་ཟད་པར་སྟོན་ཅིང་འཇུག་པ་ཡིན། ཀུན་དུ་འགྲོ་བའི་ལམ་ཤེས་པ་བསྟན་པ་རྣམས་ལ་
D169.059.0291a06.01ཕྱོགས་ཀྱི་དྲ་བ་ཐམས་ཅད་རྣམ་པར་དབྱེ་བ་རྒྱས་པར་བྱེད་ཅིང་ཕྱད་པར་ལུང་སྟོན་པ་ཡིན། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་དང་ལྡན་པ་ཤེས་པ་བསྟན་པ་རྣམས་ལ་ཆོས་ཀྱི་
D169.059.0291a07.01